ဘာကြောင့် “အသီးများစွာ သီး” ရ
“အသီးများစွာ သီးပြီး ကျွန်တော့်တပည့်ဖြစ်မှန်း သက်သေပြကြပါ။ ဒါဆိုရင် အဖဘုရား ဘုန်းထင်ရှားလိမ့်မယ်။” —ယော. ၁၅:၈။
၁၊ ၂။ (က) ယေရှု မသေဆုံးခင်ညမှာ တပည့်တွေကို ဘာပြောခဲ့သလဲ။ (ဆောင်းပါးအစမှာပါတဲ့ ပုံကို ကြည့်ပါ။) (ခ) ဟောပြောရတဲ့ အကြောင်းရင်းကို စိတ်စွဲမှတ်ထားဖို့ ဘာကြောင့် အရေးကြီးသလဲ။ (ဂ) ဘာအကြောင်း သုံးသပ်ကြမလဲ။
ယေရှုက မသေဆုံးခင်ညမှာ တမန်တော်တွေနဲ့ အကြာကြီး စကားပြောပြီး သူတို့ကို သိပ်ချစ်ကြောင်း စိတ်ချစေခဲ့တယ်။ ရှေ့ဆောင်းပါးမှာ ဆွေးနွေးခဲ့တဲ့အတိုင်း စပျစ်ပင်ပုံဥပမာကိုလည်း ပြောခဲ့တယ်။ “အသီးများစွာ သီး” ဖို့၊ နိုင်ငံတော်သတင်းကို ခံနိုင်ရည်ရှိရှိ ဟောပြောဖို့ တပည့်တွေကို အဲဒီပုံဥပမာနဲ့ အားပေးခဲ့တယ်။—ယော. ၁၅:၈။
၂ တပည့်တွေ ဘာလုပ်ဖို့ လိုအပ်ကြောင်းသာမက ဘာကြောင့် လုပ်သင့်တယ်ဆိုတာကိုပါ ယေရှု ပြောပြခဲ့တယ်။ ဆက်ဟောပြောရတဲ့ အကြောင်းရင်းတွေကို အသိပေးတယ်။ အဲဒီအကြောင်းရင်းတွေကို သုံးသပ်ဖို့ ဘာကြောင့် အရေးကြီးသလဲ။ ဆက်ဟောပြောရတဲ့ အကြောင်းရင်းတွေကို စိတ်စွဲမှတ်ထားရင် “လူမျိုးအားလုံးအတွက် သက်သေဖြစ်စေ” ရာမှာ ခံနိုင်ရည်ရှိလာမှာ ဖြစ်လို့ပဲ။ (မ. ၂၄:၁၃၊ ၁၄) ဟောပြောရတဲ့ ကျမ်းစာအကြောင်းရင်း လေးခုကို သုံးသပ်ကြည့်ကြစို့။ ခံနိုင်ရည်ရှိရှိ သီးပွင့်ဖြစ်ထွန်းနေဖို့ ကူညီပေးမယ့် ဘုရားပေး ဆုလက်ဆောင် လေးမျိုးအကြောင်းကိုလည်း သုံးသပ်ကြပါမယ်။
ယေဟောဝါကို ဘုန်းထင်ရှားစေ
၃။ (က) ယောဟန် ၁၅:၈ မှာ ဟောပြောရတဲ့ ဘယ်အကြောင်းရင်းကို ဖော်ပြထားသလဲ။ (ခ) ယေရှုရဲ့ ပုံဥပမာမှာပါတဲ့ စပျစ်သီးတွေက ဘာကို တင်စားသလဲ။ ဒီတင်စားချက်ဟာ ဘာကြောင့် သင့်လျော်သလဲ။
၃ ဟောပြောရတဲ့ အဓိကအကြောင်းရင်းက ယေဟောဝါကို ဘုန်းထင်ရှားစေဖို့၊ နာမတော် သန့်ရှင်းမြင့်မြတ်စေဖို့ပဲ။ (ယောဟန် ၁၅:၁၊ ၈ ကိုဖတ်ပါ။) ယေရှုက ဖခင်ယေဟောဝါကို စပျစ်ပင် စိုက်ပျိုးသူ၊ မိမိကိုယ်ကို စပျစ်ပင်၊ နောက်လိုက်တွေကို စပျစ်ကိုင်းအဖြစ် တင်စားခဲ့ကြောင်း သတိပြုပါ။ (ယော. ၁၅:၅) စပျစ်သီးတွေက ခရစ်တော်ရဲ့ နောက်လိုက်တွေ သီးပွင့်တဲ့ အသီး၊ တစ်နည်းအားဖြင့် နိုင်ငံတော်သတင်း ဟောပြောခြင်းကို တင်စားတယ်။ ယေရှုက ‘အသီးများစွာ သီးပါ။ ဒါဆိုရင် အဖဘုရား ဘုန်းထင်ရှားလိမ့်မယ်’ လို့ တမန်တော်တွေကို ပြောတယ်။ အသီးကောင်း သီးတဲ့ စပျစ်ပင်က စိုက်ပျိုးသူကို ဂုဏ်တက်စေသလို နိုင်ငံတော်သတင်းကို အတတ်နိုင်ဆုံး ဟောပြောခြင်းက ဘုရားသခင်ကို ဘုန်းထင်ရှားစေတယ်။—မ. ၂၅:၂၀-၂၃။
၄။ (က) ဘုရားနာမည်ကို ဘယ်နည်းတွေနဲ့ သန့်ရှင်းမြင့်မြတ်စေကြသလဲ။ (ခ) ဘုရားနာမည် သန့်ရှင်းမြင့်မြတ်အောင် လုပ်ခွင့်ရထားလို့ ဘယ်လို ခံစားရသလဲ။
၄ ဟောပြောခြင်းလုပ်ငန်းက ဘယ်နည်းနဲ့ ဘုရားနာမည်ကို သန့်ရှင်းမြင့်မြတ်စေသလဲ။ ဘုရားနာမည် ပိုသန့်ရှင်းမြင့်မြတ်အောင် ဘယ်သူမှ မလုပ်နိုင်ဘူး။ အပြည့်အဝ သန့်ရှင်းမြင့်မြတ်ပြီးသားပဲ။ ဒါပေမဲ့ “ဗိုလ်ခြေတို့ရဲ့အရှင် ယေဟောဝါတစ်ပါးပဲ သန့်ရှင်းမြင့်မြတ်တယ်ဆိုတာ သတိရ [ရှုမြင်] ပါ” လို့ ပရောဖက် ဟေရှာယ ရေးခဲ့တာ သတိပြုပါ။ (ဟေရှာ. ၈:၁၃) ဘုရားနာမည်ကို တခြားနာမည်တွေထက် ကြီးမြတ်တယ်လို့ ရှုမြင်ခြင်း၊ တခြားသူတွေကို အဲဒီလို ရှုမြင်လာအောင် ကူညီပေးခြင်းအားဖြင့် ဘုရားနာမည်ကို သန့်ရှင်းမြင့်မြတ်စေကြတယ်။ (မ. ၆:၉) ဥပမာ၊ ယေဟောဝါရဲ့ အရည်အသွေးကောင်းတွေ၊ လူသားတွေနဲ့ပတ်သက်ပြီး မပြောင်းလဲတဲ့ ရည်ရွယ်ချက်အကြောင်း ဟောပြောခြင်းအားဖြင့် စာတန်ရဲ့ အလိမ်အညာတွေကို ဖော်ထုတ်ပြီး ဘုရားနာမည်ကို ကာကွယ်ပေးကြတယ်။ (က. ၃:၁-၅) ယေဟောဝါဟာ “ဂုဏ်တင်မှု၊ ချီးမွမ်းမှုနဲ့ အစွမ်းခွန်အားတွေကို ရထိုက်” ကြောင်း သိလာအောင် ရပ်ကွက်မှာရှိတဲ့ လူတွေကို ကူညီခြင်းအားဖြင့်လည်း ဘုရားနာမည်ကို သန့်ရှင်းမြင့်မြတ်စေကြတယ်။ (ဗျာ. ၄:၁၁) ၁၆ နှစ်ကြာ ရှေ့ဆောင်လုပ်ခဲ့တဲ့ ညီအစ်ကိုရူနာက “စကြဝဠာ ဖန်ဆင်းရှင်ရဲ့ သက်သေဖြစ်ခွင့် ရထားလို့ သိပ်ကျေးဇူးတင်တယ်။ အဲဒါက ဆက်ဟောပြောချင်စိတ် ရှိစေတယ်” လို့ ပြောတယ်။
ယေဟောဝါနဲ့ သားတော်ကို ချစ်မြတ်နိုး
