Kachi nge kakweshi vyuma vyambwende vyavalingisanga vasavale hamweko, kaha vatela kuvatungila komiti yakusopa chikumanyi nge kuli unjiho wakusolola nge valinganga ujila.—Koli. 1, 6:18.

Lizavu lyavakulwane lyatela kukekesa kanawa vyuma mangana vamone numba nge vatela kutunga komiti yakusopa chipwe chiku. Chakutalilaho, vatela kulihulisa vihula vino: Uno vatu kana veji kulisesembwanga tahi? Kutala vavahanjikilaho lyehi ngwavo vali nakulikata mujila yayipi tahi? Vyuma muka vyavalingisanga numba vasavale muzuvo yimwe? Uno valivwasananga tahi nyi chiku? Kutala kuliko kweka atelanga kusavala umwe tahi nyi vahonanga mwakulingila? Uno ukalu wakulijila ukiko wavalingisanga tahi? (Kwambu. 9:11) Uno vasavalanga kulihi? Hakuwana nge vyuma kavyalifwanako, shikaho kunahase kupwa vyuma vikwavo vatela kukekesa vakulwane.

Nge lizavu lyavakulwane linakekesa lyehi unjiho wosena, kaha vatela kumona jino numba nge nachipwa chakutamo kutunga komiti yakusopa chipwe chiku.