1. നമുക്ക് എല്ലാവർക്കും സ്വാഭാ​വി​ക​മാ​യുള്ള ഒരു ആഗ്രഹം എന്താണ്‌, അതിൽ എന്തെല്ലാം ഉൾപ്പെ​ടു​ന്നുണ്ട്?

നിങ്ങളെ നന്നായി അറിയാ​വുന്ന, നിങ്ങൾ ആദരി​ക്കുന്ന ഒരാ​ളെ​ക്കു​റിച്ച് ചിന്തി​ക്കുക. അദ്ദേഹം നിങ്ങളു​ടെ പേര്‌ മറന്നു​പോ​യെ​ങ്കി​ലോ? നിങ്ങളെ കണ്ടിട്ട് മനസ്സി​ലാ​കു​ന്നി​ല്ലെ​ങ്കി​ലോ? നിങ്ങൾക്കു വളരെ വിഷമം തോന്നും. എന്തു​കൊണ്ട്? കാരണം, മറ്റുള്ളവർ നമ്മളെ അംഗീ​ക​രി​ക്കാ​നുള്ള സ്വാഭാ​വി​ക​മായ ആഗ്രഹം നമുക്ക് എല്ലാവർക്കു​മുണ്ട്. വെറുതേ പേര്‌ ഓർത്തി​രി​ക്കാൻ മാത്രമല്ല നമ്മൾ ആഗ്രഹി​ക്കുക. നമ്മുടെ ഗുണങ്ങ​ളും കഴിവു​ക​ളും നേട്ടങ്ങ​ളും ആളുകൾ അംഗീ​ക​രി​ക്കാൻ നമ്മൾ ആഗ്രഹി​ക്കു​ന്നു.—സംഖ്യ 11:16, അടിക്കു​റിപ്പ്; ഇയ്യോ. 31:6.

2, 3. അംഗീ​കാ​ര​ത്തി​നു​വേ​ണ്ടി​യുള്ള ആഗ്രഹം അതിരു​വി​ട്ടു​പോ​യേ​ക്കാ​വു​ന്നത്‌ എങ്ങനെ? (ലേഖനാ​രം​ഭ​ത്തി​ലെ ചിത്രം കാണുക.)

² എങ്കിലും, നമുക്കു സ്വാഭാ​വി​ക​മാ​യുള്ള മറ്റ്‌ ആഗ്രഹ​ങ്ങൾപോ​ലെ അംഗീ​കാ​ര​ത്തി​നു​വേ​ണ്ടി​യുള്ള ആഗ്രഹ​വും അപൂർണത കാരണം ചില​പ്പോൾ അതിരു​വി​ട്ടു​പോ​യേ​ക്കാം. പ്രാമു​ഖ്യത നേടാ​നും ശ്രദ്ധ പിടി​ച്ചു​പ​റ്റാ​നും ഉള്ള അഭിലാ​ഷം സാത്താന്‍റെ ലോകം നമ്മളിൽ ഉളവാ​ക്കി​യേ​ക്കാം. ഇതു​കൊ​ണ്ടുള്ള അപകടം എന്താണ്‌? ആരാധനയും ശരിക്കുള്ള അംഗീ​കാ​ര​വും ബഹുമ​തി​യും അർഹി​ക്കുന്ന നമ്മുടെ സ്വർഗീ​യ​പി​താ​വിൽനിന്ന് ശ്രദ്ധ മാറി​പ്പോ​കാൻ ഇത്‌ ഇടയാ​ക്കി​യേ​ക്കാം.—വെളി. 4:11.

³ യേശു​വി​ന്‍റെ കാലത്തെ ചില മതനേ​താ​ക്ക​ന്മാർക്ക് അംഗീ​കാ​രം സംബന്ധിച്ച് തെറ്റായ വീക്ഷണ​മാ​ണു​ണ്ടാ​യി​രു​ന്നത്‌. യേശു തന്‍റെ അനുഗാ​മി​കൾക്ക്  ഇങ്ങനെ മുന്നറി​യി​പ്പു കൊടു​ത്തു: “നീളൻ കുപ്പാ​യങ്ങൾ ധരിച്ച് ചുറ്റി​ന​ട​ക്കാ​നും ചന്തസ്ഥല​ങ്ങ​ളിൽ അഭിവാ​ദനം ലഭിക്കാ​നും സിന​ഗോ​ഗു​ക​ളിൽ ഏറ്റവും നല്ല ഇരിപ്പി​ട​ങ്ങ​ളിൽ ഇരിക്കാ​നും അത്താഴ​വി​രു​ന്നു​ക​ളിൽ പ്രമു​ഖ​സ്ഥാ​നങ്ങൾ കിട്ടാ​നും ആഗ്രഹി​ക്കുന്ന ശാസ്‌ത്രി​മാ​രെ സൂക്ഷി​ച്ചു​കൊ​ള്ളുക.” യേശു കൂട്ടി​ച്ചേർത്തു: “അവർക്കു കിട്ടുന്ന ശിക്ഷാ​വി​ധി ഏറെ കടുത്ത​താ​യി​രി​ക്കും.” (ലൂക്കോ. 20:46, 47, അടിക്കു​റിപ്പ്) നേരെ മറിച്ച്, തീരെ മൂല്യം കുറഞ്ഞ രണ്ടു ചെറു​തു​ട്ടു​കൾ സംഭാവന ഇട്ട പാവപ്പെട്ട വിധവയെ യേശു പ്രശം​സി​ച്ചു. ഒരുപക്ഷേ മറ്റാരും ആ വിധവയെ ശ്രദ്ധി​ച്ചു​കാ​ണില്ല. (ലൂക്കോ. 21:1-4) അതെ, അംഗീ​കാ​ര​ത്തെ​ക്കു​റി​ച്ചുള്ള യേശു​വി​ന്‍റെ കാഴ്‌ച​പ്പാട്‌ മറ്റുള്ള​വ​രു​ടേ​തിൽനിന്ന് വളരെ വ്യത്യ​സ്‌ത​മാ​യി​രു​ന്നു. അംഗീ​കാ​രം സംബന്ധിച്ച് ദൈവ​മായ യഹോ​വ​യ്‌ക്കു സ്വീകാ​ര്യ​മായ മനോ​ഭാ​വ​മു​ണ്ടാ​യി​രി​ക്കാൻ ഈ ലേഖനം നമ്മളെ സഹായി​ക്കും.

