1. Ke ntaba mopostola Pawulo a yye a botsa Makreste ya Maheberu gore ma tiyisane “ka matlamatla”?

KE NTABA re tshwanele go fo tiyisana re sa fetse? Mopostola Pawulo o hlayye gore ke ntaba, ga lengwalo lo a yyeng a le ngwalela Makreste ya Maheberu. O ba butsiye gore: “Tla re yisaneneng hlogong gore re gotetsane leratong le meberekong ya gabutši, re sa lesetse go gahlana, go tshwane le bo ba tlwayeleng go maka tsotsone, mara re tiyisaneneng, ka matlamatla ka gore le lune le ya di bona gore letšatši le ya šutela.” (Maheb. 10:24, 25) Ke mo go f’lo šala sehlano sa mongwaga gore Makreste ya Majuda ya gore ne ma dula Jerusalema ma bone “letšatši la Jehova” le šutela le go bona mošupetso wo Jeso a bolabodiyeng ka wona gore mo ma di bona di makega ma tšhabe mutšing wone. (Meber 2:19, 20; Luka 21:20-22) Letšatši lone la Jehova le segele ka 70 C.E. mo Maroma ma fetsa ka Jerusalema ka mokg’o go nyakiyeng Jehova.

2. Ke ntaba lekgono re tshwanele re nyake ka matla go tiyisana?

² Tso di makegang lekgono di napa di šupetsa gore byalo gona “letšatši le legolo la go tshosa” la Jehova se le šutele. (Juwele 2:11) Moporofeta Zefaniya o itseri: “Letšatši le legolo la Jehova le thina! Le  thina fote le šutela ka go yakgoswa!” (Zef. 1:14) Go pasopisiwa ka taba yone le ga rune gwa bereka. Pawulo mo a kene a lebelele ka mokg’o letšatši lowa la Jehova le yakgoswang ka gona, o re ‘re yisaneneng hlogong gore re gotetsane leratong le meberekong ya gabutši.’ (Maheb. 10:24) Byalo, di nyaka re sa lesetse go hlopega ka magageru, gore re thog’o ba thina mo ba nyaka re ba tiyisa.

3. Mopostola Pawulo o bolabodiye ying ka taba ya go tiyisana? (Lebelela sethombhe sa ku mathomisong.)

³ “Go šekela ga pelo ya motho gwa yi kgongwetsa, mara lentsu la gabutši le maka gore yi hlohlotele.” (Diy. 12:25) Taba yowa ke nnete ga rune ka moka. Ka mokana ga rune re ya di nyaka go tiyisiwa. Pawulo o hlayye gore le motho ye a tiyisang ba bangwana le yene wa di nyaka go tiyisiwa. Nakwela a ngwalela Makreste ya ku Roma borifi, o itseri: “Ke le hlologele, gore ke tle ke le petlolele tso tsa Modimo gore le tiyelele; kela, yema ke fo re, gore re tiyisanane ka tumelo yo re nang nayo, ya lune le yaka.” (Maroma 1:11, 12) Ke nnete gore Pawulo ke mo a tiyisa ba bangwana, mara le yene ke mo a fela a nyaka go kgotatsiwa.—Bala Maroma 15:30-32.

4, 5. Ke bomang ba gore re ka ba tiyisa lekgono, fote ke ntaba?

⁴ Re tshwanele re thanake bo ba tikonneng tsa go tlala lephelong ka taba la Modimo. Ba bangwana ba gona ke maphayona ya go tshepega. Ba go tlala ba fetsiye le dipelo gore ba nyaka go phayona lephelo la bona ka mokana ga lona. Go fo ba sone le ka bo go leng barumiwa, ba go bereka Bethele, bapotulugi le basadi ba bona le bo ba berekang ga diofising tsa go hlatollela. Ka mokana ga bona ba lesetsiye dilo tsa go tlala ke mokane ba kgeta go ya mahlong ba berekela Modimo. Le bona ba tshwanele go kgotatsiwa. Go na le ba gore ba nabela ka matla go kena ga mmereko wowa wa nako ka moka mara ba tlemme ke tse dingwana, le bona baa jabola mo ba kgotatsiwa.

