Ii, abaakumba ima rengba ka kusa rondo sarangbanga ka si du nga ndikidi ndupai ho du tipa pa pi yo sa dimoyo te, mbiko gere nayugo gupai ziazia nga i ima manga meteka.—1 Kor. 6:18.

Gu rondo nga ga abaakumba nawisigopai wenengai singia si rẽarẽ tipa i kusi rogo rondo sarangbanga tipa yo. Ni kpiapai: Ya mo agi aKristano re nambakada pa rogatise? Ya mo abaakumba afunga rugute fuyo mbata tipa pa gayo kodatise? Ginipai naasa gupai nga i ra sa dimoyo? Ya mo i agi tiyo agia tipa ka ra sa? Ya mo pai atunguo yo atunguo ka pai adunga ho ka gu ni mangihe ya si kini sa yo i ra dimo yo sa? (Batu. 9:11) I apiki wai? Agu apai du tipa gipai re ima rengba kadu ni bakiakia, sidu, kura nduapai kinaho rengbe abaakumba ka wisigopai tipaha mbata fu i diberã.

Tifuo i rugutiyo na agu arengo du tipa gupai re dunduko, gu rondo nga ga abaakumba nika sungo ka bihe singia gu mangapai re rengbe tipa i kusi rondo sarangbanga tipaha.