Ehe. Ahamiẹn ọiyi emhin kpataki zẹle nin ele da ko ko nowẹ bhi ẹkẹ uwa ọkpa, ọnan dẹ sabọ rẹman ghe ele ko gboghẹ. Bhiriọ, ene ewanlẹn ki zẹ ẹbho eso bhi ẹwẹ ele rẹ talọ ọbhọ.—1 Cor. 6:18.

Emhin nọn dia inian ha sunu, ene ewanlẹn ki manman gbẹlokotọ fẹ emhin rebhe ne sunu ghe nọnsẹn beji ele ha da lẹn si ọ sẹbhi ebe ele ha talọ nyan. Ọkhẹke nin ele zilo nyan ene inọnta nan: Ele ko be zọshọ khẹ? Ene ewanlẹn sẹ ka re adia nin ele khẹ ranmhude uwedẹ nin ele rẹ nin egbe mun obọ? Bẹ sunu nin ele ọkpa da nowẹ bhi ẹkẹ uwa ọkpa? Ele be muegbe mhanmhanlẹn ghe iriọ ele ha lu? Emhin ọbhebhe be ribhọ nin ele ha re lu gbera nin ele rẹ ko nowẹ bhi ẹkẹ uwa ọkpa, la emhin nin ele bha mun egbe khẹ be sunu nan da miẹn ghe, ranmhude ele bha miẹn ebi ele ha lu yẹ, ele da ki ko nowẹ bhi ẹkẹ uwa ọkpa? (Eccl. 9:11) Ijanlẹn ọkpa ele da be nowẹ? Asabọ miẹn emhin ebhebhe yẹ ribhọ nin ene ewanlẹn ha zilo nyan ranmhude kikẹ ọ rẹ sunu.

Ene ewanlẹn ha ki lẹn otọ emhin rebhe ne sunu fo, ele ki tale si emhin nin ene ibhio mhan lu sẹbhi ebe ele ha zẹ ẹbho bhi ẹwẹ ele rẹ talọ nyan.