၅။ (က) ယောဟန် ၁၅:၉၊ ၁၀ မှာ ဟောပြောရတဲ့ ဘယ်အကြောင်းရင်းကို ဖော်ပြထားသလဲ။ (ခ) ခံနိုင်ရည် လိုအပ်ကြောင်း ယေရှု ဘယ်လို အလေးပေးပြောခဲ့သလဲ။
၅ ယောဟန် ၁၅:၉၊ ၁၀ ကိုဖတ်ပါ။ နိုင်ငံတော်သတင်း ဟောရတဲ့ အရေးကြီးအကြောင်းရင်းတစ်ခုက ယေဟောဝါနဲ့ ယေရှုကို နှစ်နှစ်ကာကာ ချစ်လို့ပဲ။ (မာ. ၁၂:၃၀။ ယော. ၁၄:၁၅) ယေရှုက တပည့်တွေကို မိမိရဲ့မေတ္တာ ခံစားရရုံသာမက “အမြဲခံစား” ရအောင် ကြိုးစားဖို့ ပြောခဲ့တယ်။ အကြောင်းကတော့ ခရစ်တော်ရဲ့ တပည့်စစ် အမြဲဖြစ်နိုင်ဖို့ ခံနိုင်ရည် လိုအပ်လို့ပဲ။ ခံနိုင်ရည် လိုအပ်ကြောင်း ဖော်ပြဖို့ ယောဟန် ၁၅:၉၊ ၁၀ မှာ “အမြဲ” ဆိုတဲ့ စကားလုံးကို အလေးပေးခဲ့တယ်။
၆။ ခရစ်တော်ရဲ့မေတ္တာကို အမြဲခံစားလိုကြောင်း ဘယ်လို ဖော်ပြကြမလဲ။
၆ ခရစ်တော်ရဲ့ မေတ္တာ အမြဲခံစားပြီး မျက်နှာသာ ဆက်ရလိုကြောင်း ဘယ်လို ဖော်ပြကြမလဲ။ ယေရှုရဲ့ပညတ်တွေကို လိုက်နာခြင်းအားဖြင့်ပဲ။ ရိုးရိုးလေး ပြောရရင်တော့ ‘ငါ့ကို နာခံပါ’ လို့ ယေရှု ပြောနေတာပဲ။ “ကျွန်တော်က အဖဘုရားရဲ့ ပညတ်တွေကို လိုက်နာတဲ့အတွက် အဖဘုရားရဲ့ မေတ္တာကို အမြဲခံစားရတယ်” လို့ပြောပြီး သူလုပ်ခဲ့တာကို လိုက်လုပ်ဖို့ပဲ တောင်းဆိုခဲ့တယ်။ ယေရှု ပုံသက်သေပြခဲ့တယ်။—ယော. ၁၃:၁၅။
၇။ နာခံမှုနဲ့ မေတ္တာ ဘယ်လို ဆက်စပ်သလဲ။
၇ “ကျွန်တော့်ပညတ်တွေကို ခံယူပြီး လိုက်နာတဲ့သူဟာ ယော. ၁၄:၂၁) ယေရှုရဲ့ပညတ်ဟာ ဘုရားဆီက လာတာဖြစ်လို့ ဟောပြောပါဆိုတဲ့ ယေရှုရဲ့ ပညတ်ကို လိုက်နာခြင်းအားဖြင့် ဘုရားကို ချစ်ကြောင်း ဖော်ပြကြတယ်။ (မ. ၁၇:၅။ ယော. ၈:၂၈) အဲဒီလို ချစ်ကြောင်း ပြရင် ယေဟောဝါနဲ့ ယေရှုလည်း ကျွန်တော်တို့ကို အမြဲချစ်နေပါလိမ့်မယ်။
ကျွန်တော့်ကို ချစ်တဲ့သူပဲ” လို့ တပည့်တွေကို ပြောပြီး နာခံမှုနဲ့ မေတ္တာ ဆက်စပ်ပုံကို ယေရှု ဖော်ပြခဲ့တယ်။ (လူတွေကို သတိပေး
၈၊ ၉။ (က) ဟောပြောရတဲ့ နောက်အကြောင်းရင်းတစ်ခုက ဘာလဲ။ (ခ) ယေဇကျေလ ၃:၁၈၊ ၁၉ နဲ့ ၁၈:၂၃ မှာပါတဲ့ ယေဟောဝါရဲ့စကားတွေက ဆက်ဟောပြောဖို့ ဘာကြောင့် လှုံ့ဆော်ပေးသလဲ။
