Yak. Teme maʼyuk swentail bin yuʼun puersa stukel jilike, ya yichʼik chajpanel yuʼun jun komite judicial, melel chikan ta ilel te yalik ta spasel mulile (1 Cor. 6:18).

Kʼalal ay jich ya xkʼot ta pasel, te jtsojb ancianoetik ta kongregasion ya yilik ta lek teme puersa ya yichʼ pasel jun komite judicial. Ay bin ya skʼan ya staik ta ilel, jich bitʼil, ¿yabal smulan sbaik te hermano sok te hermana? ¿Aybal yichʼojik akʼbeyel tsitsel ta skaj te ma stojiluk te bitʼil ya yil sbaike? ¿Bin yuʼun te stukel kʼax yuʼunik ajkʼabal ta jun-nax nae? ¿Jichbal schapojik te ya spasike? ¿Aybal bin kʼot ta pasel o aybal bin la sta ta repentenax te hermano o te hermana te jaʼ yuʼun puersa jilik ta jun-nax na ta ajkʼabale? (Ecl. 9:11). ¿Banti wayik? Ta jujun buelta te jich ya xkʼot ta pasele, te ancianoetik ya skʼan ya yilik ta lek, melel ma pajaluk te bin yuʼun jich ya xkʼot ta pasele. Jich bitʼil ma pajaluk te bin ya xkʼot ta pasele, aytoniwanxan bayal bin tulanik skʼoplal ya skʼan ya yilik ta lek te ancianoetike.

Kʼalal te jtsojb ancianoetik ya staik ta ilel te bin kʼot ta pasel ta smelelil, ya staik ta nopel teme ya skʼan ya yichʼ pasel jun komite judicial o maʼuk.