1. ആദാമും ഹവ്വയും പാപം ചെയ്‌ത​തി​നു ശേഷം യഹോവ നമ്മുടെ ശത്രു​വി​നെ​ക്കു​റിച്ച്‌ എന്താണു വെളി​പ്പെ​ടു​ത്തി​യത്‌?

പാമ്പു​കൾക്കു സംസാ​രി​ക്കാ​നുള്ള പ്രാപ്‌തി​യി​ല്ലെന്ന്‌ ആദാമിന്‌ അറിയാ​മാ​യി​രു​ന്നു. അതു​കൊണ്ട്‌ പാമ്പി​ലൂ​ടെ ഹവ്വയോ​ടു സംസാ​രി​ച്ചത്‌ ഒരു ആത്മവ്യ​ക്തി​യാ​ണെന്ന്‌ ആദാം നിഗമനം ചെയ്‌തു​കാ​ണും. (ഉൽപ. 3:1-6) ഈ ആത്മവ്യ​ക്തി​യെ​ക്കു​റിച്ച്‌ ആദാമി​നും ഹവ്വയ്‌ക്കും ഒന്നും​തന്നെ അറിയി​ല്ലാ​യി​രു​ന്നു. എന്നിട്ടും സ്‌നേ​ഹ​വാ​നായ സ്വർഗീ​യ​പി​താ​വി​നു നേരെ പുറം​തി​രി​യാ​നും യാതൊ​രു മുൻപ​രി​ച​യ​വു​മി​ല്ലാ​തി​രുന്ന ആ ആത്മവ്യ​ക്തി​യു​ടെ​കൂ​ടെ ചേർന്ന്‌ ദൈ​വേ​ഷ്ട​ത്തിന്‌ എതിരെ പ്രവർത്തി​ക്കാ​നും ആദാം മനഃപൂർവം തീരു​മാ​നി​ച്ചു. (1 തിമൊ. 2:14) പെട്ടെ​ന്നു​തന്നെ, ആദാമി​നെ​യും ഹവ്വയെ​യും വഴി​തെ​റ്റിച്ച ശത്രു​വി​നെ​ക്കു​റി​ച്ചുള്ള വിവരങ്ങൾ യഹോവ വെളി​പ്പെ​ടു​ത്തി​ത്തു​ടങ്ങി. ദുഷ്ടനായ ആ ആത്മവ്യ​ക്തി​യെ ഭാവി​യിൽ നശിപ്പി​ക്കു​മെന്ന്‌ യഹോവ ഉറപ്പു കൊടു​ത്തു. എങ്കിലും, ആ ആത്മവ്യ​ക്തി​ക്കു ദൈവത്തെ സ്‌നേ​ഹി​ക്കുന്ന ആളുകളെ കുറച്ച്‌ കാല​ത്തേക്ക്‌ എതിർക്കാ​നുള്ള അധികാ​ര​മു​ണ്ടാ​യി​രി​ക്കു​മെന്ന മുന്നറി​യി​പ്പും യഹോവ കൊടു​ത്തു.—ഉൽപ. 3:15.

2, 3. മിശി​ഹ​യു​ടെ വരവിനു മുമ്പ്‌ സാത്താ​നെ​ക്കു​റിച്ച്‌ വളരെ കുറച്ച്‌ മാത്രം വിവരങ്ങൾ നൽകി​യ​തി​ന്റെ കാരണം എന്തായി​രി​ക്കാം?

² തന്നോടു ധിക്കാരം കാണിച്ച ദൂതന്റെ വ്യക്തി​പ​ര​മായ പേര്‌ യഹോവ നമുക്കു പറഞ്ഞു​ത​ന്നി​ട്ടില്ല. * ആ ശത്രു സ്വന്തമാ​യി സമ്പാദിച്ച സാത്താൻ എന്ന  സ്ഥാന​പ്പേ​രു​പോ​ലും യഹോവ വെളി​പ്പെ​ടു​ത്തി​യത്‌ ഏദെൻ തോട്ട​ത്തി​ലെ ധിക്കാ​ര​ത്തി​നു ശേഷം 2,500 വർഷം കഴിഞ്ഞാണ്‌. (ഇയ്യോ. 1:6) വാസ്‌ത​വ​ത്തിൽ, എബ്രാ​യ​തി​രു​വെ​ഴു​ത്തു​ക​ളിൽ 1 ദിനവൃ​ത്താ​ന്തം, ഇയ്യോബ്‌, സെഖര്യ എന്നീ മൂന്നു പുസ്‌ത​ക​ങ്ങ​ളിൽ മാത്രമേ സാത്താ​നെ​ക്കു​റിച്ച്‌ പരാമർശ​മു​ള്ളൂ. “എതിരാ​ളി” എന്നാണ്‌ അതിന്റെ അർഥം. എന്തു​കൊ​ണ്ടാ​ണു മിശി​ഹ​യു​ടെ വരവിനു മുമ്പുള്ള കാലത്ത്‌ നമ്മുടെ ശത്രു​വി​നെ​ക്കു​റിച്ച്‌ വളരെ കുറച്ച്‌ മാത്രം പറഞ്ഞി​രി​ക്കു​ന്നത്‌?

