1. Tso Jehova a di makiyeng di šupetsa ka ying gore aa konane?

LE MO Jehova a tsere nako ya go lefa a ntoši a soko maka dilo, ke mo a sa tinaganele a ntoši. Dilo tsa go hlalefa tso a di makiyeng, tsa ku legedimong le tsa ho lefaseng, o yye a di neya lephelo. “Modimo wa go jabola,” Jehova, o kwana natso tsa go neyana dilo tsa go bafala.” (1 Thim. 1:11; Jak. 1:17) Fote o re tšhutisa gore re sa konane gore re thogo jabola.—Maroma 1:20.

2, 3. (a) Ke ntaba go neyana go maka gore re jabole? (b) Re nyoko petapeta ka ying?

² Modimo o makiye motho ka setshwano sage. (Gen. 1:27) Sosone se rela gore re ka di kgona go maka dilo go tshwana naye. Mo re nyaka go jabola le go tikwa re yenele, di nyaka re kopisele ga Jehova re rate batho ba bangwana fote re sa ba kone dilo tso re nang natso. (Mafil. 2:3, 4; Jak. 1:5) Ke ntaba? Mo re fo yi beya gabutši, ke ka taba la gore Jehova o makiye batho a nyaka gore ba be ka mokg’onone. Le mo re sa felegelela, re ka di kgona go yekisela Jehova.

³ Baebele yi re tšhutisa gore re make byang mo re sa nyake go konana. Tla re boneneng tse dingwana tso re ka di tšhutang ho Mangwalong ka taba yowa. Re nyoko bona gore mo re sa konane, Modimo o nyoko re nyaka ka matla fote mo re sa konane, re ba ka  mokg’o Modimo a re makiyeng ka gona. Fote re nyoko bona gore go sa konane go gahlana kaye le go jabola ga rune le gore ke ntaba di nyaka re ye mahlong re kene re sa konane.

4, 5. Jehova le Jeso ba re tšhutisa go sa konane ga mošaga mang?

⁴ Jehova wa di nyaka tsa gore bo a ba makiyeng ba kopisele ho gage, byalo mo re sa konane re mo jabodisa ka matla. (Maef. 5:1) Ka mokg’o re makiwweng ka gona le ka mokg’o a makiyeng dilo tsa hlago tsa go bafala le tsa go tlala, di fo ba lekgwaying gore Modimo wa di nyaka gore batho ba jabole. (Pis. 104:24; 139:13-16) Mo re karakara gore re thogo jabodisa ba bangwana, sosone se šupetsa gore re ya mo hlompa.

⁵ Makreste ya mannete ma kopisela ga Kreste, yene ye a yyeng a šupetsa gore di gabutši ka matla tsa go sa konane. Jeso ka boyene mong o yitseri: “Morwayi wa motho, aa tlela go berekediwa, mara o tlele go berekela gore a neyele ka lephelo lage gore a lepolle ba go tlala.” (Mat. 20:28) Sosone se makiye gore Pawulo wa lepostola a botse Makreste gore: “Ariyeneng mahlong le ngangarele ga taba yonone ya gore le Kreste Jeso ke mo a na a yi ngangarele . . . O yye a tirothotha ke mokane a timaka lebhantiti.” (Mafil. 2:5, 7) Di gabutši ka matla mo ka mokana ga rune re ka tiputsisa re re, ‘Nje nka di kgona go kopisela ga Jeso go feta ka mokg’o ke makang?’—Bala 1 Petro 2:21.

6. Jeso o re tšhutisa ying ka mošupetso wa Lesamariya la pelo ye butši? (Lebelela sethombhe sa ku mathomisong.)

⁶ Jehova a ka kwa a re nyaka ka matla ho re ka fo mo yekisela, yene le Kreste, mo re nabela go bona batho ba bangwana ba le gabutši, le mo re leketsa go bona gore re ka ba gelepa byang ga tso ba gayelang ga tsona. Nakwela Jeso a bolabola ka Lesamariya lela la pelo ye butši, o šupetsiye gabutši gore o nyaka malata yage ma gelepa batho ba bangwana, le mo ba sa ba tšibi. (Bala Luka 10:29-37.) Nje o sa yi gopola putsiso yela yi makiyeng gore Jeso a šinye a bolabole ka mošupetso wa Lesamariya la pelo ye butši? O butsisiye ke Lejuda gore: “Anthe gabutšibutši moyagelane waka ke mang?” Phetolo ya Jeso yi šupetsa gabutši gore mo re nyaka go jabodisa Modimo, di nyaka re leketse go ba le pelo ye butši ya go tshwana le ya Lesamariya lela.

