MO KE sa kena sekolo, a gwa tšhentšha dilo tsa go tlala. Ka nako yonone, ke mo o thomisa sekolo le motho, o šinye o fetse sekolo o sa na o kena naye; gabutšibutši ke mo re tšibanana ka mokana ga rune ka mabitso.

Toropo ya Liberty yi teng ga dibaya tse dingwana tse dinyana, ga gore ba gaša dilokwane. Papa ke mo a thewogela gana mone dibayeng mo ke belegiwa. Mo ke sa gola, ke yye ka tšhuta go dhrayivela trektere ke mokane ka thomisa go tšiba tso tsa go lema.

Nna ke f’lo belegiwa papaka go kene go le ye mogolo. Papa ke mo a na le 56 ya mongwaga, mmane a na le 35. Mara ke mo a phelegiye a na le matšhika a kwana le go bereka fote o re tšhutisiye le rune bana bage gore re sa tšhabe mmereko. Papa ke mo a sa nape a gola tšheleta ya go tlala, mara yene ke mo a karakara gore re be le ga go dula, dikobo, a maka gore le tsa go ja di sa gayele—fote ne a sa re šiyi. Mo a timela ke mo a na le 93 ya mongwaga. Mmane yene o timele a na le 86 ya wona. Ka babedi ga bona ke mo go se dihlatse tsa Jehova. Ga bana ba geru, go fo ba bhuti ye monyana wa gore o yye a tla a ba mogolo ka phutegong go tlogisela ka nako tsetsela taba yowa yi thomisa ka bo 1970.

Mmane ke mo go le mokereki ye mogolo. Ke mo a re tseya a ya le rune kerekeng ya Baptist ka moka matšatši  mo go le Lesonto. Taba ya Mabitso ka Mararo ke thomisiye go yi kwa mo ke sa na le 12 ya mongwaga. Ka taba la gore taba yo ke mo yi nhlopa, ke butsisiye mmane ka yona gore: “Ayitsano di ya kgonega tsa gore Jeso go be Morwayi ka thoko go kene go le Papa?” Ke sa gopola a fetola a re: “Ngwanaka, yone ke koma. Re ka sa tsoge re yi kwisisiye.” Le nna ke f’lo napa ke yi lesetsa gana hone. Mara mo ke na le 14 ya mongwaga, ba yye ba nkolobetsa senokaneng se sengwana sa gana hone—ba ntlungwetsiye gararo ka taba yela ya Mabitso ka Mararo!

Mo ke šele ke le thina le go fetsa sekolo, ke yye ka kraya monghana ye ke mo a kenne ga tso tsa go lwa ka dibhakele ba bhetšiye, o yye a nkutšetsela gore le nna ke kene. Ka napa ke thomisa go tiwolola, ka ngwadisa ga mokgahlo wa tsa go lwa ka dibhakele wo ba reng ke Golden Gloves. Tsa dibhakele ke mo go se layini yaka, ka lesetsa di soko ya kaye. Ka morago ga mone, ke yye ka ya Bosoleng bya U.S. ke mokane ba nromela Jeremane. Mo ke sa re ke ya bereka-bereka gana hone, ba bagolo ba gona ba yye ba ntlosa, ba ng’yisa Noncommissioned Officers Academy, bona beng ke mo ba re ke ka taba la gore tso tsa go yeta mahlong ke ya di bona nyana. Gabutšubutši bona ke mo ba nyaka gore ke nape ke ngangarela tsa bosoleng. Ke mo di sa njabodisi tsa go bereka bosoleng, mo ke fetsa go bereka mengwaga ye ne ba mpeyele yona ka mmedi, ba yye ba n’lesetsa ka sepela ka 1956. Mara a di ya ntseya nako, ka kenela mohlobo wo mongwana wa bosole bya go sa tshwane le byela.

