Inzya, ikuti kakunyina twaambo tulimvwisya, kkomiti yalubeta ilakonzya kupangwa akaambo kakuti bukkale bupa bumboni busalede bwakuti bwaamu bwakacitwa.—1Kor. 6:18.

Kabunga kabaalu kalalanga-langa bukkale bumwi abumwi kabotu-kabotu kutegwa kabone naa kkomiti yalubeta inga yayandika. Mucikozyanyo: Sena bantu bobilo batakwetene aabo baleebana? Sena kuli nobakapedwe kale lulayo kujatikizya mbobalilemeka nobali bobilo? Ino mbukkale nzi bwakapa kuti boone muŋanda yomwe masiku? Sena bakamvwana kakucili ciindi kuti bacite oobo? Sena kuli ncobakali kukonzya kucita mumakani aayo, naa kwakali twaambo tulimvwisya, ambweni cakacitika cakutayeeyelwa naa kuli cintu cipati cakacitika cilimvwisya icakapa kuti batajani nzila imbi kunze buyo lyakoona antoomwe muŋanda masiku? (Muk. 9:11) Ino bubambe bwakoona bwakali buti? Mbwaanga bukkale bumwi abumwi bulaindana, kuli twaambo atumbi baalu ntobakonzya kulanga-langa.

Bwazyibwa bwini, kabunga kabaalu kayoobona naa inga kwayandika kkomiti yalubeta mumakani abantu bobilo aabo ibatakwetene.