1, 2. Di nyaka re make ying gore mahlo ya rune ma sa tloge ga Jehova?

LEPHELO gana byalo le “sasamela ka matla” tso go ‘thatafang go lebana nalo,’ fote lephelo le sa nyoko befa mo matšatši ma kene ma belegana go šinye go segela go beba ga mannete ho lefaseng. (2 Thim. 3:1) Byalo re maka gabutši mo re tiputsisa gore, ‘Mo ke sa di tšibi gore nka kena kakaye, ke lebelela kaye?’ Re ka fetola re biye re sa kamake gore, “Ga Jehova,” fote yone ke phetolo ya gabutši ka matla.

² Mo ba re motho o lebelele ga Jehova, ba ra mo a maka ying? Re ka maka byang gore mahlo ya rune ma dule ma gorolele yene le mo re gahlana le tsa go re phika ho lephelong? Botala ku, mopisalema o yye a bolabola taba ye nngwana a šupetsa gore re ye ga Jehova ho re sa sa tšiba gore re ka kena kakaye. (Bala Pisalema 123:1-4.) Taba yowa ya go ya ga Jehova ho re na le tso di re phiriketsang o yi tshwanisiye le mo sebereki se ya ga mong wa sona mo se na le tsa go se hlopa. Mopisalema ke mo a ra byang mo a reyano? Nnete ke gore sebereki sowa a se bolabole le mong wa sona mo se nyaka tsa go ja fela kela mo se nyaka go koramediwa, di nyaka se dule se bolabola le mong wa sona gore a thogo bona tso se di hlokang ke mokane a se gelepe. Le rune di nyaka ka moka matšatši re  sekele ka ku Lentsung la Modimo gore re tšibe tso Jehova a di nyakang ga ye mongwana le ye mongwana wa rune, ke mokane re make tsotsone. Ho re maka tsotsone, re ko di boneng mo Jehova a re gelepa mo re hlopa ke tse dingwana.—Maef. 5:17.

3. Re ka tlonya king wa kraya mahlo ya rune ma tlugiye ga Jehova?

³ Le mo re di tšiba tsa gore ga Jehova yene re mo ngangarele, go ka fo nyarela tse dingwana tsa go re tlonya. Tsotsone di yye tsa makegela le monghana wa Jeso, ye ba reng ke Mata. O phiriketsannye ke go hlwa a “tshwaraganne le mmereko wa go tlala.” (Luka 10:40-42) Mo dilo tsa mošaga wonone di makegiye le ga motho wa go tshepega a kene a le gana ho thina ga Jeso, re sa makale mo di ka makega le ga rune. Byalo mara re ka tlonya king wa kraya mahlo ya rune ma tlugiye ga Jehova? Mo ga hlogotaba yowa, re nyoko tšhuta gore dilo tso di makang ke ba bangwana di ka šinya di re tlonya ka mokg’o mang. Re nyoko tšhuta le gore re ka maka byang gore mahlo ya rune ma sa tloge ga Jehova.

4. Ke ntaba di makatsa tsa gore Moše o šitegiye go kena Lefaseng lo ne le Tshepisiwwe?

⁴ Moše ke mo a ya ga Jehova mo a nyaka go yetetsiwa. Gabutšibutši, “o yye a yema a sa thogathoge tsa nkare o bona Yela wa go sa bonale.” (Bala Maheberu 11:24-27.) Baebele yi re botsa gore “aa šiyo le ka wweši moporofeta ye a yyeng a tshwana le Moše Israyeleng, wa gore ke mo a yye a bonana le Jehova ka mahlo.” (Dot. 34:10) Moše ke mo go le monghana wa Jehova ye mogolo, mara tsa go kena ga Lefase lo le Tshepisiwweng di yye tsa šaša, a sa kene. (Num. 20:12) Anthe mara Moše o ro ghula king?

5-7. Go nyarele ntshetshere ya mošaga mang nakwela go se botala Maisrayele ma tlugiye Egepita, mara Moše o yye a yi bereka byang?