၈ ဆက်ဟောပြောရတဲ့ နောက်အကြောင်းရင်းတစ်ခုက လူတွေကို သတိပေးဖို့ ဖြစ်တယ်။ ကျမ်းစာမှာ နောဧကို ‘ဟောပြောသူ’ လို့ ဖော်ပြတယ်။ (၂ ပေတရု ၂:၅ ကိုဖတ်ပါ။) ရေလွှမ်းမိုးဘေး မတိုင်ခင် ဟောပြောခြင်းလုပ်ငန်းမှာ ရောက်လာတော့မယ့် ဖျက်ဆီးခြင်းဘေးအကြောင်း သတိပေးတာလည်း ပါတယ်။ ဘာကြောင့် အဲဒီလို ပြောနိုင်သလဲ။ ယေရှု ဒီလိုပြောတယ်– “ရေလွှမ်းမိုးဘေး မတိုင်ခင်တုန်းက လူတွေဟာ နောဧ သင်္ဘောထဲဝင်တဲ့နေ့အထိ စားလိုက်၊ သောက်လိုက်၊ ထိမ်းမြားပေးစားလိုက် လုပ်နေကြတယ်။ ရေလွှမ်းမိုးဘေး ရောက်ပြီး အားလုံးကို သုတ်သင်ပယ်ရှင်းလိုက်ချိန်အထိ သတိမဲ့နေကြတယ်။ လူသား ရောက်ရှိနေချိန်မှာလည်း အဲဒီလိုပဲ ဖြစ်လိမ့်မယ်။” (မ. ၂၄:၃၈၊ ၃၉) လူတွေ အရေးမစိုက်ပေမဲ့ နောဧ သစ္စာရှိရှိ သတိပေး ဟောပြောခဲ့တယ်။
၉ နိုင်ငံတော်သတင်း ဟောပြောတာက လူသားတွေနဲ့ပတ်သက်တဲ့ ဘုရားသခင့်အလိုတော်အကြောင်း သိလာအောင် အခွင့်အရေး ပေးနေတာ ဖြစ်တယ်။ ယေဟောဝါလိုပဲ ကျွန်တော်တို့လည်း လူတွေ တုံ့ပြန်ပြီး “အသက်ဆက်ရှင်တာကို” လိုလားကြတယ်။ (ယေဇ. ၁၈:၂၃) အိမ်တွေ၊ လူစည်ကားတဲ့နေရာတွေမှာ ဟောတာက ဘုရားနိုင်ငံတော် ရောက်လာတော့မယ်၊ တရားမဲ့လောကကို ဖျက်ဆီးတော့မယ်ဆိုတာ သတိပေးနေတာပါပဲ။—ယေဇ. ၃:၁၈၊ ၁၉။ ဒံ. ၂:၄၄။ ဗျာ. ၁၄:၆၊ ၇။
လူလူချင်းကို ချစ်မြတ်နိုး
၁၀။ (က) မဿဲ ၂၂:၃၉ မှာ ဟောပြောရတဲ့ ဘယ်အကြောင်းရင်းကို ဖော်ပြသလဲ။ (ခ) ဖိလိပ္ပိမြို့က ထောင်မှူးကို ပေါလုနဲ့ သိလ ကူညီတဲ့အကြောင်း ရှင်းပြပါ။
၁၀ ဆက်ဟောရတဲ့ နောက်ထပ် အရေးကြီးအကြောင်းရင်းတစ်ခုကတော့ လူလူချင်းကို ချစ်လို့ပါပဲ။ (မ. ၂၂:၃၉) အဲဒီမေတ္တာက ခံနိုင်ရည်ရှိရှိ ဟောပြောဖို့ လှုံ့ဆော်ပေးတယ်။ လူတွေဟာ အခြေအနေ ပြောင်းသွားတဲ့အခါ စိတ်သဘောထား ပြောင်းသွားနိုင်တယ်။ တမန်တော် ပေါလုနဲ့ သိလ ကြုံတွေ့ခဲ့ရတာကို သုံးသပ်ကြည့်ပါ။ ဖိလိပ္ပိမြို့မှာ ဆန့်ကျင်သူတွေက သူတို့ကို ထောင်ချလိုက်တယ်။ ညသန်းခေါင်မှာ ရုတ်တရက် မြေငလျင် လှုပ်ပြီး ထောင်တံခါး ပွင့်သွားတယ်။ ထောင်သားတွေ ထွက်ပြေးကုန်ပြီအထင်နဲ့ ထောင်မှူး ကိုယ့်ကိုယ်ကိုယ် သတ်သေဖို့ လုပ်တဲ့အခါ ပေါလုက “မလုပ်ပါနဲ့” လို့တားတယ်။ စိတ်သောကရောက်နေတဲ့ ထောင်မှူးက “ကယ်တင်ခြင်းရဖို့ ဘာလုပ်ရမလဲ” လို့ မေးတဲ့အခါ “သခင်ယေရှုကို ယုံကြည်ပါ။ . . . ကယ်တင်ခြင်း ရလိမ့်မယ်” လို့ဖြေတယ်။—တ. ၁၆:၂၅-၃၄။