⁵ Magageru ya banna le basadi bo ba theetselang taba ya go nyala kela go nyadiwa “Moreneng fela” ba sa wela ga bo ba nyakang go kgotatsiwa. (1 Makor. 7:39) Le basadi ba gore ka mutšing wa bona ba karakara ka matla baa jabola mo banna ba bona ba ba thanaka. (Diy. 31:28, 31) Le bo ba gore ke Makreste mara a ba šepisi mo ba kene ba hlorisiwa kela ba lwala baa di nyaka go tiyisiwa. (2 Mathes. 1:3-5) Jehova le Kreste ba tiyisa malata yawa ka mokana ga wona ya go tshepega.—Bala 2 Mathesalonika 2:16, 17.

6. Ka mokg’o Jesaya 32:1, 2 yi hlayang ka gona, mmereko wa bagolo king?

⁶ Bala Jesaya 32:1, 2. Jeso Kreste, o berekisa magagabo ya go tlotsiwa le “dindhona” tso di mo thekgang tsa dinku tse dingwana, go kgotatsa le go yetetsa batho ka mokana ga bona bo ba kwang go baba le go kgongwetsa ke tsa lephelo ka dinako tsowa tsa go befa. Ke ka mokg’o go tshwaneleng go be ka gona, ka gore bagolo bowa a ba “lawole” tumelo ya ba bangwana, ba fo ba “ba berekisana” nabo gore magagabo ba dule ba jabodiye.—2 Makor. 1:24.

7, 8. Le mo bagolo ba ka fo ba ba butsiye motho lentsu la go mo tiyisa, ba ka maka ying se sengwana?

⁷ Mopostola Pawulo o re beyisele so re ka kopiselang ga sona. O ngwalele Makreste ya ku Thesalonika nakwela ma hlorisiwa, a re: “Ka mokg’o re le nyakang ka gona, ke mo re tikemisele go le ngathela ditaba tsa go bafala tsa Modimo le se sengwana ka rune beng, ka taba la gore re le nyakiye ka matla.”—1 Mathes. 2:8.

⁸ A di re gore ka moka matšatši motho o tikwa a yenele mo a fo butsiwa lentsu la go kgotatsa ka molomo, Pawulo ke mo a di tšiba tsotsone, a šinya a botsa bagolo ba Maefeso a re:  “Le gelepeneng bo ba lelemelang fote le gopoleneng mantsu ya Morena Jeso nako tsela a re: ‘Go neya go jabodisa go feta go yageletsa.’” (Meber. 20:35) Pawulo ke mo a di nyaka go tiyisa magagabo le mong go ‘tikona dilo le go ro šala a hloka’ ka taba la bona. (2 Makor. 12:15) Di nyaka bagolo le bona ba mo yekisele, ba sa fo jabodisa ke mo ba butsiye motho lentsu la go kgotatsa kela go kgomoletsa, mara ba tshwanele ba šupetse le ka mokg’o ba mo tshwarang ka gona gore baa resa mo ba re ba mo kwela go baba.—1 Makor. 14:3.

9. Bagolo ba ka wolola ba bangwana byang gore ba šale ba tiyelele?

⁹ Mo re tiyisana di ka nyaka gore re fele re wololana, mara gana hone le gona, di nyaka gore bagolo ba kopisele ga taba yo yi leng ka Baebeleng ya gore mo motho a wolola ye mongwana o tshwanele a make byang gore motho yene a šale a tiyelele. Jeso mo a tsoga mabitleng o yye a šupetsa gabutši gore tsosone di makiwa ka mokg’o mang. Go na le tso ke mo a tshwanele go wolola diphutego tsa Asia Minor ga tsona, a bolabola natso a sa tshege, mara bona gore taba yage o yye a yi beya byang. Mo a soko bane a wolola phutego yowa, o thomisiye ka go thanaka phutego ya Efeso, ya Phereghamo le Thiyathira. (Kut. 2:1-5, 12, 13, 18, 19) O butsiye phutego ya Lawodisiya gore: “Ke kgala le go wolola ka moka ba gore ke ya ba nyaka. Byalo karakaraneng le tisole.” (Kut. 3:19) Mo bagolo ba kopisela ga Kreste mo ba wolola ba bangwana, ba ko ba ba maka gabutši ka matla.

