हो, यदि कुनै बाध्यात्मक परिस्थिति वा सँगै बस्नुपर्ने जायज कारण थिएन भने ती दुईले अवैध यौनसम्बन्ध हुन सक्ने वातावरणबीच रात बिताएको हुनाले त्यसको आधारमा न्यायिक समिति खडा गरिन्छ।—१ कोरि. ६:१८.

एल्डरहरूको निकायले प्रत्येक अवस्थाको राम्ररी छानबिन गरिसकेपछि न्यायिक समिति गठन गर्नुपर्छ कि पर्दैन भनेर निर्णय गर्नेछ। जस्तै: के तिनीहरूबीच रोमान्टिक सम्बन्ध थियो? के तिनीहरूले एकअर्कासित गर्ने गरेको व्यवहारको कारण पहिला पनि सल्लाह पाइसकेका छन्‌? तिनीहरूले सँगै रात बिताउनुपर्ने परिस्थिति कसरी सृजना भयो? के तिनीहरूले सँगै रात बिताउने योजना पहिल्यै बनाइसकेका थिए? के तिनीहरूसित अरू कुनै विकल्प थियो वा अचानक आइपरेको परिस्थिति अथवा आपत्‌कालीन अवस्थाले गर्दा अरू कुनै विकल्प नभएकोले सँगै रात बिताउनुपर्ने बाध्यात्मक परिस्थिति थियो कि? (उप. ९:११) त्यहाँ सुत्ने ठाउँको कस्तो प्रबन्ध मिलाइएको थियो? हरेक मामिला परिस्थितिअनुसार फरक हुने भएकोले एल्डरहरूले त्यससित सम्बन्धित अरू कुरा पनि विचार गर्नुपर्ने हुन सक्छ।

सबै तथ्य विचार गरिसकेपछि न्यायिक समिति खडा गर्नुपर्छ कि पर्दैन भनेर एल्डरहरूको निकायले निर्णय गर्नेछ।