Nna ke mo ke tseya gore motho mo a re ke yene monna, o sa kraye a fo maka dilo nkare ke yene mosadi. Ka mokg’o ba ba šupetsang ka gona mo dimuving le mo difowunung di makiye gore ke tikwe ke nyaka ka matla go ba yekisela ka gore ke mo di šupa nkare mo ba re motho ke monna, o tshwanele a tišupe ka go ba le dinama. Nna ke mo ke bona nkare le bo ba go tsama ba tšhomayela a yi bannanna. Mara ke yye ka tšhuta dilo tsa gore di yye tsa tšhentšha lephelo laka. Tšatši le lengwana mo ke sepela toropong ka koloyi yaka ye khubedu ya selahla, ke yye ka gahlana le bo sesi ba bangwana ka babedi. Ke mo ke ba tšiba—e go le banyanana ba sebara saka. Bosesi bowa ke mo go le Dihlatse tsa Jehova. Ba yye ba nneya Sewokamelo le Hlahlama!, mara ke mo ke kwa nkare Sewokamelo se ya thathafa. Byalo gana byalo ke mo ba re ke ba vakašele ga Setšhuto sa Puku ya Phutego, ga gore ke mo ba fo gahlana go le paranyana ba bolabodisana ka Baebele ka mitšing ya bona. Ke ba butsiye gore nko bona. Ba yye ba mputsisa ba kene ba ngwalangwala ba re “Wa resa nje?” Ke mokane ka re, “Eya, ke ya resa.”

Yi šadiye yi nkokona taba ya gore ke ba tshepisiye, mara ka boya ka fo tisola ka re nka sa ba tšebisi. Ke yye. Ke jabodisiye ke bananyana ka matla mo ke le gana ku. Ke mo ba mmakatsiye ka matla ka mokg’o Baebele ba yi tšibang ka gona! Go gahlana le gore nna ke botala ke ya le mmane kerekeng ka Masonto, mara Baebele ke yi kašela. Byalo go tlogisela gana hone, ke yye ka nyaka go tšhuta tsa go tlala. A ke ya gana mo ba re ba nyoko ntšhutisa Baebele. Ke mo ke di kwelele tsa gore lebitso la nnete la Modimo wa Matšhika ke Jehova. Mengwaga ya ku morago ke yye ka butsisa mmane ka Dihlatse tsa Jehova, a fo re, “Ayya, ke bala ba go rapela sekgalabyane se sengwana ba re ke Jehova.” Mara gana byalo ke gona ke di bonang gore ke mo ke popele mahlo!

Ke yye ka gatela mahlong ka go yakgoswa, ka napa ke di bona gore ke krayye nnete. Ke yye ka kolobetsiwa mo go šele go fediye 9 ya dikgwedi, ka March 1957. Ke yye ka thomisa go lebelela lephelo ka tsela ye nngwana. Mo ke nagana ka mokg’o e ke tseya gore monna ke motho wa dinama, ke jabola ka matla ka taba la gore ke tšhutiye gore Baebele yi re monna wa mannete ke wa mošaga mang. Jeso ke mo a felegelele. Ke mo a na le matšhika ya gore mo a ka fo yema thina ga monna wa dinama, ke  mo a nyoko mo yilametsa ka matla a šala a pawogiye. Mara a sanka a lwa le batho, o yye ‘a fo ba lesetsa le mo ba mo hlorisa,’ ka mokg’ono seporofeto se hlayyeng. (Jes. 53:2, 7) Ke tšhutiye gore lelata la Jeso la mannete le “tshwanele go temeka ga batho ka mokana ga bona.”—2 Thim. 2:24.