4. ആരിൽനി​ന്നുള്ള അംഗീ​കാ​ര​മാണ്‌ ഏറ്റവും പ്രധാനം, എന്തു​കൊണ്ട്?

⁴ അങ്ങനെ​യെ​ങ്കിൽ ആരിൽനി​ന്നുള്ള ബഹുമതി നേടു​ന്ന​താണ്‌ ഏറ്റവും പ്രധാനം? ഇന്ന് ആളുകൾ ഉന്നതവി​ദ്യാ​ഭ്യാ​സം നേടി​ക്കൊ​ണ്ടും ബിസി​നെസ്സ് രംഗത്ത്‌ വിജയം കൈവ​രി​ച്ചു​കൊ​ണ്ടും വിനോ​ദ​മേ​ഖ​ല​യിൽ പ്രശസ്‌ത​രാ​യി​ക്കൊ​ണ്ടും മറ്റുള്ള​വ​രു​ടെ ശ്രദ്ധ പിടി​ച്ചു​പ​റ്റാൻ ശ്രമി​ക്കു​ക​യാണ്‌. എന്നാൽ നമുക്കു കിട്ടാ​വുന്ന ഏറ്റവും വലിയ ബഹുമ​തി​യെ​ക്കു​റിച്ച് പൗലോസ്‌ അപ്പോ​സ്‌തലൻ പറയു​ന്നതു ശ്രദ്ധി​ക്കുക: “ഇപ്പോൾ നിങ്ങൾക്കു ദൈവത്തെ അറിയാം. അതിലു​പരി ദൈവ​ത്തി​നു നിങ്ങളെ അറിയാം. ആ സ്ഥിതിക്ക് ദുർബ​ല​മായ, ഒന്നിനും കൊള്ളാത്ത അടിസ്ഥാ​ന​കാ​ര്യ​ങ്ങ​ളി​ലേക്കു വീണ്ടും തിരിഞ്ഞ് അവയുടെ അടിമ​ക​ളാ​കാൻ നിങ്ങൾക്ക് എങ്ങനെ മനസ്സു വരുന്നു?” (ഗലാ. 4:9) ഒന്നു ചിന്തി​ക്കുക, നിങ്ങൾക്ക് ഈ പ്രപഞ്ച​ത്തി​ന്‍റെ പരമാ​ധി​കാ​രി​യായ ‘ദൈവം അറിയുന്ന’ ഒരാളാ​കാൻ കഴിയും! അത്‌ എത്ര വലിയ പദവി​യാണ്‌! നമ്മളു​മാ​യി ഒരു അടുത്ത ബന്ധത്തിൽ വരാൻ യഹോവ ആഗ്രഹി​ക്കു​ന്നുണ്ട്. ഒരു പണ്ഡിതൻ പറയു​ന്ന​തു​പോ​ലെ, “ദൈവ​ത്തി​ന്‍റെ അംഗീ​കാ​ര​ത്തി​നു പാത്ര​മാ​കാൻ നമുക്കു കഴിയും.” നമ്മൾ ജീവി​ത​ത്തി​ന്‍റെ ശരിക്കുള്ള ലക്ഷ്യത്തിൽ എത്തുന്നത്‌ യഹോവ നമ്മളെ സുഹൃ​ത്തു​ക്ക​ളാ​യി അംഗീ​ക​രി​ക്കു​മ്പോ​ഴാണ്‌.—സഭാ. 12:13, 14.

5. ദൈവം അറിയുന്ന ഒരാളാ​യി​ത്തീ​രാൻ നമുക്ക് എങ്ങനെ കഴിയും?

⁵ ആ അനു​ഗ്രഹം കിട്ടിയ ഒരാളാ​ണു മോശ. യഹോ​വ​യു​ടെ വഴിക​ളെ​ക്കു​റിച്ച് കൂടുതൽ അറിയാൻ അനുവ​ദി​ക്കേ​ണമേ എന്ന് അപേക്ഷി​ച്ച​പ്പോൾ യഹോവ മോശ​യ്‌ക്ക് ഇങ്ങനെ മറുപടി കൊടു​ത്തു: “നീ അപേക്ഷി​ക്കുന്ന ഇക്കാര്യ​വും ഞാൻ ചെയ്യും. കാരണം എനിക്കു നിന്നോ​ടു പ്രീതി തോന്നി​യി​രി​ക്കു​ന്നു. ഞാൻ നിന്നെ അടുത്ത്‌ അറിയു​ക​യും ചെയ്‌തി​രി​ക്കു​ന്നു.” (പുറ. 33:12-17) ഇതു​പോ​ലെ യഹോവ നമ്മളെ വ്യക്തി​പ​ര​മാ​യി അടുത്ത്‌ അറിയാ​നി​ട​യാ​കു​മ്പോൾ നമുക്കും അത്ഭുത​ക​ര​മായ അനു​ഗ്ര​ഹങ്ങൾ ലഭിക്കും. എന്നാൽ യഹോവ അറിയുന്ന ഒരാളാ​യി​ത്തീ​രാൻ നമുക്ക് എങ്ങനെ കഴിയും? ദൈവത്തെ സ്‌നേ​ഹി​ക്കു​ക​യും ജീവിതം ദൈവ​ത്തി​നു സമർപ്പി​ക്കു​ക​യും ചെയ്‌തു​കൊണ്ട്.—1 കൊരി​ന്ത്യർ 8:3 വായി​ക്കുക.