၁၁၊ ၁၂။ (က) ထောင်မှူးရဲ့ ဖြစ်ရပ်နဲ့ ဟောပြောခြင်းလုပ်ငန်း ဘယ်လို ဆက်စပ်နေသလဲ။ (ခ) ဘာကြောင့် ဆက်ဟောပြောချင်ရသလဲ။
၁၁ ထောင်မှူးရဲ့ ဖြစ်ရပ်နဲ့ ဟောပြောခြင်းလုပ်ငန်း ဘယ်လို ဆက်စပ်နေသလဲ။ ငလျင်လှုပ်ပြီးနောက်မှ ထောင်မှူး စိတ်ပြောင်းပြီး အကူအညီ တောင်းခံခဲ့တာကို သတိပြုပါ။
ဒီနေ့လည်း ကျမ်းစာသတင်းတရား လက်မခံသူတချို့ဟာ ဘဝမှာ အဖြစ်ဆိုးတစ်ခု ကြုံလိုက်ရတဲ့အခါ စိတ်ပြောင်းသွားပြီး အကူအညီ တောင်းခံလာနိုင်တယ်။ ဥပမာ၊ လူတချို့ မမျှော်လင့်ဘဲ အလုပ်ပြုတ်သွားတဲ့အခါ တုန်လှုပ်ချောက်ချားသွားနိုင်တယ်။ အိမ်ထောင်ပြိုကွဲသွားလို့ စိတ်ပျက်လက်ပျက် ဖြစ်နေနိုင်တယ်။ ရောဂါဆိုး ရှိမှန်း သိလိုက်ရလို့ ဘာလုပ်ရမှန်းမသိ ဖြစ်နေနိုင်တယ်။ ချစ်ရသူ သေဆုံးသွားလို့ ကြေကွဲသူတွေလည်း ရှိနိုင်တယ်။ အဲဒီလိုဖြစ်ရပ်တွေ ကြုံရလို့ စိတ်သောကရောက်နေသူတချို့ဟာ တစ်ချိန်က မစဉ်းစားမိတဲ့ ဘဝရည်ရွယ်ချက်အကြောင်း စဉ်းစားလာကြတယ်။ ‘ကယ်တင်ခံရဖို့ ဘာလုပ်ရမလဲ’ လို့တောင် တွေးမိနိုင်တယ်။ သူတို့ကို ဟောပြောတဲ့အခါ မျှော်လင့်ခြင်း သတင်းကောင်းကို ဦးဆုံးအကြိမ် နားထောင်လာနိုင်တယ်။၁၂ သစ္စာရှိရှိ ဆက်ဟောပြောနေခြင်းအားဖြင့် လူတွေလက်ခံဖို့ အသင့်ရှိနေချိန်မှာ နှစ်သိမ့်ပေးနိုင်မှာ ဖြစ်တယ်။ (ဟေရှာ. ၆၁:၁) အချိန်ပြည့်သက်တမ်း ၃၈ နှစ် ရှိပြီဖြစ်တဲ့ ရှားလော့ထ်က “အခုခေတ်မှာ လူတွေ လမ်းပျောက်နေကြတယ်။ သတင်းကောင်းကြားဖို့ အခွင့်အရေး ပေးရမယ်” လို့ပြောတယ်။ ရှေ့ဆောင်သက်တမ်း ၃၄ နှစ်ရှိတဲ့ အီဗာကလည်း “လူတွေ ပိုပြီး စိတ်ဓာတ်ကျလာနေတယ်။ သူတို့ကို ကူညီချင်တဲ့စိတ်က ဟောပြောဖို့ လှုံ့ဆော်ပေးတယ်” လို့ ပြောတယ်။ လူလူချင်းကို ချစ်တဲ့စိတ်က ဆက်ဟောပြောဖို့ အကြောင်းကောင်းပါပဲ။
ခံနိုင်ရည်ရှိဖို့ ကူညီပေးတဲ့ ဆုလက်ဆောင်များ
