N-ye. B sã n maana woto tɩ yaool n pa yɩ yel-pakr yĩnga, zoe n yaa bũmb sẽn kɩt tɩ d tõe n tags tɩ b yoome. Dẽnd kãsem-dãmbã segd n lugla bʋ-kaoor sulli, n bʋ yellã.—1 Kor. 6:18.

Yell a woto buudã fãa pʋgẽ, kãsem-dãmbã maagda b yĩng n fees bũmb fãa, n ges sã n sɩd seka b na lugl bʋ-kaoor sulli. Wala makre, neb a yiibã tũuda taab n dat n wa kẽ kãadem bɩ? B ra zoe n paama sagls b manesem sẽn yaa to-to ne taabã wɛɛngẽ bɩ? Sɩnga wãn tɩ b wa tɩ gãand ro-yɛnga? Bãmb n da reng n mag n na n maan rẽ bɩ? B ra tara b sẽn da tõe n maan n da gãand ro-yɛng bɩ? Yaa yel-pakr n zĩndi, tɩ ra lebg tɩlɛ tɩ b gãand ro-yɛng bɩ? (Koɛ. 9:11) Yaa roogã zĩ-bʋg la b gãand-yã? Yɛlã sẽn pa wõnd taabã, tõe tɩ bũmb kẽer me la kãsem-dãmbã na n bao n bãnge.

Yaa kãsem-dãmbã sã n fees yellã woto n bãng a vɩʋʋg la b na n yaool n ges sã n seka b na lugl bʋ-kaoor sulli.