Kʼáatchiʼob ku beetaʼal
Juntúul sukuʼun yéetel juntúul kiik maʼ tsʼokaʼan u beeloʼobeʼ ku pʼáatloʼob wenel chéen tu juunaloʼob tiʼ junpʼéel naj. ¿U kʼáat wa túun u yaʼal tsʼoʼok u kʼebantaloʼob yéetel unaj u beetaʼal junpʼéel comité judicial tiʼob?
Wa maʼ tu yaʼalikoʼob baʼaxten anchaj u pʼáatloʼob chéen tu juunaloʼob yéetel chéen u yóoliliʼob úuchik u beetkoʼobeʼ yaan u beetaʼal junpʼéel comité judicial, tumen yaan baʼaxoʼob eʼesik tsʼoʼok u núupkʼebantaloʼob (1 Cor. 6:18).
Le múuchʼ ancianoʼoboʼ utiaʼal u chʼaʼtuklikoʼob wa yaan u beetaʼal junpʼéel comité judicial wa maʼeʼ, yaan u chʼaʼikoʼob en cuenta jejeláas baʼaloʼob. ¿Noviotsiloʼob wa? ¿Tsʼoʼok wa u yáax tsolnuʼuktaʼaloʼob yoʼolal bix u biskubaʼob? ¿Baʼaxten anchaj u pʼáatloʼob tu juunaloʼob teʼ najoʼ? ¿U chʼaʼtukultmiliʼ wa u beetkoʼobeʼ? ¿Yaan wa baʼax jáan úuch beet u pʼáatloʼob chéen tu juunaloʼob? (Ecl. 9:11.) ¿Tuʼux ween cada juntúul? Maʼ xaaneʼ yaan uláakʼ baʼaloʼob unaj u chʼaʼabal en cuentail tumen le ancianoʼoboʼ.
Le kéen u xakʼalt tubeel le múuchʼ ancianoʼob le baʼax úuchoʼ yaan u chʼaʼtuklikoʼob wa yaan u beetaʼal junpʼéel comité judicial wa maʼ.