Skʼan. Yuʼun mi chʼabal srasonal ti jech koʼol komik ta jpʼej nae, skʼan xichʼ vaʼanel jun komite sventa jchapanvanej ta skoj ti oy kʼusitik chakʼ ta ilel ti xuʼ van mulivajike (1 Kor. 6:18).

Kʼalal oy jech chkʼot ta pasele, li moletik ta tsobobbaile oy kʼusitik skʼan skʼelbeik skʼoplal sventa xkʼot ta nopel yuʼunik mi skʼan svaʼanik jun komite sventa jchapanvanej. Jech kʼuchaʼal liʼe: ¿Mi tskʼopon xa onoʼox sbaik? ¿Mi oy xa onoʼox akʼbilik tojobtasel ta skoj ti kʼu yelan tskʼopon sbaike? ¿Kʼu yuʼun ti jmoj echʼ yuʼunik akʼobal ta jpʼej nae? ¿Mi snopojik xa onoʼox ti jech tspasike? ¿Mi oy kʼusi la snuptanik ta anil ti muʼyuk bu jech snopojik xchiʼuk ti persa komik li ta jpʼej nae? ¿Mi jmoj vayik? (Ecl. 9:11). Ta skoj ti jelel li kʼusitik chkʼot ta pasele, li moletike ep ta tos kʼusitik skʼan stsakik ta venta.

Mi laj xa ox skʼelik skotol li kʼusitik kʼot ta pasel li moletik ta tsobobbaile, jaʼ xa te tsnopik mi ta svaʼanik jun komite sventa jchapanvanej o mi moʼoj.