Ee, arali vhenevho vhathu vha fhedza vhusiku hoṱhe vhe vhavhili nga nṱhani ha zwiitisi zwi sa pfali, hu ḓo vhumbiwa komiti ya khaṱulo arali ha waniwa uri hu na vhuṱanzi vhu pfalaho ha uri vho ḓifara luvhi nga zwa vhudzekani.—1 Vhakor. 6:18.

Vhahulwane vha tshivhidzo vha sedzulusa nga vhulondi honoho vhuimo u itela u ḓivha arali zwi tshi ṱoḓea uri vha sengiswe nga komiti ya khaṱulo. Sa tsumbo: Naa vhenevho vhathu vha khou funana? Naa vho no vhuya vha kaidzwa tshifhingani tsho fhiraho nga nṱhani ha vhuḓifari havho? Ndi mini zwe zwa ita uri vha ḓiwane vha tshi khou fhedza vhusiku hoṱhe vhe vhavhili? Naa vho vha vho dzula vho dzudzanya u ita nga u ralo? Naa ho vha hu na zwe vha vha vha tshi nga vha vho zwi ita nga ha honoho vhuimo? Naa ho itea zwithu zwi songo lavhelelwaho zwe zwa ita uri vha si kone u iledza u ḓiwana vhe kha honoho vhuimo? (Muh. 9:11) Naa vho eḓela kamarani nthihi? Samusi vhuimo vhuṅwe na vhuṅwe vhu sa fani, hu nga vha na maṅwe mafhungo a ndeme ane a ḓo kwama phetho ine vhahulwane vha ḓo i dzhia.

Musi ho no waniwa vhuṱanzi ho khwaṱhaho, vhahulwane vha ḓo dzhia phetho arali zwi tshi ṱoḓea uri vhenevho vhathu vha sengiswe nga komiti ya khaṱulo.