‘Io, ko e nofo toko ua ‘i he po‘ulí ‘o ‘ikai ha ‘uhinga leleí ko e fakamo‘oni mālohi ia na‘á na fai ha fehokotaki fakasino ta‘etaau. Ko ia ai, tuku kehe kapau ‘oku ‘i ai ha ngaahi ‘uhinga lelei, ‘oku totonu ke fokotu‘u ha kōmiti fakamaau.​—1 Kol. 6:18.

‘Oku fakakaukau‘i fakalelei ‘e he kulupu ‘o e kau mātu‘á ‘a e tu‘unga taki taha ke fakapapau‘i ai pe ‘oku fiema‘u ha kōmiti fakamaau. Ko e fakatātaá: ‘Oku faialea ‘a e ongo me‘á? Kuo akonaki‘i kinaua ‘e he kau mātu‘á ‘i he kuohilí fekau‘aki mo ‘ena tō‘onga fakaekinauá? Ko e hā na‘á na nofo fakataha ai ‘i he po‘ulí? Na‘á na palani ki mu‘a ke fai ‘a e me‘a ko iá? Na‘e ‘i ai ha toe fili ke na fai, pe na‘e hoko ha me‘a na‘e ‘ikai lava ke na mapule‘i, hangē ko e hoko ha me‘a ta‘e‘amanekina pe ko ha me‘a fakavavevave na‘e ‘ikai ai ha toe fili ke na fai ka ko ‘ena nofo fakataha pē ‘i he po‘ulí? (Tml. 9:11) Na‘á na mohe ‘i fē? ‘Oku kehekehe ‘a e tu‘unga taki taha, ko ia ‘e ‘i ai nai ha fakamatala kehe ‘e kaunga ki he fili ‘a e kau mātu‘á.

Hili ‘a e fakakaukau ‘a e kulupu ‘o e kau mātu‘á ki he fakamatalá kotoa, ‘e fakapapau‘i ai pe ‘oku totonu ke fokotu‘u ha kōmiti fakamaau.