6, 7. യഹോ​വ​യു​മാ​യുള്ള ബന്ധം നഷ്ടമാ​കാൻ എന്തു കാരണ​മാ​യേ​ക്കാം?

⁶ എങ്കിലും നമ്മുടെ സ്വർഗീ​യ​പി​താ​വു​മാ​യുള്ള അമൂല്യ​മായ ബന്ധം നഷ്ടപ്പെ​ടാ​തെ നമ്മൾ സൂക്ഷി​ക്കണം. ഗലാത്യ​യി​ലെ ക്രിസ്‌ത്യാ​നി​ക​ളെ​പ്പോ​ലെ നമ്മളും ഈ ലോക​ത്തി​ന്‍റെ ‘ദുർബ​ല​മായ, ഒന്നിനും കൊള്ളാത്ത അടിസ്ഥാ​ന​കാ​ര്യ​ങ്ങ​ളു​ടെ’ അടിമ​ക​ളാ​ക​രുത്‌. അതിൽ ഈ ലോക​ത്തി​ന്‍റെ അംഗീ​കാ​രം തേടു​ന്ന​തും ഉൾപ്പെ​ടു​ന്നു. (ഗലാ. 4:9) ഒന്നാം നൂറ്റാ​ണ്ടി​ലെ ആ ക്രിസ്‌ത്യാ​നി​കൾ ‘ദൈവം അവരെ അറിയുന്ന’ അളവോ​ളം പുരോ​ഗ​മി​ച്ച​വ​രാ​യി​രു​ന്നു. എന്നാൽ ആ സഹോ​ദ​ര​ങ്ങൾത​ന്നെ​യാണ്‌ ഒന്നിനും കൊള്ളാത്ത കാര്യ​ങ്ങ​ളി​ലേക്കു ‘വീണ്ടും തിരി​യു​ന്ന​തെന്ന്’ പൗലോസ്‌ പറഞ്ഞു. പൗലോസ്‌ പറഞ്ഞതി​ന്‍റെ സാരം ഇതായി​രു​ന്നു: ‘ഇത്രയും പുരോ​ഗ​മിച്ച നിങ്ങൾ ഒരിക്കൽ ഉപേക്ഷിച്ച, വിഡ്‌ഢി​ത്തം നിറഞ്ഞ, വിലയി​ല്ലാത്ത കാര്യ​ങ്ങ​ളി​ലേക്ക് എന്തിനു തിരി​ച്ചു​പോ​കണം?’

⁷ നമുക്ക് അങ്ങനെ​യൊ​രു അപകട​മു​ണ്ടാ​കാൻ സാധ്യ​ത​യു​ണ്ടോ? ഉണ്ട്. യഹോ​വയെ അറിയാ​നി​ട​യാ​യ​പ്പോൾ പൗലോ​സി​നെ​പ്പോ​ലെ സാത്താന്‍റെ ലോകം വെച്ചു​നീ​ട്ടിയ ചില ബഹുമ​തി​കൾ വേണ്ടെ​ന്നു​വെ​ച്ച​വ​രാ​യി​രി​ക്കാം നമ്മൾ. (ഫിലി​പ്പി​യർ 3:7, 8 വായി​ക്കുക.) ഉദാഹ​ര​ണ​ത്തിന്‌, ഉന്നതവി​ദ്യാ​ഭ്യാ​സം നേടാ​നുള്ള അവസരങ്ങൾ നമ്മൾ ഉപേക്ഷി​ച്ചു​കാ​ണും. ജോലി​ക്ക​യ​റ്റ​മോ ബിസി​നെ​സ്സി​ലൂ​ടെ കൂടുതൽ പണം സമ്പാദി​ക്കാ​നുള്ള അവസര​മോ ഒക്കെ വിട്ടു​ക​ള​ഞ്ഞി​രി​ക്കാം. അല്ലെങ്കിൽ സംഗീ​ത​പാ​ട​വ​വും കായി​ക​മേ​ഖ​ല​യി​ലെ കഴിവു​ക​ളും  ഉപയോ​ഗിച്ച് നേടി​യെ​ടു​ക്കാ​മാ​യി​രുന്ന പ്രശസ്‌തി​യും സമ്പത്തും വേണ്ടെ​ന്നു​വെ​ച്ചു​കാ​ണും. (എബ്രാ. 11:24-27) എന്നാൽ, ആ നല്ല തീരു​മാ​ന​ങ്ങ​ളെ​പ്രതി നിങ്ങൾക്ക് ഇപ്പോൾ ഖേദം തോന്നു​ന്നു​ണ്ടോ? ആ അവസര​ങ്ങ​ളൊ​ന്നും വിട്ടു​ക​ള​യേ​ണ്ടാ​യി​രു​ന്നെന്നു തോന്നു​ന്നു​ണ്ടോ? എങ്കിൽ, എത്ര ഭോഷ​ത്ത​മാ​യി​രി​ക്കും അത്‌! കാരണം ഈ ലോക​ത്തി​ന്‍റെ ‘ദുർബ​ല​മായ, ഒന്നിനും കൊള്ളാത്ത’ കാര്യ​ങ്ങ​ളെന്നു നമ്മൾ ആദ്യം വിധി എഴുതി​യ​വ​യു​ടെ പിന്നാലെ പോകാൻ അത്തരം ചിന്തകൾ നമ്മളെ പ്രേരി​പ്പി​ച്ചേ​ക്കാം. *

8. യഹോ​വ​യു​ടെ അംഗീ​കാ​രം നേടാ​നുള്ള തീരു​മാ​ന​ത്തിൽ നമുക്ക് എങ്ങനെ ഉറച്ചു​നിൽക്കാം?