10. Ka mokana ga rune re ka maka byang gore re tiyisane?

¹⁰ Tso tsa go tiyisanana a yi tsa bagolo ba ntoši. Pawulo o butsiye ka mokana ga bona bo go leng Makreste gore ba bolabole ‘mantsu ya gabutši, ba nganele ga go gayela, gore ba bangwana ba hlohlotele.’ (Maef. 4:29) Ka mokana ga rune di nyaka re yakgoswe re di bona mo ba bangwana ba “gayela.” Pawulo o butsiye Makreste ya Maheberu a re: “Tiyisaneng matsogo ya ma lelemelang le matolo ya ma kgwelakgwehlang, le dule le maka gore pata ya mawoto ya lune yi wolologe, gore sa go golofala  se sa komologe, mara, se yalafiwe.” (Maheb. 12:12, 13) Ka mokana ga rune, le bo go sa ga leng ba banyana, re ka di kgona tsa go tiyisana ka mantsu ya rune.

11. Marthe o yye a gelepiwa byang mo a kene a hlopa ke bolwele bya go kikitelega mogopolo?

¹¹ Marthe, * ke sesi ye mongwana wa gore ke mo a na le bolwele bya go kikitelega mogopolo, mo a hlayisa o re: “Tšatši le lengwana mo ke rapela gore nkare nka kraya wa go ntiyisa, ke gahlanne le mmane ye mongwana ka ho phutegong wa gore o yye a nkwela go baba le go nkgomoletsa, ke mo ke sa nyake tsa go tlala. O yye a boya a nhlayisela ka tsa lephelo lage gore le yene o fitiye ga tsotso di makegang gaka, mo a fetsa mone ka kwa gore a yi nna ke ntoši, re ro tlala.” Di ka makega gore mmane yela aa di tšibi tsa gore so a se makiyeng se šadiye se tshwara Marthe byang.

12, 13. Re ka maka byang gore taba yo yi leng mo ga Mafilipi 2:1-4 re yi berekise gabutši?

¹² Pawulo o butsiye batho ka mokana ga bona bo ne ba le ka phutegong ya Filipi gore: “Mo nkare go na le sa go tiyisa sa go tšwa ga Kreste, mo nkare go na le go kgomoletsa ga go šupetsa lerato, mo nkare go na le go ba selo ka ssoši ga dilo tsa Modimo, mo nkare go na le go naganelana le go kwelana go baba, ke nyoko jabola ka matla ka gore le nagana dilo tsa go tshwana ka mokana ga lune fote le na le lerato la go tshwana le ngangarelanne le le selo ka seteya, le nagana go tshwana. Le sa make selo ka taba la tšhinghi kela go kganya, mara le tinyanafatse le kene le dumela gore ba bangwana ba ka kgakala ga lune, le nyakane le tso di ka jabodisang ba bangwana, le sa nyake tso di jabodisang lune le ntoši.”—Mafil. 2:1-4.

¹³ Ka mokana ga rune di nyaka re tiputsise gore re ka gelepa ba bangwana ka mokg’o mang, “re ba kgomoletse ka lerato,” re ‘be selo ka ssoši ga dilo tsa Modimo’ re “naganelana le go kwelana go baba” gore re thog’o tiyisa magagabo rune.

14. Re ka tiyisa king?

¹⁴ Mo re kwa ditaba tsa go jabodisa tsa gore batho bo re yyeng ra gelepana nabo ba sa yi ngangarele nnete, re kwa re tiyelela, di yye tsa makega le ga mopostola Johane yela wa go ngwala gore: “A se šiyo sa go njabodisa go feta sowa: mo ke kwelela tsa gore bana baka ba sa ya mahlong ba tshwere tsela ya nnete.” (3 Joh. 4) Maphayona ya go tlala ma ka yema nayo taba yowa ya gore di ya natefela mo ba kwelela gore ba bangwana ga bo ba yyeng ba ba gelepa go tšhuta dinnete a ba khwanyole, go gongwana o kraya batho bone le bona ba šele ba phayona. Go na le tso di ka kgongwetsang motho wa gore ke lephayona, mara mo o segela gage o mo gopotsa tsa botala tso di yyeng tsa jabodisa, o šala a tiyelele ka matla.