7. Go tipona kela go ba le pelo ye butši di yelana byang le taba yela ya malawolelo ya Modimo?

⁷ Di tlele tso di makang gore Makreste ma tšhute go ba le pelo ye butši. Mo re beyisa, taba yone yi yelana le yela Sathane a yi tsusiyeng ku tšhomong ya Edeni. Byang? Sathane o yitseri Adamo le Efa—le batho ka mokana ga bona—ke mo ba nyoko fo tiphelela gabutši ho ba ka fo timakela tsa go tšiba ke bona, ba sa theetsele Modimo. Efa o yye a phophoroga a nabela tsotsone tsa go nyaka go tshwana le Modimo. Adamo le yene a fo maka tsa go tšiba ke yene, a makela go jabodisa Efa. (Gen. 3:4-6) Le rune re fo tiponela gore tso ba di makiyeng di re leyele ying. Go tipona ga mohlobo wone a go leyele motho mojabolo, go napa go le ku kgole nawo. Mo re ba le dipelo tse dibutši, re šupetsa gabutši gore re ya tshepa gore tsela ya Modimo ya go maka dilo ke yona-yona.

8. Ke ntaba ne di nyaka gore monna yela wa mathomo le mosadi wage ba sa kone bana ba bona?

⁸ Modimo o neyye batho ba mathomothomo molawo wo ne o tshwanele o make gore ba naganele ba bangwana, le mo ka nako tsotsone ke mo ba sa le ntoši ku tšhomong ya Edeni. Jehova o yye a rufa Adamo le Efa a boya a re ba yeketsege, ba tlase lefase ba le lawole. (Gen. 1:28) Go fo tshwana le ka mokg’o Modimo a yyeng a jabolela dilo tso a di makiyeng, le babelegi bone ba mathomo ke mo di nyaka ba nabelele bana ba bona mojabolo, ba tshwanele ba jabolele le bana ba bona ba gore  a ba soko belegiwa. Bana ba Adamo ke mo ba nyoko tlatsa lefase lo ka mokana ga lona ke mokane ba le make Pharadeyisi. Mmereko wone wo mogologolo ke mo wo nyoko maka gore mo mutši wage wo kene wo gola, wo tshwaranane gabutši.

9. Ke ntaba re re nke go jabodisiye mo Pharadeyisi yi kene yi gola?

⁹ Gore banna le basadi bo ke mo ba felegelele mmeleng ba make lefase lowa gore go be Pharadeyisi, ke mo di nyaka gore ba theetsele Jehova gore ba segelele tso a nyakang go di maka, ke mokane ba kwa ba le gabutši ka taba la gore o nabo. (Maheb. 4:11) O fo nagana gore mmereko wone ke mo wo nyoko natefa go segela kaye! Mola ba sa naganela bona beng ba ntoši, nke ba yye ba rufiwa ka matla le go kwa dipelo tsa bona di yenele.

10, 11. Re ka wo maka byang mmereko wowa wa go tšhomayela le go tšhutisa batho?

¹⁰ Lekgono, Jehova o neyye batho bage mmereko wa go tšhomayela le go tšhutisa batho. Di nyaka re jabolele batho ba bangwana gore re thogo maka mmereko wone. Re ka di kgona go tiyisela ga mmereko wowa ho re ka fo tšiba gore re wo makela ying—re wo maka ka taba la gore ga Modimo re mo nyaka ka matla, le bayagelane ba rune re ba nyaka ka matla.

¹¹ Ku botala, Pawulo o yye a bolabola ka yene mong le ka bo ke mo a berekisana nabo gore ke bona “dibereki ggoši le Modimo” ka taba la ho ba gaša pewu ya nnete ya Mmušo fote ba yi tšheletsa. (1 Makor. 3:6, 9) Le rune lekgono re ka di kgona go ba “dibereki ggoši le Modimo,” mo re ka fo berekisa nako ya rune, dilo tso re nang natso le matšhika ya rune gore re make mmereko wowa wa go tšhomayela wo re wo neyyeng ke Modimo. Taba yone yi gabutši ka matla wa tšiba!

12, 13. O bona nkare king sa go jabodisa ka mmereko wa go tšhutisa batho?