⁸ ലോക​ത്തി​ന്‍റെ അംഗീ​കാ​രം നേടു​ന്ന​തി​നു പകരം യഹോ​വ​യു​ടെ അംഗീ​കാ​രം നേടാ​നുള്ള നമ്മുടെ തീരു​മാ​ന​ത്തിൽ എങ്ങനെ ഉറച്ചു​നിൽക്കാ​നാ​കും? അതിനു പ്രധാ​ന​പ്പെട്ട രണ്ടു കാര്യങ്ങൾ നമ്മുടെ മനസ്സി​ലു​ണ്ടാ​യി​രി​ക്കണം. ഒന്ന്, തന്നെ വിശ്വ​സ്‌ത​മാ​യി സേവി​ക്കു​ന്ന​വർക്ക് യഹോ​വ​യു​ടെ അംഗീ​കാ​രം എപ്പോ​ഴും ഉണ്ടായി​രി​ക്കും. (എബ്രായർ 6:10 വായി​ക്കുക; എബ്രാ. 11:6) തന്നെ സേവി​ക്കുന്ന ഓരോ വ്യക്തി​യെ​യും യഹോവ വിലയു​ള്ള​വ​നാ​യി​ട്ടാ​ണു കാണു​ന്നത്‌. അവരെ ശ്രദ്ധി​ക്കാ​തി​രി​ക്കു​ന്നത്‌ തന്‍റെ ഭാഗത്തെ ‘അനീതി​യാ​യി​ട്ടാണ്‌’ യഹോവ വീക്ഷി​ക്കു​ന്നത്‌. യഹോവ എല്ലായ്‌പോ​ഴും “തനിക്കു​ള്ള​വരെ അറിയു​ന്നു.” (2 തിമൊ. 2:19) “നീതി​മാ​ന്മാ​രു​ടെ വഴി യഹോവ അറിയു​ന്നു.” അവരെ പരീക്ഷ​ണ​ങ്ങ​ളിൽനിന്ന് എങ്ങനെ രക്ഷിക്ക​ണ​മെ​ന്നും യഹോ​വ​യ്‌ക്ക് അറിയാം.—സങ്കീ. 1:6; 2 പത്രോ. 2:9.

9. തന്‍റെ ജനത്തിനു തന്‍റെ അംഗീ​കാ​ര​മു​ണ്ടെന്ന് യഹോവ ശ്രദ്ധേ​യ​മായ വിധത്തിൽ കാണി​ച്ച​തി​ന്‍റെ ചില ഉദാഹ​ര​ണങ്ങൾ പറയുക.

⁹ തന്‍റെ ജനത്തിനു തന്‍റെ അംഗീ​കാ​ര​മു​ണ്ടെന്ന് യഹോവ ചില അവസര​ങ്ങ​ളിൽ ശ്രദ്ധേ​യ​മായ വിധത്തിൽ കാണി​ച്ചി​ട്ടുണ്ട്. (2 ദിന. 20:20, 29) ചെങ്കട​ലിൽവെച്ച് ദൈവ​ജ​നത്തെ ഫറവോ​ന്‍റെ ശക്തമായ സൈന്യ​ത്തി​ന്‍റെ കൈയിൽനിന്ന് രക്ഷിച്ച സംഭവം ഇതിന്‌ ഒരു ഉദാഹ​ര​ണ​മാണ്‌. (പുറ. 14:21-30; സങ്കീ. 106:9-11) ഇതു പരക്കെ അറിയ​പ്പെട്ട സംഭവ​മാ​യ​തു​കൊണ്ട് 40 കൊല്ലം കഴിഞ്ഞി​ട്ടും ആളുകൾ ഇതെക്കു​റിച്ച് പറയു​മാ​യി​രു​ന്നു. (യോശു. 2:9-11) യഹോവ തന്‍റെ സ്‌നേ​ഹ​വും ശക്തിയും പ്രകട​മാ​ക്കിയ ഇത്തരം സംഭവ​ങ്ങ​ളെ​ക്കു​റിച്ച് ഓർക്കു​ന്നത്‌, വളരെ​ക്കാ​ലം മുമ്പേ മുൻകൂ​ട്ടി​പ്പറഞ്ഞ മാഗോ​ഗി​ലെ ഗോഗി​ന്‍റെ ആക്രമ​ണത്തെ നേരി​ടു​മ്പോൾ നമുക്ക് എത്ര ധൈര്യം പകരും! (യഹ. 38:8-12) ലോക​ത്തി​ന്‍റെ അംഗീ​കാ​ര​ത്തി​നു പകരം, ദൈവ​ത്തി​ന്‍റെ അംഗീ​കാ​രം നേടാൻ ശ്രമി​ച്ചത്‌ എത്ര നന്നാ​യെന്ന് അപ്പോൾ നമുക്കു ബോധ്യ​മാ​കും.

10. യഹോവ അംഗീകാരം നൽകു​ന്നതു സംബന്ധിച്ച് നമ്മൾ മനസ്സിൽപ്പി​ടി​ക്കേണ്ട രണ്ടാമത്തെ കാര്യം എന്താണ്‌?