15. Re ka maka ying se sengwana gore re tiyise bo ba berekelang Modimo ka go tshepega?

¹⁵ Bapotologi ba go tlala ba hlayye gore ba šala ba jabodiye mo bona le basadi ba bona ba leboga ke phutego ya gore a yi botala ba yi vakašele, le mo go ka fo ba go ngwadiwwe sephephane se senyananyana. Go fo ba ka mokg’onone le ga bagolo, barumiwa, maphayona, ba go bereka Bethele, le bona baa jabola mo ba kwa re leboga gore ba bereka ka go di nyaka ba tshepega ga Modimo.

16. Go tiyisa ye mongwana di nyaka ying?

¹⁶ Go ka sa be tsona mo re ka fo tipotsa gore rune re ka sa tiyisi ba bangwana ka taba la gore rune ka hlago tsa go bolabola di ya re šita. Tsa go tiyisa ba bangwana a di nape di ro nyaka gore le dule fase—go fo ngwalangwala mo o tamisa batho ba bangwana, wa ba tiyisa ka tsotsone. Mo motho a tamisiwa mara a fo tlema mokgakga, di ka fo ba di šupetsa gore o kokona ke se sengwana, byalo mo re ka fo mo theetsela, a ka šala a kgomoletsegiye ka matla.—Jak. 1:19.

17. Mosogana ye mongwana o yye a gelepiwa byang nakwela a šekela ka taba la se sengwana?

 ¹⁷ Henri ke mosogana wa gore o yye a kwa go baba ka matla mo mašaga yage, le mong papage wa gore ke mo go le mogolo, ba lesetsa dinnete. Henri o yye a tiyisa ke mopotologi ye a yyeng a mo tseya a ya naye khefing ke mokane ba segela ba fokatsa gana ku, ke mokane a thomisa go mo hlayisela taba yo yi mo hlopang. Henri o yye a di bona gabutši gore mo yene a ka fo sa khwanyole ga dinnete tso, a ka gelepa mašaga yala yage gore ma boye fote phutegong. O yye a kgomoletsa ka matla ke lengwalo la Pisalema 46; la Zefaniya 3:17; le la Mareka 10:29, 30.

18. (a) Kgoši Solomoni o yye a re king? (b) Mopostola Pawulo o yye bolabolela taba ya gore king?

¹⁸ Tso di makegeleng Marthe le Henri di šupetsa gabutši gore di ya kgonega go tiyisa magageru bo ba nyakang go kgomoletsiwa. Kgoši Solomoni o ngwadiye a re: “Lentsu lo le bolabodiwang ka nako ya gabutši a yi go natefela ga lona! Go fo getsula selo sa go jabodisa go jabodisa pelo; pego ya gabutši yi maka gore mašapo ma hlohlotele.” (Diy. 15:23, 30) Se sengwana ke gore go fo bala se sengwana ga Sewokamelo kela ga wepsayete ya rune go ka tsosetsela motho. Pawulo o šupetsiyi le gore go yepelela koša ya Mmušo re le goteya le gona go tiyisana ka matla. O ngwadiye gore: “Ariyeneng mahlong le kene le tšhutisana fote le tiyisana ka dipisalema, le thanake Modimo, le yepele dikoša tsa Modimo le kene le leboga, le yepelela ka dipelo tsa lune di felele ga Jehova.”—Makol. 3:16; Meber. 16:25.

19. Ke ntaba go tiyisanana go nyoko nyakiwa ka matla ka dinako tso re sa di bakiyeng, fote re tshwanele re make ying?

¹⁹ Go tiyisana tsa mannete go nyoko nyakega ka matla ka taba la gore letšatši la Jehova ke lowa re ya le bona “le ya šutela.” (Maheb. 10:25) Tla re makeneng tsotso Pawulo a di butsiyeng Makreste nakwela a sa le gona mo a re “ariyeneng mahlong le kene le tiyisana le go yaganana, ka mokg’onone le keneng le maka ka gona.”—1 Mathes. 5:11.