Eng, ngkana akea bukina ae riai, e riai ni kateaki te komete ni kaboowi ibukina bwa e korakora kanamakinan ae e a riki iai te wene ni bure.—1Kor. 6:18.

E karaua n rinanon iteran nako te kangaanga aei te rabwata n unimwaane bwa e kainnanoaki te komete ni kaboowi iai ke e aki. N te katoto: A nonoraki naakai ni karekenano? A a tia n anganaki te reirei ni kairiri ibukin aroaroia i marenaia? E aera bwa a tiku n tii ngaiia n te bong? A a kaman iangoia bwa a na karaoa aei? Iai riki te bwai ae a kona ni karaoia ni kaineti ma aei, ke iai bukina ae riai ae tao te bwai ae karina n riki ke te kabuanibwai n te aro ae ai akea riki te bwai ae a kona ni karaoia irarikin are a na tiku n te tairiki anne n tii ngaiia? (TeMin. 9:11) Tera aroia ni matu? Kioina ngkai a kakaokoro kangaanga, e bae n iai bwaai riki ake a kona n iangoi unimwaane.

Imwin rinanoan raoi rongorongo, e na baireia te rabwata n unimwaane bwa e kainnanoaki karaoan te moti ke e aki, ibukia naakai.