¹⁰ നമ്മൾ മനസ്സിൽപ്പി​ടി​ക്കേണ്ട പ്രധാ​ന​പ്പെട്ട രണ്ടാമത്തെ കാര്യം ഇതാണ്‌: ചില​പ്പോൾ നമ്മൾ ഒരിക്ക​ലും പ്രതീ​ക്ഷി​ക്കാത്ത വിധങ്ങ​ളിൽ യഹോവ നമുക്ക് അംഗീ​കാ​രം തന്നേക്കാം. മനുഷ്യ​രെ കാണി​ക്കു​ന്ന​തി​നു​വേണ്ടി മാത്രം നല്ല പ്രവൃ​ത്തി​കൾ ചെയ്യു​ന്ന​വർക്ക് യഹോ​വ​യിൽനിന്ന് ഒരു പ്രതി​ഫ​ല​വും കിട്ടു​ക​യി​ല്ലെന്നു യേശു പറഞ്ഞു. എന്തു​കൊണ്ട്? മറ്റുള്ളവരിൽനിന്നുള്ള പുകഴ്‌ചയാണ്‌ അവർക്കുള്ള പ്രതി​ഫലം. (മത്തായി 6:1-5 വായി​ക്കുക.) എന്നാൽ, മറ്റുള്ള​വർക്കു​വേണ്ടി ചെയ്യുന്ന നല്ല കാര്യ​ങ്ങൾക്ക് അർഹി​ക്കുന്ന അംഗീ​കാ​രം കിട്ടാത്ത ആളുകളെ യഹോവ ശ്രദ്ധി​ക്കു​ന്നു, ഓരോ​രു​ത്തർക്കും അവരുടെ പ്രവൃ​ത്തി​ക്ക​നു​സ​രിച്ച് പ്രതി​ഫലം കൊടു​ക്കു​ക​യും ചെയ്യും. കാരണം തന്‍റെ പിതാവ്‌ ‘രഹസ്യ​ത്തി​ലു​ള്ള​തും കാണു​ന്നു​ണ്ടെന്നു’ യേശു പറഞ്ഞു. എന്നാൽ ചില​പ്പോൾ നമ്മൾ തീരെ പ്രതീ​ക്ഷി​ക്കാത്ത രീതി​യി​ലാ​യി​രി​ക്കും യഹോവ പ്രതി​ഫലം തരുക. ചില ഉദാഹ​ര​ണങ്ങൾ നോക്കാം.

11. മറിയ എന്ന യുവതി​ക്കു തന്‍റെ അംഗീ​കാ​ര​മു​ണ്ടെന്ന് യഹോവ എങ്ങനെ​യാ​ണു കാണി​ച്ചത്‌?

¹¹ ദൈവ​പു​ത്രൻ ഭൂമി​യിൽ ജനിക്കാൻ സമയമാ​യ​പ്പോൾ ആ ശിശു​വി​ന്‍റെ അമ്മയാ​കാ​നുള്ള വിശി​ഷ്ട​പ​ദ​വിക്ക് യഹോവ തിര​ഞ്ഞെ​ടു​ത്തതു മറിയ എന്ന താഴ്‌മ​യുള്ള കന്യക​യെ​യാണ്‌. യരുശ​ലേം നഗരത്തിൽനി​ന്നും അതിലെ പ്രൗഢ​ഗം​ഭീ​ര​മായ ആലയത്തിൽനി​ന്നും അകലെ നസറെത്ത്‌ എന്ന ചെറു​പ​ട്ട​ണ​ത്തി​ലാ​ണു മറിയ ജീവി​ച്ചി​രു​ന്നത്‌. (ലൂക്കോസ്‌ 1:26-33 വായി​ക്കുക.) എന്തു​കൊ​ണ്ടാണ്‌ ഈ പദവിക്കു മറിയയെ തിര​ഞ്ഞെ​ടു​ത്തത്‌? മറിയ​യോ​ടു ‘ദൈവ​ത്തി​നു പ്രീതി തോന്നി​യെന്ന്’ ഗബ്രി​യേൽ ദൂതൻ മറിയ​യോ​ടു പറഞ്ഞു. മറിയ​യു​ടെ ആത്മീയ​ത​യു​ടെ ആഴം ബന്ധുവായ എലിസ​ബ​ത്തു​മാ​യുള്ള മറിയ​യു​ടെ സംഭാ​ഷ​ണ​ത്തിൽനിന്ന് നമുക്കു മനസ്സി​ലാ​ക്കാ​നാ​കും.  (ലൂക്കോ. 1:46-55) അതെ, യഹോവ മറിയയെ നിരീ​ക്ഷി​ക്കു​ന്നു​ണ്ടാ​യി​രു​ന്നു, വിശ്വ​സ്‌ത​യാ​യി​രു​ന്ന​തു​കൊണ്ട് ഒട്ടും പ്രതീ​ക്ഷി​ക്കാത്ത ഈ പദവി കൊടുത്ത്‌ യഹോവ മറിയയെ അനു​ഗ്ര​ഹി​ക്കു​ക​യും ചെയ്‌തു.

12, 13. ജനനസ​മ​യ​ത്തും 40 ദിവസം കഴിഞ്ഞ് ആലയത്തിൽ കൊണ്ടു​പോ​യ​പ്പോ​ഴും എങ്ങനെ​യാ​ണു യേശു​വിന്‌ അംഗീ​കാ​രം ലഭിച്ചത്‌?

