Xlakata xkachikin Jehová masta likgalhtawakga nema ni taxokgo, makgapitsi lakpuwankgo pi tlan namaktiyaw chu nawiliyaw k’atanu sitios xla Internet o kredes sociales. Pero komo chuna natlawayaw ni kgalhakgaxmatmaw niku wanit Tuku Milikatsit xlakata Nalimaklakaskina * anta ksitio xla Internet chu uma lhuwata taʼakglhuwit wilinit. Anta liwana lichuwinan pi niti kgalhi talakaskin «namakgpitsi dibujos, likgalhtawakga, marcas nema kgalhi tuku wi ksitio, tatlakgni, videos o atanu, xlakata namawaka k’atanu sitio xla internet (nachuna ni mastakan talakaskin namawakayaw kredes sociales nipara anta niku tlan makgpitsikan videos o atanu)». ¿Tuku xlakata uma lu xlakaskinka kuenta natlawayaw?

Putum tuku wi kkisitiojkan xla Internet litamakgtayanit tuku wanikan derechos de autor. Apóstatas chu tiku lakatakikgo tuku xaxlikana, wilikgo kilikgalhtawakgakan kxsitiojkan xla Internet xlakata lakaskinkgo pi katanukgolh xtatayananin Jehová chu atanu latamanin k’ama sitio. Pero uma páginas limin tuku tlawa pi nialh liwana nakanajlayaw tuku xaxlikana (Sal. 26:4; Prov. 22:5). Amakgapitsi latamanin maklakaskinkgo tamakatsinin nema wi kkilikgalhtawakgakan o limaklakaskinkgo logotipo xla jw.org xlakata malaknukgo tuku stakgo, k’aplicaciones xla teléfonos chu tabletas. Xlakata uma sitio chu marcas nema limin kgalhi derechos de autor, xkachikin Jehová kgalhi limapakgsin xlakata ni namasta talakaskin akglakgwa namaklakaskinkan (Prov. 27:12). Komo xkachikin Jehová xkamaxkilh talakaskin pi xtatayananin chu amakgapitsi latamanin xwilikgolh kilikgalhtawakgakan k’atanu sitios xla Internet o xlimaklakaskinkgolh logotipo xla jw.org xlakata wi tuku  nastakgo, mapakgsinanin max ni xkinkamakgtayakgon akxni kaskiniyaw pi liwana katamaklakaskilh kisitiojkan xla Internet.

Maktikan likgalhtawakga k’atanu página chu ni anta k’jw.org max tuwa kitaxtu. Jehová kajwatiya kalakgayawanit namakgpitsi liwat xla kintakanajlakan «skujni xalipaw chu xaskgalala» (Mat. 24:45). Uma «skujni» makgpitsi liwat xla kintakanajlakan kpáginas xla Internet www.pr418.com, tv.pr418.com chu wol.pr418.com. Nachuna, kajwatiya uma akgtutu aplicaciones xla teléfonos chu tabletas nema kgalhiyaw: JW Language^®, JW Library^® chu JW Library Sign Language^®. Uma páginas xla Internet chu aplicaciones ni limin atanu tamakatsinin chu nitu lixkajwananit tuku xalak kakilhtamaku. Komo likgalhtawakga o tuku atanu nema maklakaskinaw k’atanu página xmaktiw, ni katsiyaw komo wi tiku lakglakgalhinit o maxkajwaninit (Sal. 18:26; 19:8).

Nachuna, komo wi tiku mawaka kilikgalhtawakgakan o atanu anta ksitios xla Internet niku tlan nalichuwinana tuku lakpuwana, kamaxki talakaskin apóstatas chu tiku nitlan kinkalichuwinankgoyan natlawakgo pi nialh lu nalipawanaw xkachikin Jehová. Makgapitsi natalan katalatlawakgo amakgapitsin anta kredes sociales chu uma maxkajwaninit xtukuwani Jehová. Kpáginas xla Internet nila «tlan kalikatsini[kan] wanti ni kgaxmatkgo ntachuwin» (2 Tim. 2:23-25; 1 Tim. 6:3-5). Akxilhkanit pi kmakgapitsi redes sociales chu ksitios xla Internet wi páginas niku limaklakaskinkanit xtukuwani xkachikin Jehová o xtukuwani Lakgkgolotsin tiku Pulalinkgo xTatayananin Jehová. Pero, ni chatum tiku makgtapakgsi Lakgkgolotsin tiku Pulalinankgo kgalhi akgtum página xla Internet o akgtum red social.

Akxni kawaniyaw latamanin pi katanukgolh ksitio jw.org, makgtayananaw natalichuwinan «xalakwan xalaksasti» (Mat. 24:14). Aplicaciones nema maklakaskinaw tlakg liwana kaxtlawamaka. Chu lakaskinaw pi putum latamanin nalitamakgtayakgo. Wa xlakata, chuna la lichuwinan niku wanit Tuku Milikatsit xlakata Nalimaklakaskina, mastakan talakaskin namalakgachaya kcorreo akgtum likgalhtawakga o akgtum enlace xlakata tlan namaktikan ksitio xla jw.org. Akxni kawaniyaw latamanin tiku katsiputunkgo tuku xaxlikana pi katanukgolh kkisitiojkan xla Internet, kamakgtayayaw pi tlakg lakatsu natawilanikgo «skujni xalipaw chu xaskgalala», tiku kaj xman wa masta liwat xla kintakanajlakan.