³ സാത്താ​നെ​യും അവന്റെ പ്രവർത്ത​ന​ങ്ങ​ളെ​യും കുറിച്ച്‌ കൂടുതൽ വിശദാം​ശങ്ങൾ യഹോവ എബ്രാ​യ​തി​രു​വെ​ഴു​ത്തു​ക​ളിൽ ഉൾപ്പെ​ടു​ത്തി​യി​ട്ടില്ല. വാസ്‌ത​വ​ത്തിൽ, മിശി​ഹയെ തിരി​ച്ച​റി​യി​ക്കു​ക​യും മിശി​ഹ​യി​ലേക്കു ദൈവ​ജ​നത്തെ നയിക്കു​ക​യും ആയിരു​ന്നു എബ്രാ​യ​തി​രു​വെ​ഴു​ത്തു​ക​ളു​ടെ പ്രധാന ഉദ്ദേശ്യം. (ലൂക്കോ. 24:44; ഗലാ. 3:24) മിശിഹ വന്നതിനു ശേഷം, സാത്താ​നെ​ക്കു​റി​ച്ചും സാത്താന്റെ കൂടെ​ച്ചേർന്ന ദൂതന്മാ​രെ​ക്കു​റി​ച്ചും കൂടുതൽ കാര്യങ്ങൾ യഹോവ വെളി​പ്പെ​ടു​ത്തി. നമുക്ക്‌ ഇന്ന്‌ അറിയാ​വു​ന്ന​തിൽ ഏറിയ​പ​ങ്കും യഹോവ മിശി​ഹ​യെ​യും മിശി​ഹ​യു​ടെ ശിഷ്യ​ന്മാ​രെ​യും ഉപയോ​ഗി​ച്ചാ​ണു വെളി​പ്പെ​ടു​ത്തി​യത്‌. * അത്‌ ഉചിത​മാണ്‌. കാരണം, യഹോവ യേശു​വി​നെ​യും അഭിഷി​ക്ത​രായ സഹഭര​ണാ​ധി​കാ​രി​ക​ളെ​യും ഉപയോ​ഗി​ച്ചാ​ണു സാത്താ​നെ​യും അവന്റെ അനുഗാ​മി​ക​ളെ​യും തകർക്കാൻപോ​കു​ന്നത്‌.—റോമ. 16:20; വെളി. 17:14; 20:10.

4. സാത്താ​നെ​ക്കു​റിച്ച്‌ നമ്മൾ അമിത​മാ​യി ഉത്‌ക​ണ്‌ഠ​പ്പെ​ടേ​ണ്ട​തി​ല്ലാ​ത്തത്‌ എന്തു​കൊണ്ട്‌?

⁴ അപ്പോ​സ്‌ത​ല​നായ പത്രോസ്‌ പിശാ​ചായ സാത്താനെ ‘അലറുന്ന സിംഹം’ എന്നാണു വിളി​ച്ചി​രി​ക്കു​ന്നത്‌. യോഹ​ന്നാൻ അവനെ ‘ഭീകര​സർപ്പ​മെ​ന്നും’ ‘പാമ്പെ​ന്നും’ വിളി​ച്ചി​രി​ക്കു​ന്നു. (1 പത്രോ. 5:8; വെളി. 12:9) പക്ഷേ സാത്താ​നെ​ക്കു​റിച്ച്‌ നമ്മൾ അമിത​മാ​യി ഉത്‌ക​ണ്‌ഠ​പ്പെ​ടേ​ണ്ട​തില്ല. അവനു പരിമി​തി​ക​ളുണ്ട്‌. (യാക്കോബ്‌ 4:7 വായി​ക്കുക.) നമ്മളെ പിന്തു​ണ​യ്‌ക്കാൻ യഹോ​വ​യും യേശു​വും വിശ്വ​സ്‌ത​രായ ദൂതന്മാ​രും ഉള്ളതു​കൊണ്ട്‌ ഈ ശത്രു​വി​നെ എതിർത്തു​നിൽക്കാൻ നമുക്കു കഴിയും. എങ്കിലും, മൂന്നു പ്രധാ​ന​ചോ​ദ്യ​ങ്ങൾക്കുള്ള ഉത്തരം നമ്മൾ അറിയണം: സാത്താന്റെ സ്വാധീ​നം എത്ര​ത്തോ​ള​മുണ്ട്‌? സാത്താൻ വ്യക്തി​കളെ സ്വാധീ​നി​ക്കാൻ ശ്രമി​ക്കു​ന്നത്‌ എങ്ങനെ​യാണ്‌? അവന്‌ എന്തൊക്കെ പരിമി​തി​ക​ളുണ്ട്‌? ഈ ചോദ്യ​ങ്ങൾക്കുള്ള ഉത്തരങ്ങ​ളും നമുക്കുള്ള പാഠങ്ങ​ളും ചർച്ച ചെയ്യാം.

5, 6. മനുഷ്യ​വർഗ​ത്തിന്‌ ഏറ്റവും ആവശ്യ​മായ മാറ്റങ്ങൾ കൊണ്ടു​വ​രാൻ ഗവൺമെ​ന്റു​കൾക്കു കഴിയി​ല്ലാ​ത്തത്‌ എന്തു​കൊണ്ട്‌?

⁵ കുറെ​യ​ധി​കം ദൂതന്മാർ സാത്താന്റെ ധിക്കാ​ര​ത്തിൽ അവന്റെ പക്ഷം ചേർന്നു. പ്രളയ​ത്തി​നു മുമ്പ്‌ അവരിൽ ചിലരെ മനുഷ്യ​രു​ടെ പുത്രി​മാ​രു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്ന​തി​നു സാത്താൻ പ്രലോ​ഭി​പ്പി​ച്ചു. ഭീകര​സർപ്പം ആകാശ​ത്തി​ലെ നക്ഷത്ര​ങ്ങ​ളിൽ മൂന്നി​ലൊ​ന്നി​നെ വാൽകൊണ്ട്‌ വലിച്ചു​കൂ​ട്ടി എന്നു പറഞ്ഞു​കൊണ്ട്‌ സാത്താന്റെ കൂടെ​ക്കൂ​ടിയ ഈ ധിക്കാ​രി​ക​ളായ ദൂതന്മാ​രെ ബൈബിൾ വർണി​ക്കു​ന്നു. (ഉൽപ. 6:1-4; യൂദ 6; വെളി. 12:3, 4) ഈ ദൂതന്മാർ യഹോ​വ​യു​ടെ കുടും​ബത്തെ ഉപേക്ഷി​ച്ചു​പോ​ന്ന​പ്പോൾ അവർ സാത്താന്റെ അധികാ​ര​ത്തിൻകീ​ഴി​ലാ​യി. എന്നാൽ ഈ ധിക്കാ​രി​കൾ ഒരു സംഘാ​ട​ന​വു​മി​ല്ലാത്ത കൂട്ടമല്ല. അങ്ങനെ പറയാ​വു​ന്നത്‌ എന്തു​കൊണ്ട്‌? സാത്താൻ ദൈവ​രാ​ജ്യ​ത്തെ അനുക​രി​ച്ചു​കൊണ്ട്‌ അദൃശ്യ​മ​ണ്ഡ​ല​ത്തിൽ ഒരു രാജ്യം സ്ഥാപി​ച്ചി​ട്ടുണ്ട്‌. അതിന്റെ രാജാ​വാ​യി തന്നെത്തന്നെ അവരോ​ധി​ച്ചി​രി​ക്കു​ന്നു. അവൻ ഈ ഭൂതങ്ങളെ സംഘടി​പ്പി​ക്കു​ക​യും അവർക്ക്‌ അധികാ​രം കൊടു​ക്കു​ക​യും അവരെ ലോക​ത്തി​ന്റെ ചക്രവർത്തി​മാ​രാ​ക്കു​ക​യും ചെയ്‌തി​രി​ക്കു​ന്നു.—എഫെ. 6:12.

