Kemaj. Komo amo onkaya keyej mosenkauaskej ininselti, oloch tayekananij kinixtaliskej seki tayekananij maj kinmelauakan porin onkak tein senkis kinextia ke auilnenkej (1 Cor. 6:18).

Oloch tayekananij kiitaj ika nejmachkayot sejse taman tein panoua uan kiixejekouaj ox moneki kinixtaliskej seki tayekananij akin kinmelauaj tajtakolchiuanij. Kemej neskayot, ¿tokniuj takat uan tokniuj siuat peujkajya moixmatij? ¿Kinyolmajxitijkajya achto porin taman kemej mouikayaj? ¿Keyej mokaujkej ininselti nejon youak? ¿Ipa kiixtalijkajya? ¿Amo uelikok kichiujkej okse taman porin panok teisa tein amo kichiayaj oso se ijsiujkayot, uan yejua ika monekik mokauaskej ininselti? (Ecl. 9:11.) ¿Kani kochkej? Kemej tataman tein panoua, uelis onkas okseki taman tein motelneki tein tayekananij moneki kiitaskej.

Keman tayekananij kiitaj nochi tein kinextia keyej panok, kiixejekoskej ox monekis kinixtaliskej seki tayekananij akin kimelauaskej nejon.