Ga mongwaga wa go latela ke yye ka thomisa go phayona, ke mo go le ka 1958. Mara ke yye ka yemanyana ka go phayona. Taba ke mo go le ying? Ke mo ke bonne mosadi—ye ba reng ke Gloria, ke mo go le ka wo teya wa bosesi bala ba go mmema mogahlanong! A sanka ka tisola ka so ke se makiyeng. Gloria ke mo go le lekolwane, le gana byalo go sa le lona. Mo gaka o feta mehlobo ka moka ya didhayimoni. Ke mo ke jabodiye mo ke mo nyala! Yema o kwe mo yene a go hlayisela tsage:

“Bana ku gaye ke mo re le 17. Mmane ke mo go le Hlatse ya go tshepega. O timele mo ke na le 14 ya mongwaga. Papa o thomisiye gana mone go tšhuta Baebele. Ka taba la gore mmane ke mo a sa sa le šiyo, papa o yye a ya ku sekolo a ye bolabola le phrinspale. Sesi wa ka ye mogolo ke mo a šele a kena sekondari, ke mokane papa o yye a kgopela ku sekolo gore go byang mo nna le sesi re ka tšhentšhisana ka matšatši ya go ya sekolo. Mo a ya, nna ne ke šala, gore gaye go be le motho wa go šala le ba banyana le go yapega tsa ka malobana gore mo papa a segela a tšwa mmerekong, a kraye tsa go ja di butšwiye. Phrinspale aa gana, re makiye ka mokg’onone sesi a šinya a fetsa sekolo. Mitši ye mengwana ka mmedi ya Dihlatse yi re balele Baebele, ke mokane mo ga bana ba ku gaye, gwa hlawoga 11 ba go kgeta go ba Dihlatse tsa Jehova. Ke mo ke jabolela tšhomo stereka, mara ke mo ke hlopa ke dihlong. Byalo Sam o yye a n’gelepa mo re kene re nyalanne.”

Nna le Gloria re nyalanne ka February 1959. Re tikwisiye ka go phayona. Ka mongwaga wonone ka July, re yye ra ngwalela Bhethele re kgopela go bereka gona, ka taba la gore ke botala re nabela go bereka ga ofisi ye kgolo ya lefase ka moka. Mogageru ye mongwana ye ba reng ke Simon Kraker, o yye a tla a re butsisa diputsiso. O re butsiye gore Bhethele a yi tseye batho ba gore ba nyalanne tsa nako yenela. Tsa go nabela go bereka Bhethele a re ya di lesa di šepa—le mo tsona di tsere nako!

Re yye ra ngwalela ga ofisi ye kgolo, re kgopela gore ba re romele mo go gayelang Dihlatse. Ba yye ba re fetola, ba re neya poleke ka yyoši mo ba reng ke: Pine Bluff, ku Arkansas. Ka nako tsa gona ke mo go na le diphutego ka dipedi gana ku Pine Bluff—ye nngwana go le ya makgowa, ye nngwana go le ya mohlobo wo mophifadu. Rune ba itseri re ye ga phuthego yowa ya ba ba phifadu ya gore ke mo yi fo ba le gana ku ga 14 ya batšhomayedi.

O ka tiputsisa gore anthe ke ntaba le ka ho phutegong ya Dihlatse tsa Jehova go na le go nyenyana. Nnete ke gore ka nako tsetsela ke mo go se lola. Ke mo go na le melawo yo ne yi rakela mo makgowa ma gahlanana le batho ba ba phifadu, fote ke mo ba ka go kwaletsa ka matla mo ba ka go kraya o kenne ga gore a yi gona. Ga dipoleke tsa go tlala, magagabo rune ke mo ba tšhaba go gahlana ka taba la gore mo ba ka ba kraya, ke mo ba nyoko tla ba psyayanya Holo ya bona ya Mmušo. Dilo tsone di yye tsa makega. Mo ba ka kraya magageru ba ba phifadu ba tšhomayela ka mutši ka mutši ga poleke ya makgowa, ke mo ba ba tshwara ba ya jele—fote le go teyiwa ke mo ba ka teyiwa. Byalo re yye ra latelela molawo ka taba la gore ke mo re nyaka go tšhomayela, re fore kela go ka beba nyana.