⁶ സാത്താൻ തന്റെ ഈ സംഘട​ന​യി​ലൂ​ടെ എല്ലാ മാനു​ഷ​ഗ​വൺമെ​ന്റു​ക​ളു​ടെ​യും മേൽ സ്വാധീ​നം ചെലു​ത്തു​ന്നുണ്ട്‌. “ഭൂമി​യി​ലെ എല്ലാ രാജ്യ​ങ്ങ​ളും” യേശു​വി​നു കാണി​ച്ചു​കൊ​ടു​ത്ത​പ്പോൾ സാത്താൻ പറഞ്ഞ വാക്കുകൾ ഇതു തെളി​യി​ക്കു​ന്നു. സാത്താൻ പറഞ്ഞു: “ഈ സകല അധികാ​ര​വും അവയുടെ പ്രതാ​പ​വും ഞാൻ നിനക്കു തരാം. കാരണം ഇതെല്ലാം എനിക്കു തന്നിരി​ക്കു​ന്നു. എനിക്ക്‌ ഇഷ്ടമു​ള്ള​വനു ഞാൻ അതു കൊടു​ക്കും.” (ലൂക്കോ. 4:5, 6) സാത്താന്റെ ദുഷ്ടസ്വാ​ധീ​ന​മു​ണ്ടെ​ങ്കി​ലും മിക്ക ഗവൺമെ​ന്റു​ക​ളും തങ്ങളുടെ പൗരന്മാർക്കു​വേണ്ടി പല നല്ല കാര്യ​ങ്ങ​ളും ചെയ്യുന്നു. നല്ല ഉദ്ദേശ്യ​ത്തോ​ടെ ഭരിക്കുന്ന ഭരണാ​ധി​കാ​രി​ക​ളു​മുണ്ട്‌. എന്നാൽ മനുഷ്യ​വർഗ​ത്തിന്‌ ഏറ്റവും ആവശ്യ​മായ മാറ്റങ്ങൾ കൊണ്ടു​വ​രാൻ ഒരു ഗവൺമെ​ന്റി​നും, ഒരു ഭരണാ​ധി​കാ​രി​ക്കും കഴിയില്ല.—സങ്കീ. 146:3, 4; വെളി. 12:12.

7. സാത്താ​നും ഭൂതങ്ങ​ളും ഗവൺമെ​ന്റു​കളെ മാത്രമല്ല, വ്യാജ​മ​ത​ത്തെ​യും വാണി​ജ്യ​ലോ​ക​ത്തെ​യും എങ്ങനെ​യാണ്‌ ഉപയോ​ഗി​ക്കു​ന്നത്‌? (ലേഖനാ​രം​ഭ​ത്തി​ലെ ചിത്രം കാണുക.)

⁷ “ഭൂലോ​കത്തെ മുഴുവൻ” വഴി​തെ​റ്റി​ക്കാൻ  സാത്താ​നും ഭൂതങ്ങ​ളും ഗവൺമെ​ന്റു​കളെ മാത്രമല്ല, വ്യാജ​മ​ത​ത്തെ​യും വാണി​ജ്യ​ലോ​ക​ത്തെ​യും ഉപയോ​ഗി​ക്കു​ന്നു. (വെളി. 12:9) വ്യാജ​മ​ത​ത്തി​ലൂ​ടെ സാത്താൻ യഹോ​വ​യെ​ക്കു​റി​ച്ചുള്ള നുണകൾ പ്രചരി​പ്പി​ക്കു​ക​യാണ്‌. ദൈവ​ത്തി​ന്റെ പേര്‌ കഴിയു​ന്നത്ര ആളുക​ളിൽനിന്ന്‌ മറച്ചു​പി​ടി​ക്കാൻ സാത്താൻ കഠിന​ശ്രമം ചെയ്യുന്നു. (യിരെ. 23:26, 27) അതിന്റെ ഫലമായി ആത്മാർഥ​ത​യുള്ള ആളുകൾപോ​ലും വഞ്ചിക്ക​പ്പെ​ട്ടി​രി​ക്കു​ക​യാണ്‌. ദൈവ​ത്തെ​യാണ്‌ ആരാധി​ക്കു​ന്ന​തെന്നു ചിന്തി​ക്കുന്ന അവർ വാസ്‌ത​വ​ത്തിൽ ഭൂതങ്ങ​ളെ​യാണ്‌ ആരാധി​ക്കു​ന്നത്‌. (1 കൊരി. 10:20; 2 കൊരി. 11:13-15) വാണി​ജ്യ​ലോ​ക​ത്തി​ലൂ​ടെ​യും സാത്താൻ നുണകൾ പ്രചരി​പ്പി​ക്കു​ന്നു. അതി​ലൊ​ന്നാണ്‌, പണവും വസ്‌തു​വ​ക​ക​ളും വാരി​ക്കൂ​ട്ടി​യാൽ യഥാർഥ​സ​ന്തോ​ഷം കിട്ടും എന്ന ആശയം. (സുഭാ. 18:11) ഈ നുണ വിശ്വ​സി​ക്കുന്ന ആളുകൾ ദൈവത്തെ സേവി​ക്കു​ന്ന​തി​നു പകരം “ധനത്തെ” സേവി​ക്കു​ന്ന​തി​നാ​യി ജീവിതം ഉപയോ​ഗി​ക്കു​ന്നു. (മത്താ. 6:24) അവർക്കു ദൈവ​ത്തോട്‌ എന്തെങ്കി​ലും സ്‌നേഹം ഉണ്ടെങ്കിൽത്തന്നെ വസ്‌തു​വ​ക​ക​ളോ​ടുള്ള സ്‌നേഹം അവരുടെ ദൈവ​സ്‌നേ​ഹത്തെ പതി​യെ​പ്പ​തി​യെ ഞെരു​ക്കി​ക്ക​ള​ഞ്ഞേ​ക്കാം.—മത്താ. 13:22; 1 യോഹ. 2:15, 16.