၁၃၊ ၁၄။ (က) ယောဟန် ၁၅:၁၁ မှာ ဘယ်ဆုလက်ဆောင်အကြောင်း ဖော်ပြထားသလဲ။ (ခ) ယေရှုခံစားရတဲ့ ရွှင်လန်းမှုမျိုး ဘယ်လို ခံစားရမလဲ။ (ဂ) ရွှင်လန်းမှုက အမှုဆောင်လုပ်ငန်းအပေါ် ဘယ်လို သက်ရောက်မှုရှိသလဲ။
၁၃ ယေရှုက မသေဆုံးခင် နောက်ဆုံးညမှာ ခံနိုင်ရည်ရှိရှိ သီးပွင့်ဖြစ်ထွန်းဖို့ ကူညီပေးမယ့် ဆုလက်ဆောင်တွေအကြောင်းလည်း တမန်တော်တွေကို ပြောခဲ့တယ်။ အဲဒီဆုလက်ဆောင်တွေက ဘာတွေလဲ။ ကျွန်တော်တို့ ဘယ်လို အကျိုးရနေသလဲ။
၁၄ ရွှင်လန်းခြင်း ဆုလက်ဆောင်။ ဟောပြောပါဆိုတဲ့ ယေရှုရဲ့ပညတ်က ဝန်ထုပ်ဝန်ပိုး ဖြစ်သလား။ မဖြစ်ပါဘူး။ စပျစ်ပင်ပုံဥပမာကို ပြောပြီးနောက် ယေရှုက နိုင်ငံတော်သတင်း ဟောပြောသူတွေ ရွှင်လန်းကြမယ်လို့ ပြောခဲ့တယ်။ (ယောဟန် ၁၅:၁၁ ကိုဖတ်ပါ။) တကယ်တော့ မိမိမှာရှိတဲ့ ရွှင်လန်းမှုမျိုး ခံစားရမယ်လို့ ကတိပေးနေတာ။ အစပိုင်းမှာ ဖော်ပြသလို ယေရှုက မိမိကိုယ်ကို စပျစ်ပင်၊ တပည့်တွေကို စပျစ်ကိုင်းတွေအဖြစ် တင်စားတယ်။ စပျစ်ပင်က စပျစ်ကိုင်းတွေကို ထောက်ပံ့ပေးတယ်။ စပျစ်ကိုင်းတွေဟာ စပျစ်ပင်နဲ့ တွယ်ဆက်နေသရွေ့ ရေနဲ့ အာဟာရကို ရရှိတယ်။ ကျွန်တော်တို့လည်း ခရစ်တော်ရဲ့ ခြေရာကို အနီးကပ် လိုက်လျှောက်ပြီး ခရစ်တော်နဲ့ တစည်းတလုံးတည်း ဖြစ်နေသရွေ့ ဖခင်ရဲ့အလိုတော်ဆောင်ရာမှာ ယေရှု ခံစားရတဲ့ ရွှင်လန်းမှုမျိုး ခံစားရပါလိမ့်မယ်။ (ယော. ၄:၃၄။ ၁၇:၁၃။ ၁ ပေ. ၂:၂၁) အနှစ် ၄၀ ကြာ ရှေ့ဆောင်လုပ်ခဲ့တဲ့ ဟဲနီက “အမှုဆောင်ထွက်ပြီးတိုင်း သိပ်ပျော်တယ်။ ယေဟောဝါရဲ့အမှုတော်မှာ ဆက်ပါဝင်ချင်စိတ် ရှိလာတယ်” လို့ပြောတယ်။ အဲဒီရွှင်လန်းမှုက ခက်ခဲတဲ့ရပ်ကွက်မှာတောင် ဆက်ဟောပြောဖို့ ခွန်အားရှိစေတယ်။—မ. ၅:၁၀-၁၂။
၁၅။ (က) ယောဟန် ၁၄:၂၇ မှာ ဘယ်ဆုလက်ဆောင်အကြောင်း ဖော်ပြထားသလဲ။ (ခ) ငြိမ်သက်ခြင်းက ဆက်သီးပွင့်ဖို့ ဘယ်လို ကူညီပေးသလဲ။
