Enya, usange palije vifukwa vyakupulikikwa vyakuŵira lumoza usiku wose, komiti ya cheruzgo yikwenera kupangika para mwawona kuti umo vinthu vikaŵira uzaghali ungachitika.—1 Kor. 6:18.

Wupu wa ŵalara ukwenelera kusanda mwakupwelelera nkhani iyi kuti uwone usange komiti ya cheruzgo yingapangika. Mwachiyelezgero: Kasi pali ukaboni wakuti ŵanthu aŵa ŵakusongana? Kasi kumanyuma ŵali kupikapo ulongozgi pa nkhani ya umo ŵakuchitira vinthu para ŵali lumoza? Kasi ntchivichi chikapangiska kuti ŵaŵe lumoza usiku wose? Kasi ŵakapanganiranathu? Kasi pakaŵa nthowa yinyake iyo mphanyi ŵakachita, panji pali vifukwa vyakupulikikwa, nga ni vinthu vyamabuchi ivyo vikapangiska kuti ŵaŵe lumoza usiku wose? (Muph. 9:11) Kasi ŵakagona chipinda chimoza panji yayi? Pakuti vyakuchitika vikuyana yayi, pangaŵa fundo zinyake zakuzirwa izo ŵalara ŵangaghanaghanira.

Para wupu wa ŵalara wasanda fundo zose, ungawona usange ŵanthu aŵa ŵakukhumbikwira komiti ya cheruzgo.