8, 9. (എ) ആദാമി​നെ​യും ഹവ്വയെ​യും ധിക്കാ​രി​ക​ളായ ദൂതന്മാ​രെ​യും പറ്റിയുള്ള വിവര​ണങ്ങൾ നമ്മളെ ഏതു രണ്ടു പാഠങ്ങൾ പഠിപ്പി​ക്കു​ന്നു? (ബി) സാത്താന്‌ എത്ര​ത്തോ​ളം സ്വാധീ​ന​മു​ണ്ടെന്നു മനസ്സി​ലാ​ക്കു​ന്നതു നമുക്ക്‌ എങ്ങനെ പ്രയോ​ജനം ചെയ്യും?

⁸ ആദാമി​ന്റെ​യും ഹവ്വയു​ടെ​യും ധിക്കാ​രി​ക​ളായ ദൂതന്മാ​രു​ടെ​യും ദൃഷ്ടാ​ന്തങ്ങൾ നമ്മളെ പ്രധാ​ന​പ്പെട്ട രണ്ടു പാഠങ്ങൾ പഠിപ്പി​ക്കു​ന്നു. ഒന്നാമ​ത്തേത്‌, നമ്മുടെ മുന്നിൽ രണ്ടു തിര​ഞ്ഞെ​ടു​പ്പു​കളേ ഉള്ളൂ. ഒന്നുകിൽ യഹോ​വ​യോ​ടു വിശ്വ​സ്‌ത​രാ​യി​രി​ക്കുക, അല്ലെങ്കിൽ സാത്താന്റെ പക്ഷത്താ​യി​രി​ക്കുക. ഇതിൽ ഏതു വേണ​മെന്നു നമ്മൾ തിര​ഞ്ഞെ​ടു​ക്കണം. (മത്താ. 7:13) രണ്ടാമ​ത്തേത്‌, സാത്താന്റെ പക്ഷം ചേരു​ന്ന​വർക്കു തീരെ പരിമി​ത​മായ പ്രയോ​ജ​ന​ങ്ങളേ ലഭിക്കു​ക​യു​ള്ളൂ. ആദാമി​നും ഹവ്വയ്‌ക്കും ശരി​തെ​റ്റു​ക​ളെ​ക്കു​റിച്ച്‌ സ്വന്തം നിലവാ​രങ്ങൾ വെക്കാൻ അവസരം കിട്ടി. അതു​പോ​ലെ, ഭൂതങ്ങൾക്കു മനുഷ്യ​ഗ​വൺമെ​ന്റു​ക​ളു​ടെ മേൽ ഒരളവു​വരെ നിയ​ന്ത്ര​ണ​വും ലഭിച്ചു. (ഉൽപ. 3:22) പക്ഷേ, സാത്താന്റെ പക്ഷത്ത്‌ നിൽക്കു​ന്ന​തി​ന്റെ അന്തിമ​ഫലം എല്ലായ്‌പോ​ഴും ദോഷ​മാ​യി​രി​ക്കും, യഥാർഥ​പ്ര​യോ​ജ​ന​ങ്ങ​ളൊ​ന്നും ആർക്കും ലഭിക്കു​ക​യു​മില്ല.—ഇയ്യോ. 21:7-17; ഗലാ. 6:7, 8.

