1. Jesaya o porofitiye ying ka Jeso, fote ke ntaba sone se re tiyisa?

JESAYA o beya dipelo tso tsa rune gabutši fote wa re kgomoletsa ka seporofeto so a se ngwadiyeng ka Morena wa rune Jeso Kreste. Jesaya o bolabodiye di soko bane di makega gore Jeso “a ka sa yi ka tso di bonang ke mahlo, kela a fo sola ka go fo re ditsebe tsage di kwelele se sengwana.” ‘Ba go tihlopegela o nyoko ba yahlola gabutši a sa hlawole.’ (Jes. 11:3, 4) Ke ntaba taba yowa yi re tiyisa? Ka taba la gore re phela ga lefase la gore le tlele ka batho ba go hlawolana le go kgerana. Ka mokana ga rune re nabela nkare re ka yahlola ke Moyahludi wa gabutši, a re nyake wa go fo re mo a re lebelela nje, a ba a šele a fetsiye ka rune!

2. Jeso o yitseri re make ying, fote re nyoko bolabola ka ying ga hlogotaba yowa?

² Tšatši le lengwana le le lengwana, re ya di maka tsa go kala batho. Mara rune ba gore a re ya felegelela gabutši, di ya re šita go kala gabutši go tshwana le Jeso. Ga go tlala re fo lebelela selo ka mahlo, ra napa re fetsiye le dipelo ka selo sone. Mara nakwela Jeso a le ho lefaseng, o yitseri: “Lesetsaneng go kala motho go ya le ka gore ka ho tawong o yemegiye byang, mo kaleneng gabutši ka go loka.” (Joh. 7:24) Nnete Jeso o nyaka re tshwana naye, re sa fo ya ka gore motho re mmona byang. Ga hlogotaba yowa, re nyoko bolabola ka dilo ka ditharo tsa gore di maka gore batho ba tlalele go gongwana ba makisa  ke tso ba di bonang ka mahlo: mohlobo wa batho, go ghanya le bogolo. Ga ye nngwana le ye nngwana, re nyoko bolabola ka tso re ka ga di makang gore re theetsela Jeso.

3, 4. (a) King tsa go šinya di maka gore Petro wa lepostola a tinyakolle ga taba yowa ya go sa ba lebelele gabutši bo ba gore a yi Majuda? (Lebelela sethombhe sa ku mathomisong.) (b) Jehova o gelepiye Petro gore a kwisise nnete yifeng ya nyuwane?

³ O fo nagana gore Petro wa lepostola ke mo a šila ying ka ho hlogong gage nakwela ba mmitsa ku Kesareya gaye ga Koroneliyo wa gore ke mo go se Lejuda. (Meber. 10:17-29) Petro le yene o gudiye a tshwana le Majuda ya mangwana, ke mo a tšiba gore motho mo go se Lejuda, aa yela. Mara go na le tso di makegiyeng tsa go šinya di maka gore Petro a tinyakolle. Mo re beyisa, ke mo go se botala Petro a bonne mohlolo. (Meber. 10:9-16) Petro o bonne ying? Go yye gwa segela sitša sa nkare ba se makiye ka llapi se kene se lekaleka ho mahlong gage, sa go ba le diphoofolo kela dipholwane tsa go tlala tsa gore a di ya yela, ke mokane lentsu la kwala le tšwa legedimong le re gage: “Tlogamela Petro, bolaya, o je!” Petro a gana a sa thogathoge. Lentsu lone la legedimong la re a “lesetse go fo ba a kene a ra dilo tso Modimo a di yedisiyeng a re di thilafele.” Mo a tsoga, Petro o yye a tiputsisa gore lentsu lone le leketsa go mmotsa ying. A gwa ya kaye, gwa segela malata ya Koroneliyo. Mo moya wa go hlawolega o šele o segele ga Petro o boya o mo yetetsa, o yye a tlogamela a ya le malata yawa mutšing wa Koroneliyo.

⁴ Mola Petro a f’lo lebelela dilo ka mahlo, nke a sa kena ga mutši wa Koroneliyo. Majuda gabutši ke mo ma sa kene mutšing wa motho mo go se Lejuda. Petro o makiye king gore yene a fo ya mahlong a kena le ho go kene go talaganya moya wa go hlawolana? Petro ke mo a tikisiye ka matla ke moloro wola a wo bonneng le tso moya wa go hlawolega o mo yetetsiyeng ga tsona. Tso Koroneliyo a di bolabodiyeng di yye tsa mo tikisa ka matla ga Petro, moya wa šinya o mo tšhofa gore a bolabole a re: “Gana byalo ke di kwisisa gabutši tsa gore Modimo aa hlawole, mara mo ga setšhaba sengwana le se sengwana go na le motho wa go mo hlompa fote a maka tsa gabutši, o ko mo yamogeleng.” (Meber. 10:34, 35) Di jabodisa ka matla gore gana byalo Petro ke mo a šele a thomisa go kwisisa dilo—tso ne a di kwisisa di segele kgole ka matla! Makreste ya mangwana ka mokana ga wona ma kena kaye ga nnete yowa ya go bolabola ka go sa hlawolane?