⁵ Bowa ba Maisrayele ke mo ba soko fetsa dikgwedi ka dipedi ba tlugiye mo go makega taba ye nngwana ye kgolo—le Thabeng ya Sinayi ke mo ba soko segela. Ba yye ba thomisa go kokola ba re ba wonngwe meetši. Ba kenela Moše ba nghonghora ka yene, le yene a kwa di šele di mo phirwa, a šinya a llela Jehova a re: “Ke make ying mara ka batho bo? Ka gore ba ko šinya ba mpshaya ka matlapa!” (Ek. 17:4) Jehova o yye a fetola Moše, a mmotsa gabutši gore a make ying. Ke mo a butsiwwe gore a tseye thoka yage a teye letlapa la ku Horebe, ke mokane ke mo le nyoko tšwa meetši ya go tlala. Re bala ka mokg’o: “Moše a maka ka mokg’onone a lebelele ke banna ba bagolo ba Israyele.” Maisrayele ma yye ma nwa ma kgolwa, gwa sa sa kokola motho.—Ek. 17:5, 6.

⁶ Baebele yi re botsa tse dingwana, gore Moše “o yye a reyela poleke yone lebitso a re ke Meriba le Masa ka taba la go kokola ga Maisirayele le ka taba la gore ma yye ma lebela Jehova ma re: ‘Ayitsano Jehova o sa le gona ho ga rune?’” (Ek. 17:7) Mabitso yane ke mo ma le gabutši ka taba la gore ma ra “Go Leba” le “Go Kokola.”

⁷ Jehova o yitseri king ka tso di makegiyeng ku Meriba? Ke mo a bona nkare bowa ba Maisrayele a ba tshepe gore ke yene Modimo, ke mo ba sa dhelele Moše a ntoši. (Bala Pisalema 95:8, 9.) Maisrayele yawa ka nnete ke mo ma fokogiye. Moše aa jikajika, o yye a napa a lebelela Jehova gore yene a mo yetetse, a boya a maka tsetsela di hlayyeng ke Jehova.

8. Go nyarele ntshetshere ya mošaga mang nako tsela Maisirayele ma kene ma talaganya ku mašahleng ka 40 ya mongwaga?

⁸ Mara byalo, go yye gwa makega ying mo go nyarela taba ya mohlobo wonone mo go šele go nyoko fela 40 ya mongwaga ba le ku mašahleng? Maisirayele ma tiponne ma šele ma le ga poleke yenela ba reng ke Meriba. Mara mowa ke mo go le thoko ye nngwana, thina ga Kadeshe, mo go kgerang poleke  yone le Lefase lo le Tshepisiwweng. * Le gana mone, Maisirayele ma yye ma kokola ka meetši. (Num. 20:1-5) Mara yowa ga Moše yi mo phiriketsannye.

9. Moše ke mo ba mmutsiye gore a make ying, mara yene a maka ying? (Lebelela sethombhe sa ku mathomisong.)

⁹ Byalo Moše o makiye byang mo ba thomisa go toyatoya? Gana hone fote o yye a lebelela Jehova gore a mo yetetse. Mara tsa gana byalo Jehova aa hlaya gore a teye letlapa. Moše ba yitseri a tseye thoka yage, a bitse batho ba tle ba yeme thina ga letlapa le legolo ke mokane a bolabole le letlapa lone. (Dip. 20:6-8) Mara Moše aa bolabola le letlapa lela. O yye a lakatsanya batho bala a kwatiye, a re: “Theetselaneng howa lune ba dihlogo tsa go woma! Le nyaka re le ntshela meetši ho ga letlapa lowa?” Ke mokane a teya letlapa lela, aa le teya ga ggoši, o le teyye gabedi.—Dip. 20:10, 11.

10. Tso Moše a di makiyeng di yye tsa mo tshwara byang ga Jehova?

¹⁰ Moše o yye a kwatisa Jehova ka matla. (Dot. 1:37; 3:26) Ke ntaba Jehova a makiye ka mokg’onone? Di tlele dilo tso di ka fo bang di makegiye. Jehova a ka fo ba a kwatisiye ke tsetsela di bolabodiwweng ka ho kgakala tsa gore Moše o makiye tsa go tšiba ke yene, a sa make tso ba sa tšwang go mmotsa tsona.

11. King sa go šupetsa gore mo Moše a teya letlapa lela, o sinyannye mohlolo wa Jehova?

¹¹ Go ka fo ba go makegiye se sengwana fote. Matlapa ya go tlala ku polekeng ya mathomo ya Meriba ke yala ya mohlobo wa maaphutela. Le mo motho a ka ntsha matšhika yage byang kela byang a re o pshaya letlapa lone, a ka sa di kgone go ntsha meetši mone ga lona. Mara, mohlobo wa matlapa ya ku Meriba yowa ya bobedi ke wo mongwana, ga go tlala wona ke yala ya gore a maa tiya ka matla, ma gahlagahlanne le lela le letšhwewu. Ka taba la gore letlapa lowa le letšhwewu le thulega lola, ga go tlala dipoleke tsone di na le meetši ya go tlala ka ku fase ya gore go ka tšwa meetši ya go nwa. Nje a yi gore sosone se makiye gore Moše a sa thanake Jehova nako tsela a teya letlapa lela gabedi le tšwa meetši, batho ba tseya gore ke mo di na di nyoko timakegela? Mo Moše a sa bolabodisi letlapa lone, mara a le teya, ayitsano tsotsone ke mo di sa šupetsi gore o makiye mohlolo wo mongwana wa go sa hlayisege? * Re ka sa nape re di tšiba.

