Yes, az lang az di kopl noh ga wahn gud an aanis reezn wai dehn mi en op spen di nait tugeda, di eldaz wuda faam wahn judishal komiti bikaaz di evidens sojes eena wahn schrang way dat dehn mi komit wahn sekshwal sin.—1 Kor. 6:18.

Di badi a eldaz haftu kansida eech sichuwayshan fi si if ih nesiseri fi tek judishal akshan. Fi egzampl, dehn need fi fain owt weda di kopl mi-di ga wahn romantik rilayshanship bifoa han ahn weda dehn mi geh eni kongsl bifoa bowt how dehn bihayv wid wan anada. Aalso, da wat mi leed op tu di fak dat dehn en op di spen di nait tugeda? Dehn mi plan fi du it? Dehn mi ga eni ada opshan er da mi wahn imerjensi? Dehn mi deh eena wahn sichuwayshan weh neva lef dehn wid no ada chois dan fi spen di nait tugeda? (Eccl. 9:11) Wehpaat dehn mi sleep? Sins eech sichuwayshan wahn bee difrent, di eldaz wahn haftu kansida aala di difrent serkomstans.

Afta di badi a eldaz ga aal di faks, dehn wahn disaid weda er nat ih nesiseri fi tek judishal akshan.