Tšhomo ya rune ke mo yi se lola. Mo re kene re bereka tšhomo ya batho ba ba phifadu, ke mo re fela re tikraya re šele re kokota mutšing wa lekgowa. Ke mo di nyaka gore re yakgoswe re nagana gore re nyoko fo ba beyela ditaba ka bokopana kela re kgopele gore ba re tshwarele ke mokane re tiphetele. Ke ka mokg’o dilo ne di le ka gona ka nako tsetsela ga dipoleke tse dingwana.

Re yye ra nyaka matogonyana gore re thog’o kraya sela le sela mo re kene re phayona. Ga go tlala mo ne re fela re tshwara-tshwara gona ne re gola tšheleta ye nyana ka matla ka letšatši. Gloria ke mo a bereka dikhišing. Ke mo ba sa gane mo ke mo gelepa gore a yakgoswe a ghwaza. Ke mo ba re neya tsa go ja tsa ledhena, tsa go ja tsa gona ke mo re pomelana nna le Gloria. Beke ye nngwana le ye nngwana, Gloria ke mo a ayina dikobo ga mutši wo mongwana. Nna ke mo ke suwela lepatlelo, ke hlatswa mafasetere, ke bereka le mebereko ye mengwana. Mutšing wa lekgowa le lengwana, ke mo re hlatswa mafasetere, Gloria a hlatswa a le ka teng, nna ke hlatswa ke le ka tawong. Ba yye ba re neya tsa go ja tsa ledhena ka taba la gore re hlatswiye mafasetere yane la šinya le tlolela. Gloria ke mo a jela ka ku ntlong, mara a sa dula le ba mutši wonone, nna ke jela ka gharaši. Ke mo di sa nhlope. Tsa go ja tsone ke mo ba di gatiye. Batho ba mone mutšing ke mo ba jabodisa; ke mo ba fo hlopa ke gore melawo ke mo yi rakela. A ke lebale letšatši lo re  yyeng ra yema gharaši re nyaka go tšhela phetrolo. Mo re fetsa go tšhela, ke yye ka butsisa ye ne a re tšhelela gore ayitsano Gloria a ka berekisa thweyilete ya bona. O f’lo n’getsula ke mokane a re, “Ba khiyye.”

Le mo go kene go makega dilo tsone, re yye ra ba le dinako tsa go jabodisa re na le magageru fote ke mo re kwana ka matla le mmereko wowa wa go tšhomayela! Mo re segela ku Pine Bluff, ke mo re dula gaye ga ngwaneru ye mongwana wa gore ka nako tsotsone ka phutegong ya bona ke mo go le lelata. Mosadi wage ka nako yonone ke mo go se hlatse, ke mokane Gloria a thomisa go tšhuta naye Baebele. Ka thoko nna ka thomisa go tšhutisana le morwediya wa bona le monn’age. Mmane yewa le morwediya ba yye ba fetsa ka gore ba nyoko berekela Jehova ke mokane ba tineyela ka go kolobetsiwa.

Ke mo re na le banghana ga phutego ya makgowa. Ba fela ba re mema gore re tl’le ja nabo ka malobana, mara ba re bitsela makhukhung. Mokgahlo wa Ku Klux Klan (KKK) wa gore ke mo wo di yetiye ka ku mahlong tso tsa go hlawola batho ka khala o biye o kwana le dintwa, ke mo o kakaraka o šwennye ka nako tsa gona. Ke sa gopola monna ye mongwana a duli morutudung wa gaye gage bošego ka Halloween, a yapere dikobo tsa mokgahlo wa KKK, ke mo go le lelakeni le letšhwewu ke mokane ho hlogong a kgapegiye le lengwana. Tsone a sanka tsa maka gore magageru ma sa re tshware gabutši. Kgwedi ye nngwana ke mo re se na tšheleta ya go ya mogahlanong wo mogolo, ke mokane mogageru ye mongwana o yye a re tshepisa gore o nyoko reka koloyi ya rune ya Ford ya 1950 gore re thog’o kraya ya go ya mogahlanong. Go fitiye kgwedi, ke mokane ka letšatši le lengwana mo re tšwa tšhomong re biye re ba fetsiye bo re balang nabo, ke mo re tikela gaye re tenne fote re tšhubiye ke letšatši. Mo re segela gaye re yye ra bona mohlolo. Koloyi ya rune ke mo yi yemme ka pelo ga ntlo! Ke mo ba mamaretsiye sephephane ho lefasetereng la yona, sa go ngwadiwa gore: “Ke yonone koloyi ya lune, ke fo le neya. Ke nna mogagenu.”