¹² Re jabola ka matla mo re berekisa nako ya rune le matšhika ya re nang nawo, re kene re tšhomayela fote re tšhutisa batho. Ba go tlala bo ba yyeng ba kgona go tšhutisa batho Baebele ba ko go botseng gore go natefa ka matla. Go jabodisa ka matla mo o bona bo o ba balelang Baebele ba di kwisisa dinnete tso ba di kwang, ba gola tumelong, ba tšhentšha maphelelo fote ba thomisa go botsa ba bangwana nnete yone. Jeso le yene o yye a jabola ka matla nakwela 70 ya batšhomayedi bala ke mo a ba romme tšhomong “ba boya ba jabodiye” ka taba la gore bo ba gahlanneng nabo ba jabolele ditaba tsowa.—Luka 10:17-21.

¹³ Batšhomayedi bo ba leng ho lefaseng ba jabola ka matla ho ba bona ditaba tsowa tsa go bafala di tikisa dipelo tsa batho, ba thomisa go maka tsa gabutši. Mogageru ye mongwana wa mosadi wa gore o tidulela a ntoši ye ba reng ke Anna, o yye a rorela ka Bohlabela bya Yuropo gore a ye gelepeng ka taba la gore go gayela Dihlatse. * O ngwadiye gore: “Go lola ka matla go kraya batho bo o ka ba  tšhutisang Baebele howa, ke kwana natso ka matla tsotsone. Mmereko waka o njabodisa ka matla. Mo nkena gaye, a ke na nako ya go maka tsaka. Ke thomisa go nagana ka batho bala ke ba tšhutisang—gore ba hlopa king le gore ba šekela ka ying. Ke lebelela gore nka ba tiyisa ka mokg’o mang le gore nka ba gelepa byang ho go na le tso ba di gayelang. Fote ke napa ke tshepa gore nnete ‘ye a neyang o jabola go feta ye a yageletsang.’”—Meber. 20:35.

14. Le mo ditaba tsowa tsa go bafala di nyenya ke batho ba go tlala, king so se ka makang gore o jabole ho o kene o tšhomayela?

¹⁴ Re ka fo bulela batho lešuba la gore ba thogo kwa ditaba tsa go bafala le mo bona ba ka fo sa theetsele. So se šalang ke gore mmereko wa rune lekgono o tshwana gabutši le wa moporofeta Hezekiyele, yela Jehova a yitsereng gage: “O fo ba botsa mantsu yaka, baa theetsela kela a ba theetsele.” (Hezek. 2:7; Jes. 43:10) Le mo ba bangwana ba bona nkare re tshwere ya go kgana, Jehova yene o yi tseyela hlogong taba yowa ya gore re leketsa ka matla go mmerekela. (Bala Maheberu 6:10.) Motšhomayedi ye mongwana o yi makiye gabutši taba yo. O hlaya tsowa mo a bolabola ka tšhomo, o re, “Rune re gašiye, re tšheletsiye fote re rapele ka tshepo ya gore Jehova o nyoko maka gore go jabolela ga batho bone go ye mahlong.”—1 Makor. 3:6.

15. Batho ba go tlala ba re king ho o leketsa go ba gelepa, byalo nje re tshwanele re lesetse go maka tsa gabutši mo ba sa šupetsi ba di jabolela?

¹⁵ Jeso o nyaka gore re jabole ka taba la go sa konane. Batho ba go tlala baa jabola mo ba neyiwa se sengwana. Jeso o yye a hlaya gore: “Titšhutiseneng go neyana, le batho ba ko sa le kone. Ba nyoko le tšhelela tsa go tlala ba bangwana le bona ba nyoko re kgotolela ka sekala sa go yenela, ba nganela, ba kikitela, gwa šinya go falala. Ka mokg’o le kalelang ba bangwana, le lune ba nyoko le kalela ka mokg’onone.” (Luka 6:38) Nnete ke gore a yi ka moka bo ba jabolelang so re ba makelang sona, mara tšatši lo ba nyoko thomisang go šupetsa gore baa leboga, re ko di boneng le rune. Byalo wene o sa lesetse go ba neya, le ho ba šupa ba leboga kela ba sa yi keni yago. O ka sa tšibi, nakwenngwana sosone ka ssoši o se makang, o ka fo bona se gelepa go gongwana.