5. (a) Jehova o nyaka gore Makreste ka mokana ga wona ma kwisise ying? (b) Le mo re tšiba nnete, king tso o ka krayang di yitseri gememe ka ku tengteng?

⁵ Jehova ke mo a gelepa Makreste ka mokana ga wona a berekisa Petro gore ma di tšibe tsa gore Yene aa hlawole motho. Ho gage, a go na batho ba mohlobo, setšhaba, moloko, setšo kela mmolabolo, ba gore mo a ba lebelele o bona ba gadima go feta ba bangwana. Yene o fo tinyakela monna kela mosadi wa gore o hlompa Modimo fote o maka tsa gabutši ho gage. (Magal. 3:26-28; Kut. 7:9, 10) Le wene o tshwanele go ba o yi tshepa nnete yowa. Byalo re re king mo nkare o golele ga poleke kela mutši wa gore taba yowa ya go hlawolana yi tlele ka matla? Wene mong o ka fo tipona nkare a wo natso tso tsa go hlawolana, mara ka ku tengteng o fo kraya di yitseri gememe. Le ga yene Petro, yenela wa gore o yye a wupulla gore Jehova aa hlawole motho, sethokgo sowa sa go hlawolana ke mo se sa tšwa le boladu. (Magal. 2:11-14) Re ka theetsela Jeso ka mokg’o mang gore re lesetse go fo ba re kene re kala motho ka go fo mo lebelela?

6. (a) Re ka gepela king gore re thogo gonyolla moya wa go nyenyana ka ho dipelong tsa rune? (b) Go yye gwa nyarela ying ga borifi byo bo yyeng bya ngwala ke mogageru ye mongwana?

⁶ Di nyaka re tinyakolle gabutši re berekisa Lentsu la Modimo, gore re thogo bona mo nkare re na le selabi sa go hlawolana. (Pis. 119:105) Fote re ka fo kgopela ba bangwana gore mo ba bona nkare re natso tsowa tsa go hlawolana, ba  re gelepe ka taba la gore motho aa tiponi ka ho sekoding. (Magal. 2:11, 14) Di ka makega gore mekgwa yone yi gona ka ku tengteng ga dipelo tsa rune, mara rune beng re sa bone selo. Mo re beyisa, mogageru ye mongwana wa go butšwa o yye a ngwala borifi a bolabolela monna ye mongwana le mosadi wage gabutši ka mmereko wa nako ka moka. Monna wa gona ke mo go le mošaga wo mongwana wa batho ba gore ga go tlala ke mo ba ba tseyela fase. Di šupa nkare mogageru yewa le yene ke mo a hlawola mohlobo wowa wa batho, mara a sa tiponi. Ga borifi byo a bo ngwadiyeng, o hlayye dilo tsa go tlala tsa go bafala ka monna yewa; mara, mo a šele a le thina le go fetsa, a re: “Yene ke [mohlobo wowa], mara maphelelo yage ma šupetsa batho gore le mo motho go le [mohlobo wowa], a di rele gore motho yene o na le dithila kela ke motho wa fase ka matla, ka taba la gore ba go tlala bo go leng [mohlobo wowa] ba ka mokg’onone.” Nje o yi kwisisa gabutši taba yowa? Le ho re ka fo ba re le se sengwana ka ho phutegong, ka mokana ga rune di fo nyaka re tinyakolle gabutši, fote re dumele mo ba bangwana ba re gelepa gore re thogo napa re gonyolla moya wowa wa go nyenyana ka ho dipelong tsa rune. King se sengwana so re ka ga se makang?

7. Re ka šupetsa ka ying gore re yamogela batho ba mohlobo ka mokana ga wona ka dipelo tsa go yela?

⁷ Mo re yamogela batho ba mohlobo ka mokana ga wona ka dipelo tsa go yela, re nyoko ba re resa mo re re ka nnete re ya ba nyaka, re sa ba nyenye. (2 Makor. 6:11-13) Ayitsano le wene o fo nghanelana le batho ba go tshwana nago ka khala, ka setšo, setšhaba kela mmolabolo? Mo nkare o ka mokgonone, lukisa. Ke ntaba o sa meme batho ba mohlobohlobo gore o ye nabo tšhomong kela o ba bitse gore ba tle ba je tsa go ja ku gaye gago kela mo le gahlanne nje le banghana ba bangwana? (Meber. 16:14, 15) Mo o ka maka tsotsone, o ko di kweng le wene gore pelo yago yi ba nyaka ka matla, gwa kwalega sekgala sela sa go ba nyenya. Go na le go gongwana fote ga gore re ka fo lebelela motho, ra napa re fetsiye ka yene. Gana byalo tla re bolaboleneng ka taba ya mo motho a na le sekwetše.