⁹ സാത്താന്‌ എത്ര​ത്തോ​ളം സ്വാധീ​ന​മു​ണ്ടെന്നു മനസ്സി​ലാ​ക്കു​ന്നതു നമുക്ക്‌ എങ്ങനെ പ്രയോ​ജനം ചെയ്യും? ഗവൺമെന്റ്‌ അധികാ​രി​ക​ളെ​ക്കു​റിച്ച്‌ ഒരു ശരിയായ വീക്ഷണ​മു​ണ്ടാ​യി​രി​ക്കാൻ അതു സഹായി​ക്കും, പ്രസം​ഗ​പ്ര​വർത്ത​ന​ത്തിൽ കൂടുതൽ ഏർപ്പെ​ടാൻ നമ്മളെ പ്രചോ​ദി​പ്പി​ക്കു​ക​യും ചെയ്യും. നമ്മൾ ഗവൺമെന്റ്‌ അധികാ​രി​കളെ ബഹുമാ​നി​ക്കാൻ യഹോവ ആഗ്രഹി​ക്കു​ന്നെന്നു നമുക്ക്‌ അറിയാം. (1 പത്രോ. 2:17) ഗവൺമെ​ന്റു​കൾ വെക്കുന്ന നിയമങ്ങൾ തന്റെ നിലവാ​ര​ങ്ങൾക്ക്‌ എതിര​ല്ലാത്ത എല്ലാ സാഹച​ര്യ​ങ്ങ​ളി​ലും നമ്മൾ അവ അനുസ​രി​ക്കാൻ യഹോവ പ്രതീ​ക്ഷി​ക്കു​ന്നു. (റോമ. 13:1-4) അതേസ​മയം നിഷ്‌പക്ഷത പാലി​ക്ക​ണ​മെ​ന്നും ഒരിക്ക​ലും ഏതെങ്കി​ലും രാഷ്‌ട്രീ​യ​പാർട്ടി​യു​ടെ​യോ മനുഷ്യ​നേ​താ​വി​ന്റെ​യോ പക്ഷം പിടി​ക്ക​രു​തെ​ന്നും നമ്മൾ മനസ്സി​ലാ​ക്കി​യി​ട്ടുണ്ട്‌. (യോഹ. 17:15, 16; 18:36) യഹോ​വ​യു​ടെ പേര്‌ മറച്ചു​വെ​ക്കാ​നും അതു കളങ്ക​പ്പെ​ടു​ത്താ​നും സാത്താൻ ശ്രമി​ക്കു​ന്ന​തു​കൊണ്ട്‌ ദൈവ​ത്തെ​ക്കു​റി​ച്ചുള്ള സത്യം ആളുകളെ പഠിപ്പി​ക്കാൻ കഴിയു​ന്ന​തെ​ല്ലാം നമ്മൾ ചെയ്യുന്നു. യഹോ​വ​യു​ടെ പേരിൽ അറിയ​പ്പെ​ടാ​നും ആ പേര്‌ ഉപയോ​ഗി​ക്കാ​നും കഴിയു​ന്ന​തിൽ നമ്മൾ അഭിമാ​നി​ക്കു​ന്നു. ദൈവത്തെ സ്‌നേ​ഹി​ക്കു​ന്നതു പണത്തെ​യോ വസ്‌തു​വ​ക​ക​ളെ​യോ സ്‌നേ​ഹി​ക്കു​ന്ന​തി​നെ​ക്കാൾ എത്രയോ മൂല്യ​വ​ത്താണ്‌!—യശ. 43:10; 1 തിമൊ. 6:6-10.

10-12. (എ) തന്റെ സഹോ​ദ​ര​ന്മാ​രായ ദൂതന്മാ​രെ കെണി​യി​ലാ​ക്കു​ന്ന​തി​നു സാത്താൻ എന്തൊക്കെ ഇരകളായിരിക്കാം ഇട്ടു​കൊ​ടു​ത്തത്‌? (ബി) ആ ദൂതന്മാ​രു​ടെ തെറ്റിൽനിന്ന്‌ നമുക്ക്‌ എന്തു പഠിക്കാം?

¹⁰ വ്യക്തി​കളെ സ്വാധീ​നി​ക്കു​ന്ന​തി​നു സാത്താൻ ഫലപ്ര​ദ​മായ രീതികൾ ഉപയോ​ഗി​ക്കു​ന്നു. ഉദാഹ​ര​ണ​ത്തിന്‌, അവൻ ആളുകളെ തന്റെ വഴിയേ കൊണ്ടു​വ​രാൻ അവർക്ക്‌ പറ്റിയ ഇര ഇട്ടു​കൊ​ടു​ക്കു​ന്നു. ആളുകളെ വരുതി​യി​ലാ​ക്കാൻ ചില​പ്പോൾ അവരെ ഭീഷണിപ്പെടുത്തുകപോലും ചെയ്യുന്നു.

¹¹ തന്റെ ദൂതസ​ഹോ​ദ​ര​ന്മാ​രിൽ ഒരു നല്ല പങ്കിനെ ഇര ഇട്ടു​കൊ​ടുത്ത്‌ കെണി​യി​ലാ​ക്കു​ന്ന​തി​ലുള്ള സാത്താന്റെ ശ്രമം എത്ര ഫലപ്ര​ദ​മാ​യി​രു​ന്നെന്നു നോക്കൂ. അവരെ തന്റെ പക്ഷത്തേക്കു വശീക​രി​ക്കു​ന്ന​തി​നു മുമ്പ്‌ അവൻ ധാരാളം സമയ​മെ​ടുത്ത്‌ അവരെ പഠിച്ചി​ട്ടു​ണ്ടാ​യി​രി​ക്കണം. അവരിൽ കുറെ​പ്പേ​രെ​ങ്കി​ലും അധാർമി​കത എന്ന ഇരയിൽ കൊത്തു​ക​യും സ്‌ത്രീ​ക​ളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടു​ക​യും ചെയ്‌തു. അവർക്ക്‌ ഉണ്ടായ ക്രൂര​ന്മാ​രായ സങ്കരസ​ന്ത​തി​കൾ മനുഷ്യ​രു​ടെ മേൽ ആധിപ​ത്യം നടത്തി. (ഉൽപ. 6:1-4) ഒരുപക്ഷേ തന്റെ പക്ഷത്ത്‌ ചേരുന്ന ദൂതന്മാർക്ക്‌ അധാർമി​ക​ബ​ന്ധ​ങ്ങൾക്കുള്ള അവസരം കൊടു​ക്കാ​മെന്നു മാത്ര​മാ​യി​രി​ക്കില്ല, മനുഷ്യ​വർഗ​ത്തി​ന്റെ മേൽ അധികാ​രം കൊടു​ക്കാ​മെ​ന്നും സാത്താൻ വാക്കു കൊടു​ത്തി​രി​ക്കാം. വാഗ്‌ദാ​നം ചെയ്‌ത ‘സ്‌തീ​യു​ടെ സന്തതി​യു​ടെ’ വരവിനെ തടയുക എന്നതാ​യി​രു​ന്നി​രി​ക്കാം അവന്റെ ലക്ഷ്യം. (ഉൽപ. 3:15) പക്ഷേ, അവൻ വിജയി​ച്ചില്ല. പ്രളയം വരുത്തി​ക്കൊണ്ട്‌ യഹോവ സാത്താ​ന്റെ​യും ഭൂതങ്ങ​ളു​ടെ​യും ആ പദ്ധതികൾ തകർത്തു​ക​ളഞ്ഞു.