Go na le se sengwana se sebutši sa gore nka sa tsoge ke se lebele. Ka 1962, ke yye ka memiwa gore ke ye Sekolo sa Mmereko wa Mmušo ku South Lansing, New York. Bapotolugi le bo ba pasopang megahlano ye megolo le ye menyana ke mo ba le sekolo sa kgwedi ka moka, ba tšhutisiwa gore mmereko wa bona ba wo make ka mokg’o mang. Byalo nakwela ke kraya sememo sone, ke mo ke sa bereki fote ke hloka le peni ya lešidi. Mara ku Pine Bluff ke mo go na le khampani ye ngwana ya difowunu, ya gore ba yye ba mputsisa diputsiso tsa mo ke nyakana le mmereko. Mola ba mpitsiye, ke mo ke nyoko ba ke le motho ye montsho wa mathomo wa go berekela ga khamphani yone. Ba feleletsiye ba re ba nyaka ke bereka nabo. Ke mo ke nyoko maka byang? Ka gore tšheleta ya go ya New York ke mo yi sa tsoge. Ke yye ka thomisa go nagana ka matla ka tsa mmereko, ke re tsa sekolo di tšwe di yemme. Mo ke sa re ke ngwala lengwalo la gore a ke sa ya sekolo, go yye gwa makega taba ye nngwana ya gore nka sa tsoge ke yi lebele.

Tšatši le lengwana go sa le ka bošego re yye ra kwa mogageru ye mongwana wa mosadi wa phutego ya rune, wa gore monna wage ke mo go se hlatse, a kokota mo monyako ke mokane a nneya emvolopo. Ke mo yi tlele ka tšheleta. Yene le bana bage ke mo ba phuwela ba ya dibayeng gore ba ye kga cotton, ke mokane ba yi fohla yi šala yi yediye gore ba thog’o yi rekisa, ke mokane  tšheleta ya gona ba yye ba tla ba yi neya nna gore ke ye New York. Mogageru yene o itseri, “Ariye ku sekolo o ye o tšhute tsa go tlala, ke mokane o boye o tl’le tšhutisa le rune!” Ke mokane ke yye ka butsisa ba khamphani yela gore nka tl’le bereka nabo dibeke ka dihlano, solanka ke sa yemele go ya sekolo. Ba yye ba fo fetola ba sa nkwele go baba ba re, “Awwa!” Mara a sanka tsa nhlopa. Ke mo ke fetsiye le pelo. Ke ya jabola gore a ke ya bereka mone!

Kwane ka mokg’o Gloria ke mo a tikwa ka gona mo re le ku Pine Bluff o re: “Ke yye ka thoma go kwa ke jabolela tšhomo ya gona ka matla! Bo ke mo ke bala nabo ke mo ba le gana ku ga 15 go segela ga 20. Ka bošego ke mo re thomisa ka go ya mutši ka mutši, ke mokane motshegare ka mokana ga wona re tšhuta le ba bangwana Baebele, ke mo re fela re tšhayisa ka bo-11 ya bošego. Manatefelo ya tšhomo yone a ma hlayisege! Nna le mola ba f’lo re re sa tloge mone, ke mo nka jabola ka matla. Go bolabola nnete, ke mo ke sa nyake go tloga mone nakwela ba re re potologe, mara ke mo go na le so Jehova ne a se naganne.” Ka nnete.

