Ĩĩ, kamitii ya sila no ĩseũvw’e, nũndũ kũkyeewa vamwe ũtukũ mũima mate na kĩtumi kĩseo nĩ ũndũ mũito ũtonya kũtũmĩwa ta ũkũsĩ ũkũĩkĩĩthya kana nĩmekie ũlaalai.—1 Ako. 6:18.

Ĩndĩ ve makũlyo mana nzama ya atumĩa yaĩlĩte kũsũanĩa yakwata ũvoo ta ũsu ĩtanamba kũtw’a ethĩwa kamitii ya sila nĩkũseũvw’a kana ndĩseũvw’a. Kwa ngelekany’o, mo asu meũwetwa nĩ andũ mekwĩvaany’a? Nĩmethwa mela kũnewa ũtao ĩũlũ wa mwĩkalĩle woo yĩla me ĩmwe? Nĩ kyaũ kĩtumie makyeewa ĩmwe me oka? Ũsu nĩ ũndũ manavangĩte kwĩka? Ve ũndũ ũngĩ meĩ meka, kana nĩ ũndũ umĩlile ũtathũkĩĩka? Kwa ngelekany’o, nĩ ũndũ mateĩtaĩe, kana nĩ thĩna mũna ũmakwatie weethĩa no nginya makyeewe me oka? (Mũta. 9:11) Makomangie ata? Na nũndũ maũndũ maivw’ananaa, ve maũndũ angĩ atumĩa matonya kwenda kũmanya matanamba kwĩka ũtwi.

Ĩtina wa kũmanya nesa kĩla kĩendeeie, now’o nzama ya atumĩa ĩtonya kũtw’a kana ũndũ ũsu nũtonya kwĩkalĩlwa nthĩ nĩ kamitii ya sila kana vai vata wa kwĩka ũu.