Ih, ẹyekpe ikpe ẹnọ mmọ edieke mîdịghe n̄kpọ emi owo mîkemeke ndinyan̄a akanam mmọ ẹna ufọk kiet, sia ọsọsọn̄ ndinịm ke mmọ ikanamke use.​—1 Cor. 6:18.

Ini ekededi emi utọ n̄kpọ ntem etịbede, akpana otu mbiowo ẹnen̄ede ẹdụn̄ọde kpukpru n̄kpọ man ẹfiọk m̀mê edi se ẹkpede ikpe. Ke uwụtn̄kpọ, ndi mmọ ẹduak ndidọ idemmọ? Ndi ẹma ẹnọnọ mmọ item ẹban̄a nte mmọ mbiba ẹsinamde n̄kpọ ye kiet eken? Nso ikanam mmọ ẹna ufọk kiet eyo esiere? Ndi mmọ ẹma ẹdaduak ndina ufọk kiet okoneyo oro? Ndi itie en̄wen ama odu emi owo mmọ kiet akpakanade? Ndi n̄kpọ emi owo mîkemeke-keme ndinyan̄a m̀mê n̄kpọ emi owo mîkodorike enyịn eketịbe? (Eccl. 9:11) M̀mọ̀n̄ ke mmọ ẹkena? Ekeme ndidu mme akpan n̄kpọ en̄wen emi mbiowo ẹdikerede n̄ko sia se inamde owo enye emi anam n̄kpọ ekeme ndikpụhọde ye se inamde owo en̄wen anam.

Ke mbiowo ẹma ẹkedụn̄ọde kpukpru n̄kpọ, mmọ ẹyebiere m̀mê edi se ẹkpede ikpe ẹnọ mmọ.