Ka nako tsa ho re phayona ku Pine Bluff, re yye ra kgopela go ba maphayona ya go hlawolega. Ke mo re nagana gore re nyoko yakgoswa re phomelela ka taba la gore mogageru ye ke mo go le mowokamedi wa mokgero ke mo a nyaka re ye gelepa phutego ya ku Texas, byalo ke mo a nyaka re ya gana hone re le maphayona ya go hlawolega. Mo re kwa tsotsone, ke mo re jabodiye ka matla. Re yye ra leta, ra leta wa tšiba, re yemele gore Mokgahlo wo re fetole, ke mo re lahla re hlola poso re sa kraye selo. Go segele le ho borifi byela re bo krayang, ke mokane mo ga byona ke mo ba re ngwalele gore re ye bereka go potologa! Ke mo go le ka January 1965. Ngwaneru Leon Weaver, wa gore gana byalo o bereka go le mogahlanisi wa Komiti ya Lekala ya United States, le yene ba yye ba mo hlawola gore go be mopotologi.

Tsa go ba mopotologi ke mo di ntšhabisa ka matla. Ke mo go šele go fitiye mongwaga mowokamedi wa mokgero, James A. Thompson Jr, a mpombhojiye gore nka di kgona nje. O yye a nšupetsa le go gongwana mo nka potollang gona, fote a hlaya le dilo tso di makang gore motho a be mopotolugi wa gabutši. Ke mo go se botala ke le mopotologi mo ke di bonneng gore tso a mputsiyeng tsona di n’gelepiye ka matla. Mogageru Thompson ke yene mowokamedi wa mokgero wa mathomothomo ye ke berekiyeng naye mo ke thomisa go potologa. Ke tšhutiye tsa go tlala ga mogageru yewa wa go tshepega.

Bapotolugi ka dinako tsa gona ke mo ba sa tšhutisiwi go ya kaye. Ke fetsiye beke ka mokana ga yona ke kopisa ga mopotologi ye ne a vakašele phutego ye nngwana, gore o makamaka dilo byang. Ke mokane ka beke ya go latela ke yene ye ne a lebelela nna mo ke vakašele phutego ye nngwana gore nna ke makamaka ka mokg’o mang. Ke mo a kene a n’gelepa, a boya a mpotolla. Ke mokane go tlogisela gana hone ye mongwana le ye mongwana a ya modukulogong wage. Ke sa gopola ke botsa Gloria ke re, “Ke ntaba a yakgoswa a sepela mara?” Mara mo nako yi kene yi sepela, ke yye ka bona taba ye  nngwana ye kgolo. Taba ya gona ke gore bo go leng magageru ba dipelo tse dibutši ba go nyaka go thuša ba nyoko dula ba le gona, wene o fo ba lesetsa ba go thuše. A ke lebale ka mokg’o ke gelepiyeng ke mogageru ye a yyeng a ba mopotologi ye ba reng ke J.R. Brown le ye a berekang Bhethele ye ba reng ke Fred Rusk.

