Ee, orhianẹ aye a sabu dje oborẹ ọ lẹrherẹ aye semerhẹn ekete owu fiotọre-e, ọnana o djephia taghene aye i vwo ẹhẹn ọfanrhiẹn. Omarana, ekpako ukoko ina sabu ha aye guẹnzọn.—1 Cor. 6:18.

Ekpako na ina dabu ni erhirhiẹ owuowu so, sẹ o fori na ha aye guẹnzọn. Jerẹ udje: Onyerẹnkugbe awanva na o djephia taghene aye i vwo ẹhẹn ọfanrhiẹn? A ghwọghwu aye bi ne sekpahen uruemru aye i vwori rhẹ owuowọnwan? Me yọ lẹrherẹ aye semerhẹn ekete owu? Aye i djẹ iroro ọrana rhotọre bi? O vwo oborẹ aye ina sabu ru bi nẹ aye i kẹnoma rẹn erhirhiẹ na, gbinẹ erhirhiẹ kpregede rọ dabu fiotọre yọ lẹrherẹ aye semerhẹn ekete owu? (Eccl. 9:11) Bọgo aye i semerhẹn? Ra mẹriẹn taghene erhirhiẹ i vẹnẹrẹn na, o fori nẹ ekpako na i ni erhirhiẹ na so vwẹre nẹ aye i ki brorhiẹn.

Ekpako ukoko na i rha dabu ni enana so ne, aye ina sabu brorhiẹn sẹ aye ina ha ihworho na guẹnzọn yanghene a ha aye guẹnzọ-ọn.