Anha, anhein mébuna lubéi hásügürüni guñoun tidan aban muna úara, hadamuridaguba wéiyaaña hama kristiánugu ha lun haguseragüdüniña ladüga anihein lan katei le achoururagüdübalin luagu adüga hamá magíaguni (1 Ko. 6:18).

Akutiha hamuti wéiyaaña kada kesi buidu buidu lun harihini anhein mégeiwa lubéi lun haguserawagüdün íbirigu ha. Kei hénpulu, gadaraduntiña san gürigia ha? Rúaali san eweridihani houn luagu ligaburi hóuseragun hámagua? Ka uagu hásügürei áriebu úara tidan tuguyaméme muna? Adügatiña san aransehani lubá? Magurabuntiña san hásügürüni áriebu úara o ladüga lasuseredun aban katei sódiniti? (Apu. 9:11, TNM). Halía san harumuga? Kei ámuñegueinarügü lan kada kesi, másiñati ñeinbei lan amu katei súdiniti le lunbei hakutihani wéiyaaña.

Danme le aniheinhali sun ariñahani hama wéiyaaña, ábame harihini anhein lunti lubéi haguseragüdüniña íbirigu ha o mama lan mosu hadügüni.