Taba ya go kgera batho ka khala ke mo yi ro topela ka dinako tsa gona. Tšatši le lengwana mokgahlo wa KKK, wo yye wa toyatoya toropong ye ke mo re yi vakašele ku Tennessee. Ke gopola tšatši le lengwana re tšwa tšhomong re le mogoba, ke mokane ra fetela khefing ye nngwana ya go rekisa tsa go ja. Ke yye ka ya thweyilete, ka gahlana le moren’e mongwana wa segoboro wa go tshosa, a tigwalannye, a tlogamela a nšala morago. Mara mogageru ye mongwana wa lekgowa wa gore nna le segorobo sela a re le beye gage ka mokg’o a lefiyeng ka gona, o yye a re šala morago. O yye a mputsisa a re, “Mogageru Herd, go na le sa go hlopa?” Yela wa segoboro a napa a tšhaba, le go kena thweyilete ya gona a sa sa kena, a napa a ya. Mo nako yi kene yi sepela, ke di bonne gore tsa go hlawolana ka khala; a di make ke letlalo la rune, di maka ke sebe sa Adamo sa gore ka mokana ga rune se re gomele. Fote ke tšhutiye gore mogageru ke mogageru le ho go ka fo ba go le lekgowa kela motho ye mophifadu, fote a ka go kgwela.

Re fetsiye 33 ya mongwaga re potologa, 21 ya wona ke mo re le ga mokgero wa modikologo wo mogolo. Yone mengwaga ke mo yi natefa ka matla, yi na le tsa go tlala tsa go jabodisa. Le gore ke mo re sa nyoko rufiwa fote. Mo go teya August ya 1997, go yye gwa segela taba yo ne go le botala re yi nabela. Ba yye ba re bitsa gore re tl’le bereka Bhethele ya United States—ke mo go šele go fediye 38 ya mongwaga go sale re ngwadiye borifi byola. Kgwedi ya go latela re yye ra thomisa mmereko wa rune wa Bhethele. Ke mo ke fore kela magageru ya ku Bhethele ma f’lo mpitsa gore ke tl’le bereka ka nako ye nyana, mara a gwa ba sone.

La mathomothomo ba yye ba re ke bereke Service Department. Ke tšhutiye tsa go tlala gana hone. Magageru ba go bereka gana hone ba fetola diputsiso tse dingwana tse dikgolo ka matla le tsa go tshosa, tsa go tšwa ga bagolo le bapotologi ba poleke yone ka mokana ga yona. Ke yye ka jabodisa ke ka mokg’o magageru ne ba ntšhutisa ka gona ba lefisiye pelo. Mara ke ya tikwa gore le ho ba ka fo mpitsa ba re ke tle ke bereke gona fote, ke sa nyoko tšhuta tsa go tlala.

Nna le Gloria re yi nyaka ka matla Bhethele. Tsa go yakgoswa re tsoga go sa le ka bošego re di tlwayele go tlogisela botala, fote taba yone yi gabutši ka matla mo o bereka Bhethele. Ka morago ga mongwaga, ke yye ka bereka go gelepa Komiti ya go Karakara ya Mogoba wa go Lawola wa Dihlatse tsa Jehova. Ke mokane ka 1999, ba nhlawola gore ke be ye mongwana wa ba Mogoba wa go Lawola. Gana mowa le gona ke tšhutiye tsa go tlala, mara so ke napiyeng ke se bona gabutši ke taba ya gore Jeso Kreste ke yene hlogo ya phutego ya Sekreste, hlogo a yi motho ye mongwana.

Mo ke sokologa ke lebelela ku ke tšwang gona, ke fela ke tikwa go tshwana le moporofeta Amosi. Jehova o yye a mmona modisi yene gore ke mo a tinyanafatsiye mo a kene a bereka go hlabetsela mafeyi kela mago ya mosikamore—tsa go ja tsa batho ba go tihlopegela. Modimo o yye a hlawola Amosi gore go be moporofeta, taba yone ke mo go le ye kgolo ka matla ka mo ga tsa Modimo. (Amo. 7:14, 15) Le nna Jehova o yye a mpona, nna morwayi wa monna wa go hlopega ye ke mo a bereka dibayeng tsa ku Liberty, Indiana, a nrufa ka matla la go sa hlayisege! (Diy. 10:22) Nnete lephelo la mo ke goleleng gona le thomisiye le thathafa mara le segele le mo le temekang ka matla ga tso tsa Modimo, le nna mong di ro ntshosa!