1. How the things wey Jehovah make show say e get open-hand?

EVEN though say Jehovah dey alone before e begin make things, e no think only about e self. Instead, e still give life to angels and human being as gift. “The happy God” Jehovah, like to give good things. (1 Tim. 1:11; Jas. 1:17) And since God want make we dey happy, e de teach us make we get open-hand.​—Rom. 1:20.

2, 3. (a) Wetin make open-hand de make us happy? (b) Wetin we go talk about for this topic?

² Because of the way God make us, we fit copy e character. (Gen. 1:27) If we want make Jehovah bless us and if we want really dey happy, make we de care for people and de share the things wey we get with them. This one go show say we de copy Jehovah. (Phil. 2:3, 4; Jas. 1:5) Why we talk so? Na because, na so Jehovah make us. Even as we get sin for body, we fit copy Jehovah as e get open-hand.

³ Bible tell us how we go fit get open-hand. Make we see some of the lesson wey Bible teach us about this character. We go talk about how open-hand go make Jehovah dey happy  with us, and how e fit help us do the work wey God give us. We go still talk why open-hand de make us happy, and why e good make we continue to get this character.

4, 5. Which example Jehovah and Jesus use show us why e good make we get open-hand?

⁴ Jehovah want make we de copy e example, so e de glad when we get open-hand. (Eph. 5:1) This one dey clear for the wonderful way wey e make us. God make this earth and everything inside make e fine so that we go enjoy life. This one really show say God want make we dey happy. (Ps. 104:24; 139:13-16) So we de bring Jehovah praise when we try to make other people happy.

⁵ True Christians de copy Jesus Christ. E show us number one example of how we fit get open-hand. Jesus talk say: “The Son of man no come make people be e servant, but e come to serve people and to give e life as sacrifice to buy many people back.” (Matt. 20:28) Apostle Paul encourage Christians say: “Make wuna de think just like Christ Jesus . . . E leave everything to be like slave and e come be human being.” (Phil. 2:5, 7) Make each of us ask e self say, ‘I fit imitate Jesus more pass as I de do-am now?’​—Read 1 Peter 2:21.

6. Which lesson Jesus teach us for the story of the good Samaritan? (Check the first picture.)

⁶ Jehovah and Jesus don show us correct example, so Jehovah go bless us when we copy their example. How we fit do-am? Na when we de think about our brothers and sisters, and we de do everything to help them. True-true, Jesus really make this point clear when e talk the story about one good Samaritan. The story show say Jesus expect all e disciples to do their best to help people, even if they no come from the same place. (Read Luke 10:29-37.) You remember why Jesus talk the story about the good Samaritan? One Jew person ask Jesus say: “Na who really be my neighbor?” The answer wey Jesus give show say, if we want make God bless us, we must ready to get open-hand like that good Samaritan.

7. How we go show-am clear say na the way Jehovah de do things better pass? Explain.

⁷ Christians get plenty good reason to show say they get open-hand. For example, when we think about wetin happen for garden of Eden, we go understand why we suppose to get open-hand and no de only think about ourself. Why we talk so? Satan claim say when Adam, Eve, and even everybody put wetin they want as number one thing for their life instead of wetin God want, na that time their life go better pass. Eve want be like God, so e begin think only about e self and e disobey God. Adam think only about e self and want make Eve happy instead of God. (Gen. 3:4-6) The result of wetin they do no good at all. This one show say if we de think only about ourself, we no go dey happy. So, if we get open-hand and we no de think only about ourself, we de show-am clear say na the way Jehovah de do things better pass.

8. Wetin for make Adam and Eve no think only about theirself?

⁸ Na only Adam and Eve dey the garden of Eden that time. But they for still think about other people because of the work wey God give them. Jehovah bless Adam and Eve, and tell them say make  they born children full the earth and control everything for the earth. (Gen. 1:28) E clear say Jehovah want make Adam and Eve enjoy life. They for copy Jehovah and think about how their children go enjoy better life, even as they never born that time. Jehovah want make Adam and Eve make the whole world Paradise so that them and their children go enjoy life. This one na big work. But as their family de plenty, they go fit join hand work together as one.

9. How people for get joy as them de work to make this earth Paradise?

⁹ People wey sin no dey their body for fit work with Jehovah. This one for help them to make the whole earth Paradise so that the things wey God get for mind go happen. When that one happen, they for enter e rest. (Heb. 4:11) Imagine the kind joy and benefit wey this work for give them! Jehovah for really bless them because they no think of only theirself.

10, 11. How we fit do the work wey Jehovah don give us?

¹⁰ Today, Jehovah don give e people one special work. E want make they preach and help people come e organization. If we want do this work well, we go de think about people and de care about them. Na only love for Jehovah and love for people go help us make we no tire to do this work.

¹¹ For the time of the apostles, Paul talk about e self and other brothers and sisters. E say ‘them de work with God.’ Why e talk so? Because them de preach and teach people the truth about the Kingdom. (1 Cor. 3:6, 9) Today, we too fit “de work with God” if we de use our time, money and power do the work wey Jehovah don give us. The work na to preach and teach people the truth about the Kingdom. Na big blessing to work with God!

