Эйе. Кандый да јаан шылтак јогынаҥ турада экӱдеҥ экӱ кожо конгон болзо, бар керелерге тӧзӧлӧнип, јаргыныҥ комитеди тӧзӧлӧт (1 Кор. 6:18).

Кажы ла учурал башка, оныҥ учун јаргыныҥ комитедин тӧзӧӧрдӧҥ озо, аксагалдардыҥ јӧби керектиҥ аайын јазап шиҥдеп јат. Темдектезе, аксагалдар мындый сурактар шӱӱжет: олор туштажып турган ба? Аксагалдар олорго мынаҥ озо бой-бойына канайып баштанып турганы аайынча јӧп берген бе? Нениҥ учун олор экӱге бир турада конорго келишкен? Олор мыны озодоҥ пландаган ба? Мындый айалганы солыйтан арга олордо болгон бо? Эмезе сакыбаган јанынаҥ кандый бир айалга боло берерде, олорго кожо бир турага артарга келишкен бе? (Јарл. 9:11). Олор кайда уйуктаган? Кажы ла учурал башка болуп турарда, аксагалдар оноҥ до ӧскӧ шылтактарды ајаруга алар болор.

Аксагалдардыҥ јӧби ӱзе шылтактарды шӱӱжип кӧрӧлӧ, јаргыныҥ комитедин тӧзӧйтӧн бӧ, јок по деп јӧп чыгарат.