¹² ഈ സംഭവ​ത്തിൽനിന്ന്‌ നമുക്ക്‌ എന്തെല്ലാം പാഠങ്ങ​ളാ​ണു പഠിക്കാ​നു​ള്ളത്‌? അധാർമി​ക​ത​യു​ടെ​യും അഹങ്കാ​ര​ത്തി​ന്റെ​യും അപകടത്തെ ഒരിക്ക​ലും നമ്മൾ നിസ്സാ​ര​മാ​യി കാണരുത്‌. സാത്താ​ന്റെ​കൂ​ടെ ചേർന്ന ദൂതന്മാർ യുഗങ്ങ​ളോ​ളം ദൈവ​ത്തി​ന്റെ സന്നിധി​യിൽ സേവി​ച്ച​വ​രാ​യി​രു​ന്നു. അത്ര നല്ല ചുറ്റു​പാ​ടി​ലാ​യി​രു​ന്നി​ട്ടും ആ ദൂതന്മാർ തങ്ങളുടെ ഹൃദയ​ത്തിൽ മോശ​മായ അഭിലാ​ഷങ്ങൾ വേരു​പി​ടി​ക്കാ​നും വളരാ​നും അനുവ​ദി​ച്ചു. സമാന​മാ​യി നമ്മളും വർഷങ്ങ​ളാ​യി യഹോ​വയെ സേവി​ക്കു​ന്ന​വ​രാ​യി​രി​ക്കാം. ആത്മീയ​മാ​യി ശുദ്ധമായ ഈ ചുറ്റു​പാ​ടി​ലും അശുദ്ധ​മായ അഭിലാ​ഷങ്ങൾ നമ്മുടെ ഹൃദയ​ത്തിൽ വേരു​പി​ടി​ച്ചേ​ക്കാ​മെന്ന കാര്യം മറക്കരുത്‌. (1 കൊരി. 10:12) അതു​കൊണ്ട്‌, നമ്മുടെ ഹൃദയത്തെ ക്രമമാ​യി പരി​ശോ​ധി​ക്കേ​ണ്ട​തും അധാർമി​ക​ചി​ന്ത​കളെ തള്ളിക്ക​ള​യേ​ണ്ട​തും അഹങ്കാരം ഒഴിവാ​ക്കേ​ണ്ട​തും എത്ര പ്രധാ​ന​മാണ്‌!—ഗലാ. 5:26; കൊ​ലോ​സ്യർ 3:5 വായി​ക്കുക.

13. നമ്മളെ കെണി​യി​ലാ​ക്കാൻ സാത്താൻ ഉപയോ​ഗി​ക്കുന്ന മറ്റൊരു ഇര ഏതാണ്‌, നമുക്ക്‌ ഇത്‌ എങ്ങനെ ഒഴിവാ​ക്കാം?

¹³ സാത്താൻ ഉപയോ​ഗി​ക്കുന്ന ഫലപ്ര​ദ​മായ മറ്റൊരു ഇര ഭൂത​ലോ​ക​ത്തെ​ക്കു​റി​ച്ചുള്ള ജിജ്ഞാ​സ​യാണ്‌. ഇക്കാലത്ത്‌, ആളുകൾക്കു ഭൂതങ്ങ​ളിൽ താത്‌പ​ര്യ​മു​ണ്ടാ​കാൻ സാത്താൻ വ്യാജ​മ​ത​ത്തെ​യും വിനോ​ദ​വ്യ​വ​സാ​യ​ത്തെ​യും ഉപയോ​ഗി​ക്കു​ന്നു. ചലച്ചി​ത്ര​ങ്ങ​ളും ഇലക്‌​ട്രോ​ണിക്‌ ഗെയി​മു​ക​ളും മറ്റു പലതരം വിനോ​ദ​ങ്ങ​ളും ഭൂതവി​ദ്യ​യെ ആകർഷ​മാ​ക്കി അവതരി​പ്പി​ക്കു​ന്നു. ഈ കെണി​യിൽ വീഴാ​തി​രി​ക്കാൻ നമുക്ക്‌ എന്തു ചെയ്യാം? ദൈവ​ത്തി​ന്റെ സംഘടന നല്ല വിനോ​ദ​ങ്ങ​ളു​ടെ​യും മോശ​മായ വിനോ​ദ​ങ്ങ​ളു​ടെ​യും വിശദ​മായ ഒരു പട്ടിക തരു​മെന്നു പ്രതീ​ക്ഷി​ക്ക​രുത്‌. ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ സ്വന്തം മനസ്സാ​ക്ഷി​യെ പരിശീ​ലി​പ്പി​ക്കാൻ നമ്മൾ ഓരോ​രു​ത്ത​രും ശ്രമി​ക്കണം. (എബ്രാ. 5:14) ദൈവ​ത്തോ​ടുള്ള സ്‌നേഹം “കാപട്യ​മി​ല്ലാ​ത്ത​താ​യി​രി​ക്കട്ടെ” എന്ന പൗലോസ്‌ അപ്പോ​സ്‌ത​ലന്റെ വാക്കുകൾ ബാധക​മാ​ക്കു​ന്നെ​ങ്കിൽ നമുക്കു ജ്ഞാനപൂർവ​മായ തിര​ഞ്ഞെ​ടു​പ്പു​കൾ നടത്താൻ കഴിയും. (റോമ. 12:9) കാപട്യ​മുള്ള ഒരു വ്യക്തി, പറയു​ന്നത്‌ ഒരു വിധത്തി​ലും പ്രവർത്തി​ക്കു​ന്നതു  വേറൊ​രു വിധത്തി​ലും ആയിരി​ക്കും. അതു​കൊണ്ട്‌ വിനോ​ദങ്ങൾ തിര​ഞ്ഞെ​ടു​ക്കു​മ്പോൾ നമുക്കു സ്വയം ഇങ്ങനെ ചോദി​ക്കാം: ‘മറ്റുള്ള​വ​രോ​ടു പിൻപ​റ്റാൻ ആവശ്യ​പ്പെ​ടുന്ന അതേ തത്ത്വങ്ങ​ളാ​ണോ ഞാൻ പിൻപ​റ്റു​ന്നത്‌? ഞാൻ ഏർപ്പെ​ടുന്ന വിനോ​ദ​ത്തെ​ക്കു​റിച്ച്‌ എന്റെ ബൈബിൾവി​ദ്യാർഥി​ക​ളും ഞാൻ മടക്കസ​ന്ദർശനം നടത്തു​ന്ന​വ​രും അറിഞ്ഞാൽ അവർക്ക്‌ എന്തു തോന്നും?’ നമ്മുടെ സംസാ​ര​വും പ്രവൃ​ത്തി​ക​ളും തമ്മിൽ എത്രമാ​ത്രം ചേർച്ച​യു​ണ്ടോ അത്രമാ​ത്രം നമ്മൾ സാത്താന്റെ കെണി​യിൽ വീഴാ​നുള്ള സാധ്യത കുറവാ​യി​രി​ക്കും.—1 യോഹ. 3:18.