12, 13. Wetin you go talk say person de gain when e de help people come serve Jehovah?

¹² We go really dey happy if we de use our time and power preach and teach people about Jehovah. Na so plenty people wey their Bible student de progress de feel. Them de really glad to see as their Bible student de understand deep truth for Bible, de change some things for their life, de strong for faith, and begin join us to preach. Jesus feel that kind joy too, when the 70 disciples wey e send go preach come back with joy because they get better result from their preaching.​—Luke 10:17-21.

¹³ Our brothers and sisters for the whole world de happy when they see how the good news de change the life of people. For example, one young single sister wey her name na Anna move go serve for one area for Europe. She go there because  the place need more publishers, and she want do more for Jehovah. * Anna talk say: “For this place, plenty people want study Bible, and e de really sweet me.” She still talk say: “My preaching for here de really make my heart glad. Anytime I come back from preaching, I no de get time to think about myself. Na the people wey I de study Bible with I de think about. I de think about their problem and other things wey them de face. I de think of how I go encourage them, and wetin I fit do to help them. True-true, this one don really make me dey sure say, ‘na when person give, e go happy pass when e receive.’”​—Acts 20:35.

14. Even if plenty people no want listen to the message, wetin go help you get joy for your preaching?

¹⁴ We fit dey happy as we de give people chance to hear the good news, even if they no want listen. Today, wetin Jehovah say make we do just be like the thing wey e tell prophet Ezekiel to do. E say: “You must tell the people wetin I talk, whether they listen or they no listen.” (Ezek. 2:7; Isa. 43:10) Even if some people no value our message, Jehovah value wetin we de do. (Read Hebrews 6:10.) One brother show better example about this matter. E talk say: “We don plant, we don put water, and we don pray. We de hope say Jehovah go touch the heart of the person so that the message go grow.”​—1 Cor. 3:6.

15. How some people de feel as we get open-hand, and why that one no suppose to make us stop to give?

¹⁵ Jesus want make we get joy when we de give. When person de give, e de affect many people. Jesus talk say: “Make wuna de give, and people go give wuna. They go pour for wuna lap wetin they measure well. They go press-am, shake-am, and e go full sotey e de troway. Because the way wuna de measure for people, na so they go measure for wuna.” (Luke 6:38) The truth be say, as we get open-hand, no be everybody value-am. But when they show say they value-am, e fit touch their  heart make they begin give too. Whether people show say they value-am or they no show-am, make you no stop to give. Plenty good result wey you no expect fit come out from just one thing wey you do to help person.

16. Wetin suppose to move us make we get open-hand?

¹⁶ People wey they really get open-hand no de give so that people go pay them back. Na the thing wey Jesus get for mind when e talk say: “But when you de do occasion, invite poor, cripple, lame and blind people; and you go dey happy, because they no get anything wey they go give you back.” (Luke 14:13, 14) One Bible verse talk say: “God go bless who get open-hand.” Another Bible verse talk say: “The person wey de show pity for poor people go dey happy.” (Prov. 22:9; Ps. 41:1) True-true, make we de give because e de sweet us to help other people.

17. Wetin you fit give people wey e go make you happy?

¹⁷ Jesus talk say “na when person give, e go happy pass when e receive.” When Paul quote wetin Jesus talk, Paul no de only talk about things wey we de dash people. E still de talk about to encourage and advice people from Bible, and any other thing wey we fit do to help them. (Acts 20:31-35) Apostle Paul show us good example with wetin e talk and do. The example teach us say e dey important to care for people, show them love, use our power to help them and spend time with them.

18. Wetin plenty science people don talk about open-hand?

¹⁸ Science people don find out say to give de make person happy. For inside one book, “people talk say them de get more joy after they do good things to other people.” Science people still talk say when we help other people, we de feel say we don use our life well. So some of them say e good make people de do volunteer work, because e de help their health and make them happy more. But this one no surprise us, because Jehovah, the Person wey make us don already tell us for Bible.​—2 Tim. 3:16, 17.

19, 20. Why you go like to get open-hand?

¹⁹ When people around us de care only about theirself, e fit hard us to continue to get open-hand. But Jesus talk about two commandment, and na them high pass. E say na to love Jehovah with all our heart, soul, mind and power and to love our neighbor as ourself. (Mark 12:28-31) As we don see for this topic, the people wey they love Jehovah de follow e example. Jehovah and Jesus get open-hand and they want make we copy their example. If we try de give to God and our neighbor, our character go bring praise to Jehovah and e go make other people happy.

²⁰ True-true, you go don already de do your best to help people, especially brothers and sisters for congregation. (Gal. 6:10) If you continue to do like that, people go love you and they go like wetin you de do. And this one go make you happy. Proverbs 11:25 talk say: “Person wey get open-hand go succeed, and anybody wey de help other people go get help.” For your life and your preaching work, plenty ways dey wey you fit show say you get open-hand, you de care for people, and you no de think about only yourself. And this one go bring plenty blessing. The next topic go talk about some of this ways.