12. Jehova a ka fo ba a kwatisiye king se sengwana ka Moše le Arone?

¹² Taba yona yi gona, yo yi makiyeng gore Jehova a šinye a kwatisa ke Moše le Arone. Gopola gore Moše o yitseri king ga batho bala, o yitseri: “Le nyaka re le ntshela meetši ho ga letlapa lowa?” Mo Moše a šala a berekisa lentsu la gore “re,” di šupa nkare ke mo a ra yene le Arone. Mantsu yane ya Moše ma šupetsiye gabutši gore ke mo a tseyela Jehova fase ka matla, Yene ye a makiyeng mohlolo wone. Pisalema 106:32, 33 yi napa yi kgahlisela gore taba yone yi ka fo ba ka mokg’onone mo yi re: “Ba yye ba Mo lebela ku meetšing ya Meriba, ke mokane dilo tsa sa sepelele Moše gabutši ka taba la bona. Ba mo silikisiye ka matla, a šinya a ntsha tsa go ranya ka ho molomong wage.” * (Dip. 27:14) A go na  taba gore o makiye king, mara tso Moše a di makiyeng di makiye gore go sa thanakiwi Jehova. Mo Jehova a bolabola le Moše le Arone, o yitseri: “Lune ka babedi ga lune a le ya theetsela tso di hlayyeng ke nna.” (Dip. 20:24) Yii, ke mo ba sinnye ka matla!

13. Ke ntaba tso Jehova a di makiyeng Moše go le tsona fote di sa kekema?

¹³ Ka taba la gore Moše le Arone ke mo go le bona ba go yeta batho ba Jehova ka ku mahlong, ye mongwana le ye mongwana ke mo a lebelele bona. (Luka 12:48) Ku nthago, Jehova o yye a ganela Maisrayele go kena Kanana ka taba la gore ke mo ba kokola. (Dip. 14:26-30, 34) Jehova o makiye gabutši fote le mo a yahlola Moše o mo makiye tsetsela tsa go tshwana nabo ka taba la tso a di makiyeng. Le yene o tshwanne le bobone ba go wona dihlogo, ba mo ganele go kena Lefaseng lo le Tshepisiwweng.

14, 15. Moše o makiye king gore a make tsa go tšiba ke yene?

¹⁴ Moše o makiye king gore a fo timakela tsa go tšiba ke yene? Tla re boyeleneng fote ku ga Pisalema 106:32, 33, yi re: “Ba yye ba Mo lebela ku meetšing ya Meriba, ke mokane dilo tsa sa sepelele Moše gabutši ka taba la bona. Ba mo silikisiye ka matla, a šinya a ntsha tsa go ranya ka ho molomong wage.” Le mo Maisrayele ma lebele Jehova, Moše ke yene ye a yyeng a silikisega. O šitegiye go titshwara a fo bolabola a sa naganele gore go nyoko makega ying ka nthago.

¹⁵ Moše o f’lo lesetsa batho ba mo tlonya, a sa sa lebelela Jehova. Taba yela ya mathomisong, Moše o yi lukisiye gabutši. (Ek. 7:6) Ke mo go šele go le botala ka matla a yisana tlase le kgakala le Maisrayele yawa ya go woma dihlogo, ka nnete di ka makega gore ke mo ba šele ba mo tinisiye le yene a tenne. Ayitsano Moše ke mo a hlopega ka matla ka tso di mo tinisiyeng, a sa sa hlopega ka go thanaka Jehova?