¹² യേശു​വി​ന്‍റെ ജനനവാർത്ത യരുശ​ലേ​മി​ലെ​യും ബേത്ത്‌ലെ​ഹെ​മി​ലെ​യും പ്രമാ​ണി​മാ​രെ​യോ അധികാ​രി​ക​ളെ​യോ അല്ല യഹോവ അറിയി​ച്ചത്‌. പകരം ബേത്ത്‌ലെ​ഹെ​മി​നു പുറത്ത്‌ ആടുകളെ മേയി​ച്ചു​കൊ​ണ്ടി​രുന്ന എളിയ​വ​രായ ഇടയന്മാർക്കാ​ണു ദൂതന്മാർ പ്രത്യ​ക്ഷ​പ്പെ​ട്ടത്‌. (ലൂക്കോ. 2:8-14) ഈ ഇടയന്മാർ ഉടനെ ശിശു​വി​നെ കാണാൻ ചെന്നു. (ലൂക്കോ. 2:15-17) യേശു​വിന്‌ ഈ വിധത്തിൽ ബഹുമതി കിട്ടു​ന്നതു കണ്ടപ്പോൾ മറിയ​യും യോ​സേ​ഫും എത്രമാ​ത്രം ആശ്ചര്യ​പ്പെ​ട്ടു​കാ​ണും! യഹോവ കാര്യങ്ങൾ ചെയ്യുന്ന വിധവും പിശാച്‌ കാര്യങ്ങൾ ചെയ്യുന്ന വിധവും തമ്മിലുള്ള വ്യത്യാ​സം ശ്രദ്ധി​ക്കുക. യേശു​വി​നെ​യും മാതാ​പി​താ​ക്ക​ളെ​യും സന്ദർശി​ക്കാൻ സാത്താൻ ജ്യോ​ത്സ്യ​ന്മാ​രെ അയച്ച​പ്പോൾ യരുശ​ലേ​മി​ലുള്ള എല്ലാവ​രും യേശു​വി​ന്‍റെ ജനന​ത്തെ​ക്കു​റിച്ച് കേട്ട് പരി​ഭ്ര​മി​ച്ചു. (മത്താ. 2:3) യേശു​വി​ന്‍റെ ജനന​ത്തെ​ക്കു​റി​ച്ചുള്ള വാർത്ത ഈ രീതി​യിൽ ഇത്ര വിപു​ല​മാ​യി വ്യാപി​ച്ചതു നിഷ്‌ക​ള​ങ്ക​രായ കുഞ്ഞു​ങ്ങ​ളു​ടെ മരണത്തി​ലാ​ണു കൊണ്ടു​ചെ​ന്നെ​ത്തി​ച്ചത്‌.—മത്താ. 2:16.

¹³ യേശു ജനിച്ച് 40 ദിവസം കഴിഞ്ഞ് യരുശ​ലേ​മി​ലെ ആലയത്തിൽ പോയി മറിയ യാഗമർപ്പി​ക്ക​ണ​മാ​യി​രു​ന്നു. അതിനു​വേണ്ടി ബേത്ത്‌ലെ​ഹെ​മിൽനിന്ന് ഒൻപതു കിലോ​മീ​റ്റർ അകലെ​യുള്ള യരുശ​ലേ​മി​ലേക്കു മറിയ​യും യോ​സേ​ഫും ശിശു​വി​നെ​യും​കൊണ്ട് പോയി. (ലൂക്കോ. 2:22-24) ഭാവി​യിൽ യേശു വഹിക്കാ​നി​രി​ക്കുന്ന പങ്കി​നെ​ക്കു​റിച്ച് അവി​ടെ​യുള്ള പുരോ​ഹി​തൻ എന്തെങ്കി​ലും പ്രത്യേ​കിച്ച് പറയു​മോ എന്നു യാത്ര​യ്‌ക്കി​ടെ മറിയ ചിന്തി​ച്ചി​രി​ക്കാം. യേശു​വി​നു ബഹുമതി ലഭിക്കു​ക​തന്നെ ചെയ്‌തു. എങ്ങനെ? ശിശു വാഗ്‌ദ​ത്ത​മി​ശിഹ അഥവാ ക്രിസ്‌തു ആകു​മെന്ന് “നീതി​മാ​നും ദൈവ​ഭ​ക്ത​നും” ആയ ശിമെ​യോ​നെ​യും 84 വയസ്സുള്ള വിധവ​യായ അന്നയെ​യും ഉപയോ​ഗി​ച്ചാണ്‌ യഹോവ പ്രഖ്യാ​പി​ച്ചത്‌. ഈ വിധത്തിൽ യേശു​വി​നു ബഹുമതി കിട്ടു​മെന്നു മറിയ ഒട്ടും പ്രതീ​ക്ഷി​ച്ചു​കാ​ണില്ല.—ലൂക്കോ. 2:25-38.

14. എന്ത് അനു​ഗ്ര​ഹ​ങ്ങ​ളാ​ണു മറിയ​യ്‌ക്കു യഹോ​വ​യിൽനിന്ന് ലഭിച്ചത്‌?

¹⁴ മറിയ​യു​ടെ കാര്യ​മോ? തന്‍റെ മകനെ വിശ്വ​സ്‌ത​ത​യോ​ടെ പരിപാ​ലിച്ച് വളർത്തി​ക്കൊ​ണ്ടു​വ​ന്ന​തി​നു മറിയ​യ്‌ക്ക് അർഹി​ക്കുന്ന അംഗീ​കാ​രം യഹോവ തുടർന്നും കൊടു​ത്തോ? ഉവ്വ്. മറിയ​യു​ടെ വാക്കു​ക​ളും പ്രവൃ​ത്തി​ക​ളും ബൈബി​ളിൽ രേഖ​പ്പെ​ടു​ത്താൻ യഹോവ ഇടയാക്കി. യേശു​വി​ന്‍റെ മൂന്നര വർഷം നീണ്ട ശുശ്രൂ​ഷ​ക്കാ​ലത്ത്‌ മകന്‍റെ​കൂ​ടെ സഞ്ചരി​ക്കാൻ മറിയ​യ്‌ക്കു സാധി​ച്ചു​കാ​ണില്ല. വിധവ​യാ​യ​തു​കൊണ്ട് ഒരുപക്ഷേ മറിയ​യ്‌ക്കു നസറെ​ത്തിൽത്തന്നെ കഴി​യേ​ണ്ടി​വ​ന്നി​രി​ക്കാം. മറ്റു പലരെ​യും​പോ​ലെ യേശു​വി​ന്‍റെ​കൂ​ടെ പ്രവർത്തി​ക്കാൻ സാധി​ച്ചി​ല്ലെ​ങ്കി​ലും യേശു​വി​ന്‍റെ മരണസ​മ​യത്ത്‌ മകന്‍റെ അടുത്തു​ണ്ടാ​യി​രി​ക്കാൻ മറിയ​യ്‌ക്കു കഴിഞ്ഞു. (യോഹ. 19:26) പെന്തി​ക്കോ​സ്‌ത്‌ ദിവസം ശിഷ്യ​ന്മാ​രു​ടെ മേൽ പരിശു​ദ്ധാ​ത്മാ​വി​നെ പകരു​ന്ന​തി​നു മുമ്പുള്ള ദിവസ​ങ്ങ​ളിൽ മറിയ ശിഷ്യ​ന്മാ​രോ​ടൊ​പ്പം യരുശ​ലേ​മി​ലു​ണ്ടാ​യി​രു​ന്നു. (പ്രവൃ. 1:13, 14) പെന്തി​ക്കോ​സ്‌ത്‌ ദിവസം മറ്റുള്ള​വ​രോ​ടൊ​പ്പം മറിയ​യും പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ടി​രി​ക്കാം. അങ്ങനെ​യെ​ങ്കിൽ യേശു​വി​നോ​ടൊ​പ്പം എന്നെന്നും സ്വർഗ​ത്തി​ലാ​യി​രി​ക്കാ​നുള്ള പദവി മറിയ​യ്‌ക്കു ലഭിച്ചി​രി​ക്കും. വിശ്വ​സ്‌ത​സേ​വ​ന​ത്തി​നുള്ള എത്ര മഹത്തായ പ്രതി​ഫലം!

