讀者來函
點解唔可以將耶和華見證人嘅出版物登載喺個人網站或者社交網站上?
我哋嘅聖經出版物都係免費向人提供嘅。因為噉,有啲人就認為將組織嘅出版物轉載到其他網站或者社交網站上係冇問題嘅。噉樣做,其實違反咗我哋網站嘅使用條款 *,並造成嚴重嘅問題。條款清楚指出,任何人都唔可以將網站有版權嘅圖片、電子出版物、音樂、照片、文字、影片喺互聯網(任何網站、文件共享網站或社交平台)上發布。點解要設定噉樣嘅限制?
任何人都唔可以將我哋有版權嘅電子出版物轉載到其他網站
我哋網站嘅所有内容都係有版權嘅。叛道者同反對者喺佢哋嘅網站試圖用我哋嘅出版物嚟吸引耶和華見證人同其他人。呢啲網站係為咗喺讀者心裏撒下懷疑嘅種子而設計嘅。(詩篇26:4;箴言22:5)有啲人將我哋出版物嘅資料、jw.org標誌用嚟做廣告,或者使用喺銷售産品同應用程式上。呢啲出版物資料係有版權嘅,而相關標誌亦都辦理咗商標註册,所以如果有人濫用,我哋就可以對佢採取法律行動。(箴言27:12)但係,假如我哋默許一啲人,包括弟兄姊妹,將我哋嘅電子資料轉載到其他網 站或者用jw.org商標嚟銷售産品,噉我哋通過法律途徑制止反對者同商業企業嘅濫用行為嗰陣,可能就得唔到法庭嘅支持。
從jw.org以外嘅其他網站下載出版物可能會有危險。耶和華只係委任“忠信睿智嘅奴隸”負責分發靈糧。(馬太福音24:45)而“奴隸”只係通過www.pr418.com、tv.pr418.com同wol.pr418.com呢啲官方網站嚟出版靈糧。我哋只有三個官方應用程式,就係JW Language®、JW Library®同JW Library Sign Language®。我哋相信,呢啲官方網站同應用程式冇插入廣告,亦都冇受撒但世界影響。如果靈糧通過其他渠道發布,就好可能會被竄改或者受到污染。(詩篇18:26;19:8)
此外,如果將組織嘅出版物放喺可以發表評論嘅網站,叛道者同其他人就可以利用呢個機會使人對耶和華嘅組織産生懷疑。有啲弟兄姊妹不知不覺捲入網上嘅辯論,噉樣做會使耶和華嘅名蒙羞。網上論壇唔係一個 “温和教誨對抗嘅人”嘅適當地方。(提摩太後書2:23-25;提摩太前書6:3-5)我哋留意到,有啲人假冒組織、中央長老團及其成員嘅名義喺社交網站註册帳號。但事實上,冇一個中央長老團成員有自己嘅個人網頁或者登陸任何社交網站。
向人介紹 jw.org有助於傳講“好消息”。(馬太福音24:14)我哋喺傳道工作上使用嘅電子工具會不斷更新。我哋希望所有人都可以從中得益。所以,正如使用條款所講,你可以通過電子郵件將出版物嘅電子檔發送俾其他人,或者同人分享jw.org網站内容嘅鏈接。向感興趣嘅人介紹我哋嘅官方網站,就係幫助佢哋通過“忠信睿智嘅奴隸”呢個唯一渠道得到屬靈嘅糧食。