16. Ke ntaba di nyaka le rune re nagane ka tso di makiyeng ke Moše?

¹⁶ Mo moporofeta wa go tshepega wa go tshwana le Moše di mo phiriketsiye, le ga rune di ka makega. Re tshwana naye ga Moše, go se botala le rune re nyoko kena lefaseng la nyuwane la gore re le tshepisiye ke Jehova. (2 Pet. 3:13) Aa šiyo le ka wwoši ye a nyakang go pumutsa ke tsotsone. Mara mo nkare sosone re nyaka go se segelela, di nyaka re sa tlose mahlo ya rune ga Jehova, ka moka matšatši re nyake go maka so a se nyakang. (1 Joh. 2:17) Re tšhuta ying ga tso di yyeng tsa ghula Moše?

17. Re ka thuša king gore re sa fo lla go kwatakwata?

¹⁷ O sa fo yakgoswa wo silikisega. Le mo o ka fo kraya re ghula ke selo ka ssoši gatleletlele, “tla re sa šepisineng go maka tsa gabutši, ka taba la gore mo go segela nako ya gona, re nyoko tšwa le se sengwana ho re ka sa tene.” (Magal. 6:9; 2 Mathes. 3:13) Ayitsano re tshwara molomo wo wa rune le go leketsa go beba mo re gahlana le tso di makang gore re kwe re tenegiye kela tso re fo tlungwelang ga tsona gatleletlele? (Diy. 10:19; 17:27; Mat. 5:22) Mo ba bangwana ba re lebela, di nyaka re tšhute go “tšhurugela go kwata.” Go kwata ga mang? Go kwata ga Jehova. (Bala Maroma 12:17-21.) Mo re sa lesetse go lebelela Jehova, re nyoko šupetsa gore re hlompa yene mo re tšhurugela go kwata gage, re kene re lefisiye pelo gore a make se sengwana mo a bona nako yi segele. Mo re ka fo maka tsa go tšiba ke rune, go ko ba go le setšha re sa hlompe Jehova.

18. Di nyaka re sa lebale ying ga taba yowa ya go latelela tso re butsiwang tsona?

¹⁸ Mo ba re botsa gore re make ying,  napa o fo maka tsotsone. Ayitsano re ya di berekisa tso tsa gore a yi botala Jehova a re butsiye tsona? Mo re maka ka mokg’onone, di ra gore re ka sa sa maka dilo ka mokg’o ke mo re di maka botala. Re nyoko yakgoswa re maka dilo ka mokana ga tsona tso Jehova a re botsang tsona ka mokgahlo wage. (Maheb. 13:17) Ka thoko ye nngwana, di nyaka re pasope gore ‘re sa make dilo ka go fetelela le tsa gore a di šiyo ka mangwalong.’ (1 Makor. 4:6) Mo re maka tsotsone, re šupetsa gore re dula re lebelele Jehova.

19. Re ka maka byang gore senghana sa rune le Jehova se sa sinyege le mo re kene re bona ba bangwana ba maka tsa go tšiba ke bona?

¹⁹ O sa lesetse tso batho ba di makang tsa go tšiba ke bona di sinya senghana sago le Jehova. Mo re ka fo ya mahlong re lebelele Jehova, re ka sa dumele tso batho ba di makang di re kwatisa kela di sinya senghana sa rune le yene. Sone se bereka ka matla mo nkare le wene ke wene se sengwana ka ho mokgahlong wa Modimo, go tshwana le Moše. Ke nnete gore ka mokana ga rune di nyaka re ‘ye mahlong re berekela go tl’le phoneng, re kene re tšhoga fote re hlagasela,’ di nyaka re sa lebale gore Jehova aa re tokegela melawo ya go roba ya gore a thogo re yahlola gabutši. (Mafil. 2:12) Mara, mo re neyiwwe tsa go tlala, le rune re ntshe tsa go tlala. (Luka 12:48) Mo nkare re ya resa mo re re ga Jehova re mo nyaka ka matla, a se šiyo so se nyoko re phiriketsang kela sa re mamarolla ho gage.—Pis. 119:165; Maroma 8:37-39.

20. Di nyaka re tipotse ying?

²⁰ Ga dinako tsowa tsa go baba, koriyeneng mahlong barena re kene re lebelele ga Ye a “duling setulong sa bogoši magedimong,” gore re thogo tšiba tso a di nyakang. Nkare re ka tipasopa gore go sa be le batho bo ba sinyang senghana sa rune le Jehova. Tso di makegeleng Moše di napa di šihlela gore re tseyele taba yowa hlogong. Tla re lesetseneng go šekela ka dilo tso batho ba re makang tsona, tla re tipotseneng gore re nyaka “mahlo ya rune ma lebelele ga Jehova Modimo wa rune, go šinye go segele mo a re makelang tsa go bafala.”—Pis. 123:1, 2.