14. സാത്താൻ നമ്മളെ ഭയപ്പെ​ടു​ത്തി​യേ​ക്കാ​വു​ന്നത്‌ എങ്ങനെ, നമുക്ക്‌ എങ്ങനെ ഉറച്ചു​നിൽക്കാം?

¹⁴ ഇരയെ ഇട്ടുതന്ന്‌ പ്രലോ​ഭി​പ്പി​ക്കു​ന്നതു കൂടാതെ നമ്മളെ ഭയപ്പെ​ടു​ത്തി യഹോ​വ​യോ​ടുള്ള വിശ്വ​സ്‌ത​ത​യിൽ വിട്ടു​വീഴ്‌ച ചെയ്യി​ക്കാൻ സാത്താൻ ശ്രമി​ച്ചേ​ക്കാം. ഉദാഹ​ര​ണ​ത്തിന്‌, നമ്മുടെ പ്രസം​ഗ​പ്ര​വർത്ത​നത്തെ നിരോ​ധി​ക്കാൻ അവനു ഗവൺമെ​ന്റു​കളെ സ്വാധീ​നി​ക്കാൻ കഴിയും. അല്ലെങ്കിൽ ബൈബിൾനി​ല​വാ​ര​ങ്ങൾക്ക​നു​സ​രിച്ച്‌ നമ്മൾ ജീവി​ക്കു​ന്ന​തി​നെ പരിഹ​സി​ക്കാൻ സഹജോ​ലി​ക്കാ​രെ​യോ സഹപാ​ഠി​ക​ളെ​യോ അവൻ സ്വാധീ​നി​ച്ചേ​ക്കാം. (1 പത്രോ. 4:4) മീറ്റി​ങ്ങു​ക​ളിൽ ഹാജരാ​കു​ന്ന​തിൽനിന്ന്‌ നമ്മളെ നിരു​ത്സാ​ഹ​പ്പെ​ടു​ത്താൻ കുടും​ബാം​ഗ​ങ്ങളെ ഉപയോ​ഗി​ച്ചേ​ക്കാം. ഒരുപക്ഷേ നല്ല ഉദ്ദേശ്യ​ത്തോ​ടെ​യാ​യി​രി​ക്കാം ആ കുടും​ബാം​ഗങ്ങൾ നമ്മളെ തടയു​ന്നത്‌. (മത്താ. 10:36) ഇത്തരം സാഹച​ര്യ​ങ്ങളെ നമുക്ക്‌ എങ്ങനെ കൈകാ​ര്യം ചെയ്യാം? ഒന്ന്‌, നേരി​ട്ടുള്ള ഇത്തരം ആക്രമ​ണങ്ങൾ നമ്മൾ പ്രതീ​ക്ഷി​ക്കണം. കാരണം സാത്താൻ നമ്മളു​മാ​യി യുദ്ധത്തി​ലാണ്‌. (വെളി. 2:10; 12:17) അതു​പോ​ലെ, ഇത്തരം സംഭവ​ങ്ങ​ളു​ടെ പിന്നിലെ പ്രധാ​ന​പ്പെട്ട വിവാ​ദ​വി​ഷയം നമ്മൾ മനസ്സിൽപ്പി​ടി​ക്കണം. സാഹച​ര്യ​ങ്ങൾ അനുകൂ​ല​മാ​യാ​ലേ നമ്മൾ യഹോ​വയെ സേവിക്കൂ എന്നാണു സാത്താന്റെ അവകാ​ശ​വാ​ദം. സമ്മർദ​മു​ണ്ടാ​യാൽ നമ്മൾ ദൈവ​ത്തി​നു നേരെ പുറം​തി​രി​യു​മെന്ന്‌ അവൻ പറയുന്നു. (ഇയ്യോ. 1:9-11; 2:4, 5) അവസാ​ന​മാ​യി, ആവശ്യ​മായ ശക്തിക്കു​വേണ്ടി യഹോ​വ​യിൽ ആശ്രയി​ക്കുക. യഹോവ നമ്മളെ ഒരിക്ക​ലും ഉപേക്ഷി​ക്കില്ല.—എബ്രാ. 13:5.

15. നമ്മുടെ ഇഷ്ടത്തിന്‌ എതിരാ​യി പ്രവർത്തി​ക്കാൻ സാത്താനു നമ്മളെ നിർബ​ന്ധി​ക്കാ​നാ​കു​മോ? വിശദീ​ക​രി​ക്കുക.