15. യേശു ഭൂമി​യി​ലാ​യി​രു​ന്ന​പ്പോൾ, യഹോവ എങ്ങനെ​യാ​ണു പുത്രനു തന്‍റെ അംഗീ​കാ​ര​മു​ണ്ടെന്നു കാണി​ച്ചത്‌?

¹⁵ തന്‍റെ നാളിലെ മത-രാഷ്‌ട്രീയ നേതാ​ക്ക​ന്മാ​രിൽനി​ന്നുള്ള അംഗീ​കാ​രം യേശു ഒട്ടും ആഗ്രഹി​ച്ചില്ല. എന്നാൽ മൂന്ന് അവസര​ങ്ങ​ളിൽ തന്നെ അംഗീ​ക​രി​ച്ചു​കൊണ്ട് സ്വർഗ​ത്തിൽനിന്ന് യഹോവ നേരിട്ട് സംസാ​രി​ച്ചതു കേട്ട​പ്പോൾ യേശു​വിന്‌ എത്ര പ്രോ​ത്സാ​ഹനം തോന്നി​ക്കാ​ണും! യേശു യോർദാൻ നദിയിൽ സ്‌നാ​ന​മേറ്റ്‌ കഴിഞ്ഞ ഉടനെ യഹോവ ഇങ്ങനെ പറഞ്ഞു: “ഇവൻ എന്‍റെ പ്രിയ​പു​ത്രൻ, ഇവനിൽ ഞാൻ പ്രസാ​ദി​ച്ചി​രി​ക്കു​ന്നു.” (മത്താ. 3:17) യേശു​വി​നെ​ക്കൂ​ടാ​തെ സാധ്യ​ത​യ​നു​സ​രിച്ച് സ്‌നാ​പ​ക​യോ​ഹ​ന്നാൻ മാത്രമേ ആ വാക്കുകൾ കേട്ടു​കാ​ണു​ക​യു​ള്ളൂ. യേശു​വി​ന്‍റെ മരണത്തിന്‌ ഏതാണ്ട് ഒരു വർഷം മുമ്പ് മൂന്ന് അപ്പോ​സ്‌ത​ല​ന്മാർ യഹോവ യേശു​വി​നെ​ക്കു​റിച്ച് പറഞ്ഞ ഈ വാക്കുകൾ കേട്ടു: “ഇവൻ എന്‍റെ പ്രിയ​പു​ത്രൻ. ഇവനിൽ ഞാൻ പ്രസാ​ദി​ച്ചി​രി​ക്കു​ന്നു. ഇവൻ പറയു​ന്നതു ശ്രദ്ധി​ക്കണം.” (മത്താ. 17:5) അവസാ​ന​മാ​യി,  യേശു​വി​ന്‍റെ മരണത്തിന്‌ ഏതാനും ദിവസ​ങ്ങൾക്കു മുമ്പ് യഹോവ സ്വർഗ​ത്തിൽനിന്ന് തന്‍റെ മകനോ​ടു വീണ്ടും സംസാ​രി​ച്ചു.—യോഹ. 12:28.

16, 17. പ്രതീ​ക്ഷ​കളെ കടത്തി​വെ​ട്ടുന്ന വിധത്തിൽ യഹോവ എങ്ങനെ​യാ​ണു യേശു​വി​നു ബഹുമതി കൊടു​ത്തത്‌?

¹⁶ ദൈവ​നി​ന്ദകൻ എന്ന വ്യാജാ​രോ​പ​ണ​ത്തി​ന്‍റെ പേരിൽ ലജ്ജാക​ര​മായ ഒരു മരണമാ​ണു തന്നെ കാത്തി​രി​ക്കു​ന്ന​തെന്ന് അറിഞ്ഞി​ട്ടും തന്‍റെ ഇഷ്ടമല്ല, യഹോ​വ​യു​ടെ ഇഷ്ടം നടക്കട്ടെ എന്നാണു യേശു പ്രാർഥി​ച്ചത്‌. (മത്താ. 26:39, 42) യേശു ‘അപമാനം വകവെ​ക്കാ​തെ ദണ്ഡനസ്‌തം​ഭ​ത്തി​ലെ മരണം സഹിച്ചു.’ ലോക​ത്തി​ന്‍റെ അംഗീ​കാ​രമല്ല, പിതാ​വി​ന്‍റെ അംഗീ​കാ​രം മാത്ര​മാണ്‌ ആഗ്രഹി​ക്കു​ന്ന​തെന്നു യേശു അങ്ങനെ കാണിച്ചു. (എബ്രാ. 12:2) യഹോവ എങ്ങനെ​യാ​ണു തന്‍റെ അംഗീ​കാ​രം പ്രകടി​പ്പി​ച്ചത്‌?

