Ee, ge e ba go na le mabaka a kwagalago, go tla hlongwa komiti ya boahlodi ka ge go tla be go na le maemo ao a lego molaleng ao a hlatselago gore batho bao ba dirile bootswa.​—1 Bakor. 6:18.

Sehlopha sa bagolo se tla lebeledišiša ka kelohloko boemo bjo bongwe le bjo bongwe go bona ge e ba go nyakega komiti ya boahlodi. Ka mohlala: Na batho bao ba a ratana? Na ba kile ba newa tayo ka baka la tsela yeo ba itshwarago ka yona? Ke maemo afe ao a dirilego gore ba feleletše ba robetše ka ntlong e tee? Na ba be ba rulagantše e sa le pele gore ba robale ka ntlong e tee? Na go be go na le seo ba ka se dirago go phema go robala ka ntlong e tee? Goba na go bile le mabaka a kwagalago ao a ba gapeleditšego go dira seo, mohlomongwe boemo bjo bo sa letelwago goba bja tšhoganetšo? (Mmo. 9:11) Na ba be ba robetše kae, gona bjang? Ka ge maemo a sa swane, go ka ba le dilo tše dingwe tšeo bagolo ba ka swanelwago ke go di lebeledišiša.

Ka morago ga gore bagolo ba ahlaahle ditaba ka botlalo, ba tla dira phetho ya ge e ba taba yeo e nyaka komiti ya boahlodi goba go se bjalo.