¹⁵ ആളുകൾ ചെയ്യാൻ ഇഷ്ടപ്പെ​ടാത്ത കാര്യങ്ങൾ അവരെ​ക്കൊണ്ട്‌ ചെയ്യി​ക്കാൻ സാത്താനു കഴിയില്ല. (യാക്കോ. 1:14) മിക്കവ​രും സാത്താന്റെ ഉദ്ദേശ്യ​ങ്ങൾക്കു ചേർച്ച​യിൽ പ്രവർത്തി​ക്കു​ന്നതു അറിവി​ല്ലാ​യ്‌മ​കൊ​ണ്ടാണ്‌. പക്ഷേ ബൈബിൾസ​ത്യം മനസ്സി​ലാ​ക്കി​ക്ക​ഴി​യു​മ്പോൾ ആരെയാ​ണു സേവി​ക്കേ​ണ്ട​തെന്നു ഓരോ വ്യക്തി​യും തീരു​മാ​നി​ക്കണം. (പ്രവൃ. 3:17; 17:30) ദൈവ​ത്തി​ന്റെ ഇഷ്ടം ചെയ്യാൻ നമ്മൾ ഉറച്ച തീരു​മാ​ന​മെ​ടു​ക്കു​ന്നെ​ങ്കിൽ നമ്മുടെ വിശ്വ​സ്‌തത തകർക്കാൻ സാത്താനു കഴിയില്ല.—ഇയ്യോ. 2:3; 27:5.

16, 17. (എ) സാത്താ​നും അവന്റെ ഭൂതങ്ങൾക്കും മറ്റ്‌ എന്തെല്ലാം പരിമി​തി​ക​ളുണ്ട്‌? (ബി) യഹോ​വ​യോട്‌ ഉറക്കെ പ്രാർഥി​ക്കാൻ നമ്മൾ ഭയക്കേ​ണ്ട​തി​ല്ലാ​ത്തത്‌ എന്തു​കൊണ്ട്‌?

¹⁶ സാത്താ​നും ഭൂതങ്ങൾക്കും വേറെ​യും പരിമി​തി​ക​ളുണ്ട്‌. ഉദാഹ​ര​ണ​ത്തിന്‌, അവർക്കു നമ്മുടെ മനസ്സും ഹൃദയ​വും വായി​ക്കാൻ കഴിയു​മെന്നു തിരു​വെ​ഴു​ത്തു​ക​ളിൽ ഒരു സൂചന​യു​മില്ല. ആ കഴിവ്‌ യഹോ​വ​യ്‌ക്കും യേശു​വി​നും മാത്രമേ ഉള്ളൂ. (1 ശമു. 16:7; മർക്കോ. 2:8) അങ്ങനെ​യെ​ങ്കിൽ നമ്മൾ സംസാ​രി​ക്കു​ക​യും ഉച്ചത്തിൽ പ്രാർഥി​ക്കു​ക​യും ചെയ്യു​മ്പോ​ഴോ? സാത്താ​നും ഭൂതങ്ങ​ളും നമ്മൾ പ്രാർഥ​ന​യിൽ പറഞ്ഞ കാര്യങ്ങൾ കേട്ടിട്ട്‌ നമു​ക്കെ​തി​രെ പ്രവർത്തി​ക്കു​മെന്നു ഭയപ്പെ​ടേ​ണ്ട​തു​ണ്ടോ? ഇല്ല എന്നാണ്‌ ഉത്തരം. എന്തു​കൊണ്ട്‌? ഒന്നു ചിന്തി​ക്കുക: പിശാച്‌ കാണു​മെന്നു ഭയന്ന്‌ നമ്മൾ യഹോ​വ​യ്‌ക്കു​വേണ്ടി പ്രവർത്തി​ക്കാ​തി​രി​ക്കില്ല. അങ്ങനെ​യെ​ങ്കിൽ സാത്താൻ കേൾക്കു​മെന്നു വിചാ​രിച്ച്‌ ഉറക്കെ പ്രാർഥി​ക്കാൻ നമുക്കു ഭയം തോ​ന്നേ​ണ്ട​തു​ണ്ടോ? വാസ്‌ത​വ​ത്തിൽ ഉറക്കെ പ്രാർഥിച്ച ധാരാളം ദൈവ​ദാ​സ​ന്മാ​രെ​ക്കു​റിച്ച്‌ ബൈബിൾ പറയു​ന്നുണ്ട്‌. തങ്ങൾ പറയു​ന്നതു സാത്താൻ കേൾക്കു​മെന്ന്‌ അവർ ഭയപ്പെ​ട്ട​താ​യി യാതൊ​രു സൂചന​യു​മില്ല. (1 രാജാ. 8:22, 23; യോഹ. 11:41, 42; പ്രവൃ. 4:23, 24) ദൈ​വേ​ഷ്ട​ത്തി​നു ചേർച്ച​യിൽ സംസാ​രി​ക്കാ​നും പ്രവർത്തി​ക്കാ​നും നമ്മൾ കഠിന​ശ്രമം ചെയ്യു​മ്പോൾ നമുക്കു ശാശ്വ​ത​മായ ഹാനി വരുത്തുന്ന ഒന്നും ചെയ്യാൻ സാത്താനെ യഹോവ അനുവ​ദി​ക്കില്ല. ആ കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം.—സങ്കീർത്തനം 34:7 വായി​ക്കുക.

¹⁷ നമ്മൾ നമ്മുടെ ശത്രു​വി​നെ അറിയണം, പക്ഷേ അവനെ ഭയക്കേ​ണ്ട​തില്ല. യഹോ​വ​യു​ടെ സഹായ​ത്തോ​ടെ അപൂർണ​മ​നു​ഷ്യർക്കു​പോ​ലും സാത്താനെ കീഴട​ക്കാൻ കഴിയും. (1 യോഹ. 2:14) നമ്മൾ അവനെ എതിർത്തു​നിൽക്കു​ന്നെ​ങ്കിൽ അവൻ നമ്മളെ വിട്ട്‌ ഓടി​പ്പോ​കും. (യാക്കോ. 4:7; 1 പത്രോ. 5:9) സാത്താൻ പ്രത്യേ​കം ലക്ഷ്യം​വെ​ച്ചി​രി​ക്കുന്ന ഒരു കൂട്ടമാണു യുവജനങ്ങളെന്നു പറയാം. സാത്താന്‌ എതിരെ ശക്തമായി നില​കൊ​ള്ളാൻ അവർക്ക്‌ എന്തു ചെയ്യാൻ കഴിയും? അടുത്ത ലേഖനം അതു ചർച്ച ചെയ്യും.