¹⁷ സ്വർഗ​ത്തിൽ പിതാ​വി​ന്‍റെ അടുത്ത്‌ മുമ്പ് തനിക്കു​ണ്ടാ​യി​രുന്ന മഹത്ത്വം വീണ്ടും തരേണമേ എന്നാണു ഭൂമി​യിൽവെച്ച് യേശു അപേക്ഷി​ച്ചത്‌. (യോഹ. 17:5) അതിൽക്കൂ​ടു​തൽ മഹത്ത്വം യേശു ആഗ്രഹിച്ചതായി സൂചനയൊന്നുമില്ല. സ്വർഗത്തിൽ ചെല്ലു​മ്പോൾ ‘സ്ഥാനക്ക​യറ്റം’ കിട്ടണ​മെന്നു യേശു പ്രതീ​ക്ഷി​ച്ചില്ല. എന്നാൽ യഹോവ എന്താണു ചെയ്‌തത്‌? പ്രതീ​ക്ഷ​ക​ളെ​യെ​ല്ലാം കടത്തി​വെ​ട്ടുന്ന വിധത്തിൽ യഹോവ യേശു​വി​നു ബഹുമതി കൊടു​ത്തു. യേശു​വി​നെ പുനരു​ത്ഥാ​ന​പ്പെ​ടു​ത്തി “മുമ്പ​ത്തെ​ക്കാൾ ഉന്നതമായ ഒരു സ്ഥാന​ത്തേക്ക്” ഉയർത്തു​ക​യും അതുവരെ മറ്റാർക്കും ലഭിച്ചി​ട്ടി​ല്ലാത്ത അമർത്യ​ജീ​വൻ കൊടു​ക്കു​ക​യും ചെയ്‌തു. * (ഫിലി. 2:9; 1 തിമൊ. 6:16) യേശു​വി​ന്‍റെ വിശ്വ​സ്‌ത​മായ ജീവി​ത​ഗ​തി​ക്കുള്ള എത്ര മഹത്തായ അംഗീ​കാ​രം!

18. ഈ ലോക​ത്തി​ന്‍റെ അംഗീ​കാ​രം നേടാൻ ശ്രമി​ക്കു​ന്നത്‌ ഒഴിവാ​ക്കാൻ ഏതു കാര്യങ്ങൾ മനസ്സിൽപ്പി​ടി​ക്കു​ന്നതു സഹായി​ക്കും?

¹⁸ ഈ ലോക​ത്തി​ന്‍റെ അംഗീ​കാ​രം നേടാൻ ശ്രമി​ക്കു​ന്നതു നമുക്ക് എങ്ങനെ ഒഴിവാ​ക്കാം? ഇക്കാര്യ​ങ്ങൾ മറക്കാതെ മനസ്സിൽപ്പി​ടി​ക്കാം: വിശ്വ​സ്‌ത​ദാ​സർക്ക് എപ്പോ​ഴും യഹോ​വ​യു​ടെ അംഗീ​കാ​ര​മു​ണ്ടാ​യി​രി​ക്കും. അതു​പോ​ലെ, മിക്ക​പ്പോ​ഴും അവർ ഒരിക്ക​ലും പ്രതീ​ക്ഷി​ക്കാത്ത വിധങ്ങ​ളി​ലാ​യി​രി​ക്കും യഹോവ അംഗീ​കാ​രം കൊടു​ക്കു​ന്നത്‌. എന്തൊക്കെ അനു​ഗ്ര​ഹ​ങ്ങ​ളാ​ണു ഭാവി​യിൽ നമ്മളെ കാത്തി​രി​ക്കു​ന്ന​തെന്ന് ആർക്കും സങ്കൽപ്പി​ക്കാൻപോ​ലും കഴിയില്ല! എന്നാൽ ഈ ദുഷ്ട​ലോ​ക​ത്തിൽ ജീവി​ക്കു​ന്നി​ട​ത്തോ​ളം നമുക്കു കഷ്ടപ്പാ​ടു​ക​ളും പരി​ശോ​ധ​ന​ക​ളും നേരി​ടേ​ണ്ടി​വ​രും. അപ്പോ​ഴെ​ല്ലാം ഒരു കാര്യം ഓർത്തി​രി​ക്കണം: ഈ ലോക​വും അതു വാഗ്‌ദാ​നം ചെയ്യുന്ന ഏത്‌ അംഗീ​കാ​ര​വും പെട്ടെ​ന്നു​തന്നെ നീങ്ങി​പ്പോ​കും. (1 യോഹ. 2:17) പക്ഷേ, സ്‌നേഹം നിറഞ്ഞ നമ്മുടെ പിതാ​വായ യഹോവ ‘നമ്മൾ ദൈവ​നാ​മ​ത്തോ​ടു കാണി​ക്കുന്ന സ്‌നേ​ഹ​വും നമ്മൾ ചെയ്യുന്ന സേവന​വും മറന്നു​ക​ള​യാൻ അനീതി​യു​ള്ള​വനല്ല.’ (എബ്രാ. 6:10) അതെ, യഹോവ നമ്മളോ​ടു പ്രീതി കാണി​ക്കും, ഒരുപക്ഷേ നമുക്കു സങ്കൽപ്പി​ക്കാൻപോ​ലും കഴിയാത്ത വിധങ്ങ​ളിൽ!