Imibuto Levela Kubafundzi
Nangabe bantfu bebulili lobehlukene labangakashadi balala ndzawonye ngaphandle kwetizatfu letivakalako, loko kungaba yini sizatfu lesicinile sekutsi bente sono futsi lendzaba kufanele isingatfwe yikomidi yekwehlulela yini?
Yebo, kulala ndzawonye ngephandle kwesizatfu lesivakalako kubufakazi lobucinile bekutsi batiphetse kabi ngekwelicasi. Ngako nangabe kute tizatfu letivakalako, lendzaba kufanele isingatfwe yikomidi yekwehlulela.—1 Khor. 6:18.
Sigungu salabadzala sihlola simo ngasinye ngekucophelela kuze sincume kutsi kufanele yini kumiswe ikomidi yekwehlulela. Nasi sibonelo: Laba lababili bayatsandzana yini? Labadzala bake babeluleka yini ngendlela labatiphatsa ngayo? Yini lebente balala ndzawonye? Bebavele bakuhlelile yini kutsi batawulala ndzawonye? Bekukhona yini lokunye lebebangakwenta noma bavelelwe simo lesingetulu kwemandla abo lesibaphocelele kutsi balale ndzawonye? (Shu. 9:11) Bebalele kuphi? Njengobe timo tingafani, kungenteka kunaleminye imininingwane labadzala lokufanele bacabangisise ngayo letawutsintsa sincumo labatasenta.
Ngemuva kwekutsi sigungu salabadzala sicabangisise ngayo yonkhe lemininingwane sitawuncuma kutsi kufanele yini kumiswe ikomidi yekwehlulela.
Lokunye Longatsandza Kukuhlola
SICONGOSEKULINDZA —LESIFUNDVWAKO
Imibuto Levela Kubafundzi-April 2022
Litsini liBhayibheli ngekwenta tifungo?
SICONGOSEKULINDZA —LESIFUNDVWAKO
Imibuto Levela Kubafundzi-April 2022
Nangabe umKhristu adivosa umkakhe ngaphandle kwesizatfu lesisemiBhalweni futsi ashade nalomunye, libandla liwutsatsa njani lomshado wakhe lomdzala nalona lomusha?