16. Mo re neya batho dilo di nyaka re tšhofe king?

 ¹⁶ Batho ba go sa konane tsa mannete ho ba neya motho selo, a ba makele gore motho yene ka motshwana a neye bona. Jeso mo a šinya a tšhutisa ka taba yowa ke mo a bolabola taba ke yowa: “Mo o maka phathi, mema ba go hlopega, digole, ba go popela mahlo; ke mokane o nyoko jabola, ka taba la gore sa go go patela ka sona a ba naso.” (Luka 14:13, 14) Motho ye mongwana wa go ngwala puku ya Baebele o yitseri: “Motho wa go sa konane o nyoko rufiwa.” Ye mongwana o yitseri: “Go jabola ye a šupetsang ba bangwana gore o ba tseyela gedimo.” (Diy. 22:9; Pis. 41:1) Nnete di nyaka re neye batho ba bangwana ka taba la gore sosone se maka gore re jabole.

17. O nyoko jabola mo o sa konane ka dilo tsa mohlobo mang?

¹⁷ Nakwela Pawulo a bolabolela mantsu ya Jeso ya gore ‘go jabola ye a neyang go feta ye a yageletsang,’ ke mo a sa bolabole ka go neyana dilo tso re nang natso fela, ke mo a rela le go kgotatsana, go yetetsana le go gelepa bo ba nyakang go gelepiwa. (Meber. 20:31-35) Pawulo o tšhutisiye a boya a šupetsa gore ba bangwana re ka ba neya ying—nako ya rune, matšhika ya rune, go ba theetsela le go ba nyaka ka matla.

18. Ba go tlala bowa ba go ngwala dipuku tsa lefase mo ba sekela taba yowa ya go sa konane, ba segelele sepheto sa gore king?

¹⁸ Bowa ba go fatisisa ditaba tsa maphelelo ya batho ba krayye gore go neyana go maka gore batho ba jabole. Hlogotaba ye nngwana yi re, “batho ba jabola ka matla ho ba fetsa go makela ba bangwana dilo tsa gabutši.” Bowa ba go fatisisa ba re go gelepa batho ba bangwana go maka gore “motho a nape a tikwa gore wa phela le gore o phelela ying” ka taba la gore “go maka gore motho a kwe a yenele ga tso a di nyakang.” Fote bo ba go tšiba tsa lephelo ba re di nyaka batho ba fele ba maka mebereko ya go berekela setšhaba gore ba thogo jabola le go phelega. Sosone a yi sa go makatsa ga batho bo ba tseyang Baebele go le Lentsu la Modimo wa go nyaka batho, Jehova.—2 Thim. 3:16, 17.

19, 20. Ke ntaba o nyaka go tšhuta go sa konane?

¹⁹ Go gongwana a di lola tsa go fo dula o neyana, ka matlamatla ho o ka kraya gore batho bo re hlwang nabo ke bala ba go tilebelela bona ba ntoši. Mara Jeso o yitseri melawo ye megologolo ka mmedi ke ya gore re nyake Jehova ka dipelo tsa rune ka mokana ga tsona, ka borune, ka monagano le ka matšhika ya rune ka mokana ga wona, fote le moyagelani re mo nyake ka matla go fo tshwana le ka mokg’o rune beng re tinyakang ka gona. (Mar. 12:28-31) Re di bonne ho ga hlogotaba yowa gore batho ba gore ga Jehova baa mo nyaka, baa mo yekisela. Jehova le Jeso a ba konane. Ba re le rune re sa konane ka taba la gore re nyoko jabola ka matla. Mo re ka fo karakarela gore re šinye re tšhute go neyana, ka matlamatla re neya Jehova le moyagelane, re nyoko thanakisa Jehova fote sosone se nyoko gelepa rune le ba bangwana.

²⁰ Le wene o ka fo ba o šele o karakarela go tikona tse dingwana gore o gelepe batho ba bangwana, ka matlamatla magageru ya Makreste. (Magal. 6:10) Mo o ka fo ya mahlong o maka tsotsone, batho ba nyoko go nyaka ka matla fote ba nyoko go tseyela gedimo, le wene mong o ko tikweng gore o jabodiye. Diyema 11:25 yi re: “Motho wa go sa konane o nyoko phomelela, le ye a pomang tsa go roba tsa ba bangwana le tsa gage ba nyoko di poma.” Ke nnete gore go neya batho o sa kokole, go ba le pelo ye butši le go sa konane go ka makiwa ka ditsela tsa go tlala ho re kene re phela re le Makreste le ho re le tšhomong, ka thoko re kene re bona maphomela ya mehlobohlobo. Hlogotaba ya go latela yi nyoko bolabola ka tsona le gore re di make mo go makiye byang.