၁၅ ငြိမ်သက်ခြင်း ဆုလက်ဆောင်။ (ယောဟန် ၁၄:၂၇ ကိုဖတ်ပါ။) ယေရှုက မသေဆုံးခင် နောက်ဆုံးည အစောပိုင်းမှာ “[ကျွန်တော့်ရဲ့] ငြိမ်သက်ခြင်းကို ပေးခဲ့မယ်” လို့ တမန်တော်တွေကို ပြောတယ်။ အဲဒီငြိမ်သက်ခြင်း ဆုလက်ဆောင်က သီးပွင့်ဖြစ်ထွန်းဖို့ ဘယ်လို ကူညီပေးသလဲ။ ကျွန်တော်တို့ ခံနိုင်ရည်တင်ပြတဲ့အခါ ယေဟောဝါနဲ့ ယေရှုရဲ့ မျက်နှာသာ ရထားတယ်ဆိုတဲ့ အသိစိတ်ကြောင့် ငြိမ်သက်မှု ခံစားရတယ်။ (ဆာ. ၁၄၉:၄။ ရော. ၅:၃၊ ၄။ ကော. ၃:၁၅) အချိန်ပြည့်သက်တမ်း ၄၅ နှစ် ရှိပြီဖြစ်တဲ့ ညီအစ်ကို အူဖ်က “ဟောပြောခြင်းလုပ်ငန်းမှာ မောပန်းပေမဲ့ စစ်မှန်တဲ့ကျေနပ်မှုနဲ့ ဘဝရည်ရွယ်ချက် ရရှိစေတယ်” လို့ပြောတယ်။ တည်မြဲတဲ့စိတ်ငြိမ်သက်မှု ရထားတာ ကျေးဇူးတင်စရာပါပဲ။
၁၆။ (က) ယောဟန် ၁၅:၁၅ မှာ ဘယ်ဆုလက်ဆောင်အကြောင်း ဖော်ပြထားသလဲ။ (ခ) ဘယ်နည်းနဲ့ တမန်တော်တွေ ယေရှုရဲ့မိတ်ဆွေ အမြဲဖြစ်နိုင်မလဲ။
ယော. ၁၅:၁၁-၁၃) “ခင်ဗျားတို့ကို မိတ်ဆွေလို့ ခေါ်မယ်” ဆိုပြီး ဆက်ပြောတယ်။ ယေရှုရဲ့ မိတ်ဆွေဖြစ်ရတာ အဖိုးတန် လက်ဆောင်ပါပဲ။ ယေရှုရဲ့ မိတ်ဆွေ ဆက်ဖြစ်နေဖို့ တမန်တော်တွေ ဘာလုပ်ရမလဲ။ “အသီး သီးမြဲသီးနေ” ရမယ်။ (ယောဟန် ၁၅:၁၄-၁၆ ကိုဖတ်ပါ။) အစောပိုင်း နှစ်နှစ်လောက်တုန်းက တမန်တော်တွေကို ယေရှုက “‘ကောင်းကင်နိုင်ငံ နီးနေပြီ’ ဆိုပြီး ဟောပြောကြပါ” လို့ ညွှန်ကြားခဲ့တယ်။ (မ. ၁၀:၇) နောက်ဆုံးညမှာလည်း သူတို့စခဲ့တဲ့အလုပ်ကို ခံနိုင်ရည်ရှိရှိ ဆက်လုပ်ဖို့ အားပေးခဲ့တယ်။ (မ. ၂၄:၁၃။ မာ. ၃:၁၄) ယေရှုရဲ့မိန့်မှာချက်ကို လိုက်နာဖို့ ခက်ပေမဲ့ သူတို့ အောင်မြင်နိုင်ပါတယ်။ ယေရှုရဲ့ မိတ်ဆွေ ဆက်ဖြစ်နိုင်ပါတယ်။ ဒါပေမဲ့ နောက်ထပ် ဆုလက်ဆောင်တစ်ခုရဲ့ အကူအညီ လိုသေးတယ်။
၁၆ မိတ်ဆွေ ဆုလက်ဆောင်။ တမန်တော်တွေကို ရွှင်လန်းမှု “အပြည့်အဝ ခံစား” စေလိုတဲ့အကြောင်း ပြောပြီးနောက် ကိုယ်ကျိုးစွန့်မေတ္တာပြဖို့ အရေးကြီးကြောင်း ယေရှု ရှင်းပြတယ်။ (၁၇၊ ၁၈။ (က) ယောဟန် ၁၅:၁၆ မှာ ဘယ်ဆုလက်ဆောင်အကြောင်း ဖော်ပြထားသလဲ။ (ခ) အဲဒီဆုလက်ဆောင်က ယေရှုရဲ့ တပည့်တွေကို ဘယ်လို ကူညီပေးသလဲ။ (ဂ) အခုအချိန်မှာ ဘယ်ဆုလက်ဆောင်တွေက ခွန်အားရှိစေသလဲ။
