అవును, సరైన కారణాలు లేకుండా వాళ్లిద్దరూ మాత్రమే కలిసి రాత్రంతా గడిపితే, వాళ్లు లైంగిక పాపం చేశారనడానికి అదొక బలమైన ఆధారం. కాబట్టి సరైన కారణాలు లేకుండా అలాచేస్తే, న్యాయనిర్ణయ కమిటీ ఏర్పాటు చేయబడుతుంది.—1 కొరిం. 6:18.

న్యాయనిర్ణయ కమిటీని ఏర్పాటు చేయాలా వద్దా అని నిర్ణయించడానికి పెద్దలసభ ప్రతీ పరిస్థితిని జాగ్రత్తగా పరిశీలిస్తుంది. ఉదాహరణకు: వాళ్లిద్దరూ డేటింగ్‌ చేస్తున్నారా? గతంలో వాళ్లిద్దరి ప్రవర్తనను బట్టి పెద్దలు లేఖనాధార సలహా ఇచ్చారా? ఆరోజు రాత్రి ఎందుకు కలిసి ఉండాల్సివచ్చింది? వాళ్లు ముందే పథకం వేసుకున్నారా? వాళ్లు ఆ పరిస్థితిని తప్పించుకునే అవకాశం ఉందా? లేదా ఏదైనా అనుకోని సంఘటన వల్లో, అత్యవసర పరిస్థితి వల్లో అలా ఉండాల్సి వచ్చిందా? (ప్రసం. 9:11) వాళ్లు ఎక్కడ నిద్రపోయారు? వంటివి పెద్దలసభ పరిగణలోకి తీసుకోవాల్సి ఉంటుంది. అన్ని సందర్భాల్లో పరిస్థితి ఒకేలా ఉండదు కాబట్టి పెద్దలు ఇతర విషయాల్ని కూడా పరిగణలోకి తీసుకోవాల్సి రావచ్చు.

వాస్తవాలన్నీ పరిశీలించాక పెద్దలసభ న్యాయనిర్ణయ కమిటీని ఏర్పాటు చేయాలో వద్దో నిర్ణయిస్తుంది.