Vanu vamo vakathinganyeka ngwavo kukwethi vukalu kwaka mavulu etu ha ma wembusaiti eka nambe ha mitamba yeka ya ha intaneti mwafwa apwa a vwana. Oloni kulinga ngocho, kunapu kupokola Mashiko aje amwetha mutunapande kupangethelamo ma wembusaiti etu, * cho oku kunanene vukalu vwakama. Mashiko aje amwetha mwakupangethelamo ma wembusaiti etu amwetha ngwavo naumo wahi napande kwaka vikupulo, na mavulu na lithzina lya munga na myatho na vikupulo vyeka na mavindiyo na viñanda vikwavo vya ha ma wembusaiti etu ha (wembusaiti yoshe yoshe, nambe ha mutamba wa kulitumina mavulu nambe ha mutamba wa kulitumina mavindiyo nambe ha mutamba woshe woshe wa ha intaneti).” Vika vivanavindikila kulinga ngocho?

Vyuma vyoshe vije vyakala ha ma wembusaiti etu vavithoneketha kuli vaka-mashiko. Vaka-kutengulukila na vaka-kulwitha, vakapangetha mavulu etu ha ma wembusaiti avo mangana vongumune Vakaleho va Yehova na vanu veka. Vyuma vivakaka ha ma wembusaiti avo vikatanganetha vaka-kutanda. (Myatho 26:4; Vithi. 22:5) Vamo vanapangetha mithzimbu ili mu mavulu etu nambe kupangetha keyala yetu ya jw.org mu kuthsimanetha na kulandetha mingotho yavo. Vakwavo vanapangetha evi vyuma ku mapulongilamu a mu mafoni mangana valinge mingotho. Twathonekethele ma wembusaiti etu na lithzina lya munga yetu kuli vaka-mashiko mangana tulinyungilile ku vanu vaje vapangetha evi vyuma mu ngila yaivi. (Vithi. 27:12) Nga twechelela vanu veka nambe vandolome vetu kwaka mavulu etu ha ma wembusaiti eka nambe kupangetha keyala yetu ya jw.org ku mingotho yavo, cho vaka-vinkuta kuvatha kutwimanena  nga vaka-kulwitha nambe vaka-mingotho vapangetha mwamuvi ma wembusaiti etu.

Kwambata mavulu etu ha wembusaiti yeka kuminenela vukalu, pangetheni lika jw.org. Yehova nana chipangi chakwana vanu vendi vyakulya vya ku sipilitu kuli “ndungo wa kulongwa na kunyanyama.” (Mateo 24:45, NWT) Ou “ndungo” akapangetha lika ma wembusaiti anathoneketha kuli vaka-mashiko mu kwana vyakulya vya ku sipilitu ku vanu. Awa ma wembusaiti anapu www.pr418.com, tv.pr418.com, and wol.pr418.com. Kutundaho, tuli lalo na ma app avanathoneketha kuli vaka-mashiko a kufwa ngwe JW Language^®, JW Library^®, and JW Library Sign Language^®. aje avatha kupangetha vanu ha mafoni avo. Twakulahela ngwetu awa ma wembusaiti na ma app kethi a mingotho, cho kuwakundamene ku kaye ka Satana. Vyakulya vya ku sipilitu vije kuvitundilila kuli ndungo, vinapu vya kujwala.—Myatho 18:26; 19:8.

Cho lalo, kwaka mavulu etu ha ma wembusaiti ya munu endi lika kukalingitha vanu vathonekeho vyoshe vyoshe vivashaka, cho oku kukalingitha vaka-kulwitha na vaka-kutengulukila mangana valwithe munga ya Yehova. Vandolome vamo vanalikanangana na vaka-kaye kupangetha intaneti, cho oku kunashawitha lithzina lya Yehova. Kulinga vimata na vaka-kaye kupangetha intaneti kethi kukekwo ‘kunangula vaka-kulwitha.’ (2 Tima. 2:23-25; 1 Tima. 6:3-5) Kuli lalo vikeyala vya ha intaneti na ma wembusaiti a ha kapandi aje avanalitungila vanu vamo kupangetha lithzina lya munga yetu nambe lithzina lya Chivunga cha Kutwamenena nambe kupangetha lithzina lya membala womu mu chivunga. Oloni kukwethi membala wa mu Chivunga cha Kutwamenena wakala na wembusaiti yendi lika.

Kumwetha vanu keyala ya jw.org kuvakwatha vathzive “viñanda vyavivwa.” (Mateo 24:14) Vyuma vili ha wembusaiti yetu vitukapangetha mu lihya vili na kutukwatha manene. Ngechi, tushaka ngwetu na vakwetu vivakwathe. Mashiko aje amwetha mwakupangethela wembusaiti yetu amwetha ngwawo tunatha kutumina vakwetu mavulu ali ha jw.org kupangetha intaneti nambe linki ije ivakwatha kuwana livulu livashaka. Nga tumwetha vanu vaje vashaka kuthzivuka vuthunga, vikeyala vyetu vivanathoneketha kuli vaka-mashiko, cho tuvakwatha kuthzivuka “ndungo wa kulongwa na kunyanyama,” uje akatwana vyakulya vya ku sipilitu.