၁၇ ဖြေကြားခံရတဲ့ ဆုတောင်းချက် ဆုလက်ဆောင်။ ယေရှုက “ကျွန်တော့်နာမည်ကို အမှီပြုပြီး အဖဘုရားဆီ တောင်းသမျှ ရလိမ့်မယ်” လို့ ပြောခဲ့တယ်။ (ယော. ၁၅:၁၆) ဒီကတိဟာ တမန်တော်တွေကို သိပ်အားရှိစေမှာပဲ။ * ခေါင်းဆောင် ယေရှု မကြာခင် သေဆုံးတော့မှာကို သူတို့ ကောင်းကောင်းနားမလည်ကြဘူး။ ဒါပေမဲ့ အကူအညီမဲ့ မနေပါဘူး။ နိုင်ငံတော်သတင်း ဟောပြောရမယ့် မိန့်မှာချက်ကို လိုက်နာနိုင်ဖို့ သူတို့ အသနားခံ ဆုတောင်းသမျှကို ယေဟောဝါ ဖြေကြားဖို့ အသင့်ပဲ။ သိပ်မကြာခင်မှာပဲ သူတို့ရဲ့ ဆုတောင်းချက်ကို ယေဟောဝါ အဖြေပေးခဲ့တယ်။—တ. ၄:၂၉၊ ၃၁။
၁၈ ဒီနေ့လည်း အလားတူပါပဲ။ ခံနိုင်ရည်ရှိရှိ သီးပွင့်ဖြစ်ထွန်းမယ်ဆိုရင် ယေရှုရဲ့ မိတ်ဆွေ ဖြစ်ခွင့်ရမယ်။ ဟောပြောခြင်းလုပ်ငန်းမှာ ကြုံရတဲ့ အခက်အခဲတွေကို ကျော်လွှားနိုင်ဖို့ ဆုတောင်းချက်တွေကိုလည်း ယေဟောဝါ ဖြေကြားမယ်ဆိုတာ စိတ်ချနိုင်တယ်။ (ဖိ. ၄:၁၃) ဆုတောင်းချက်တွေ ဖြေကြားခံရလို့၊ ယေရှုရဲ့ မိတ်ဆွေ ဖြစ်ခွင့်ရလို့ ကျေးဇူးတင်စရာပါပဲ။ ယေဟောဝါပေးတဲ့ ဒီလက်ဆောင်တွေက ဆက်သီးပွင့်ဖြစ်ထွန်းဖို့ ကူညီပေးတယ်။—ယာ. ၁:၁၇။
၁၉။ (က) ဟောပြောခြင်းလုပ်ငန်းမှာ ဘာကြောင့် ဆက်ပါဝင်ရမလဲ။ (ခ) ဘုရားပေး တာဝန်ကို ပြီးမြောက်အောင် လုပ်ဆောင်ဖို့ ဘာက ကူညီပေးသလဲ။
၁၉ ဒီဆောင်းပါးမှာ လေ့လာခဲ့တဲ့အတိုင်း ယေဟောဝါကို ဘုန်းထင်ရှားစေပြီး နာမတော် သန့်ရှင်းမြင့်မြတ်စေဖို့၊ ယေဟောဝါနဲ့ ယေရှုကို ချစ်ကြောင်း ပြဖို့၊ လူတွေကို သတိပေးဖို့၊ လူလူချင်းကို ချစ်ကြောင်း ပြဖို့ ကျွန်တော်တို့ ဆက်ဟောပြောနေကြတယ်။ ရွှင်လန်းခြင်း၊ ငြိမ်သက်ခြင်း၊ မိတ်ဆွေဖြစ်ခွင့်ရခြင်း၊ ဆုတောင်းချက်တွေ ဖြေကြားခံရခြင်း ဆုလက်ဆောင်တွေကလည်း ဘုရားပေးတာဝန်ကို ပြီးမြောက်အောင် လုပ်ဆောင်ဖို့ ခွန်အားရှိစေတယ်။ “အသီးများစွာ သီး” နိုင်ဖို့ ကျွန်တော်တို့ စိတ်စွမ်းရှိသမျှ လုပ်ဆောင်နေတာကို ယေဟောဝါ တွေ့တဲ့အခါ အလွန်ပျော်ရွှင်ပါလိမ့်မယ်။
^ စာပိုဒ်၊ 17 တမန်တော်တွေနဲ့ စကားပြောချိန်မှာ ဆုတောင်းချက်တွေ ဖြေကြားခံရမယ့်အကြောင်း ယေရှု အထပ်ထပ်ပြောခဲ့တယ်။—ယော. ၁၄:၁၃။ ၁၅:၇၊ ၁၆။ ၁၆:၂၃။