Joʼkan. Wi maakʼaʼ xyaalal li xbʼaanuhomebʼ, malaj, kʼaʼut xeʼnaʼlebʼak chi joʼkan, tento xxaqabʼankil jun li chʼuut li traqoq aatin saʼ xbʼeenebʼ xbʼaan naq xchʼolaak ru naq xeʼxmux ribʼ (1 Cor. 6:18).

Ebʼ li cheekel winq re li chʼuut nekeʼxtzʼil rix chi timil li junjunq chi naʼlebʼ re xnawbʼal ma txaqabʼamanq jun li chʼuut li traqoq aatin saʼ xbʼeenebʼ. Jun eetalil, ma wankebʼ saʼ sumʼaatin? Ma ak kʼebʼilebʼ xnaʼlebʼ chirix chanru teʼaatinaq chiribʼilebʼ ribʼ? Kʼaʼut xeʼxnumsi li qʼoqyink xjunesebʼ? Ma ak kʼubʼkʼu xbʼaanebʼ? Ma xkʼulmank junaq chʼaʼajkilal malaj nimla rahilal ut saʼ xkʼabʼaʼ aʼan xeʼkanaak saʼ jun chi ochoch? (Ecl. 9:11). Bʼar xeʼwark? Saʼ xkʼabʼaʼ naq moko juntaqʼeet ta li junjunq chi chʼaʼajkilal, maare wanq wiibʼ oxibʼ chik li naʼlebʼ li tento teʼxtzʼil rix ebʼ li cheekel winq.

Naq ak chʼolchʼo chiruhebʼ li cheekel winq li xkʼulmank, teʼxye ma aajel ru naq txaqabʼamanq jun li chʼuut li traqoq aatin malaj inkʼaʼ.