Oo, kon waray hira makatadunganon nga mga rason, magpuporma hin hudisyal nga komite tungod han marig-on nga ebidensya nga nakabuhat hira hin seksuwal nga imoralidad.​—1 Cor. 6:18.

Tuturotimbangon hin maopay han lawas han mga tigurang an tagsa nga sitwasyon basi mahibaroan kon kinahanglan gud an hudisyal nga komite. Pananglitan: Mag-uyab ba hira? Ginsagdonan na ba hira ha naglabay mahitungod han ira panggawi ha usa kag usa? Ano an mga hinungdan nga nagkaupod hira hin bug-os nga gab-i? Ginplano ba nira ito nga daan? May iba ba hira nga opsyon, o may makatadunganon ba nga mga hinungdan, bangin diri ginlalaoman nga panhitabo o emergency salit waray na hira opsyon kondi mag-upod hin bug-os nga gab-i? (Ekles. 9:11) Diin hira kumaturog? Tungod kay iba-iba an mga sitwasyon, bangin may iba pa nga impormasyon nga tatagdon han mga tigurang.

Katapos mausisa an ngatanan nga impormasyon, magdidesisyon an lawas han mga tigurang kon nagkikinahanglan ba ito hin hudisyal nga aksyon.