8. Lefitiko 19:15 yi šupetsa byang gore motho wa go ghanya kela wa go hlopega re ka tšhoga re mo tshwere ka mokgwa wa gore a wo gabutši?

⁸ Se sengwana so se ka ga makang gore re tseyele batho fase ke gore ba ghannye kela baa hlopega. Lefitiko 19:15 yi re: “Le sa nyenyi ba go tihlopegela kela la kwana ka matla le ba go ghanya. Mo o yahlola motho wa geno o sa mo tshware lešidi.” Tsa gore motho o ghannye kela wa hlopega di yelana byang le tsa gore re mo tshwara byang?

9. Nnete ya go kwisa go baba yo yi hlayyeng ke Solomoni ke ya gore king, fote re tšhuta ying ga taba yonone?

⁹ Moya wa go hlawolega o yye wa tšhofa Solomoni go hlaya selo se sengwana sa go baba ka batho ba gore a baa yenela gabutši mmeleng. Ga Diyema 14:20, o re: “Monna wa go hlopega o hloyye ke mong bayagelane bage, mara motho wa go ghanya o na le banghana ba go tlala.” Seyema sowa se re tšhutisa ying? Mo re ka sa pasope, o ka kraya le rune re šele re nyaka go nghanelana le magageru ba gore ba yemme gabutši ke mokane ra nyenya ba nkare baa tihlopegela. Ke ntaba go le kotsi go kala batho go ya le ka gore ba yemme byang ka tsa lephelo?

10. Jakobo o bolabodiye ka bothata bofeng?

¹⁰ Mo re kala batho ka tso ba nang natso, re ka tšhoga re makiye gore ka ho phutegong batho ba sa be selo ka ssoši. Jakobo wa lelata o yye a hlaya gore taba yononeng yi yye ya maka gore diphutego tse dingwana tsa ku botala di sa mamarelane. (Bala Jakobo 2:1-4.) Di nyaka re sa lesetse dilo tsa mohlobo wonone di kena ka ho diphutegong tsa rune. Re ka maka byang gore re lwe le dilo tsa mošaga wonone tsa go fo lebelela motho ra ba re fetsiye ka yene?

11. Senghana sa motho le Jehova se kena kaye ga tso motho a nang natso? Hlatolla.

¹¹ Le rune di nyaka re tseyele ga Jehova, re lebelele magageru ka mokg’o a ba lebelelang ka gona. Jehova aa nyake motho ka taba la gore o  ghannye kela wa hlopega. Senghana sa rune le Jehova a se yamane felo le gore re na le ying kela re gayela ying. Ke nnete gore Jeso o yye a hlaya gore “di ka sa be lola ga nghamula gore yi kene Mmušong wa magedimo,” mara ke mo a sa re gore di ka sa kgonege. (Mat. 19:23) Fote, Jeso o yitseri: “Go jabola lune ba go tihlopegela, ka taba la gore Mmušo wa Modimo ke wa lune.” (Luka 6:20) Ke mo a sa re gore ba go tihlopegela ke bona ba le ntoši ba nyoko rufiwang kela ba nyoko theetselang tso Jeso a di tšhutisiyeng. Ba go tlala ba go hlopega a baa mo theetsela. Mara taba ke yowa: Re ka sa nape re re senghana sa motho le Jehova se tiyelele, re lebelele gore o ghannye kela wa tihlopegela.

12. Mangwalo ma re king ga batho ba go ghanya le ba go tihlopegela?

¹² Re rufiwwe ka bobhuti le bosesi ba go tlala ka ho phuthegong, ba go ghanya le ba gore a ba napa ba yema gabutši, ba gore ga Jehova ba mo nyaka ka matla. Mangwalo ma botsa bo ba ghannyeng gore “ba sa tshepe makgumo ya gore a ma tshepege, ba tshepe Modimo.” (Bala 1 Thimothi 6:17-19.) Fote Lentsu la Modimo le botsa batho ba Modimo ka mokana ga bona, ba go ghanya le ba go tihlopegela, gore ba pasope ba sa kraye ba šele ba nyaka tšheleta ka matla. (1 Thim. 6:9, 10) Nnete ke gore mo re tseya magageru ka mokg’o Jehova a ba tseyang ka gona, re ka sa kraye re ba kala go ya le ka gore ba na le ying kela a ba na ying. Byalo mo motho go le ye mogolo kela ye monyana gee? Ayitsano le gana hone re ka napa re yahlolana? Tla re petapeteneng le ka yonone.

13. Mangwalo ma re tšhutisa ying ga taba ya go hlompa batho ba bagolo?

¹³ Mangwalo ma re botsa gatleletlele gore re hlompe ba bagolo ga rune. Lefitiko 19:32 yi re: “Ho o le mahlong ga hlogotšhwewu, o tlogamele, fote monna ye a kgalabyeleng o mo hlompe, fote o tšhabe Modimo wago.” Diyema 16:31 le yona yi re botsa tsotsone gore “hlogotšhweu ke fapo ya go bafala mo motho a yi segelele a le tseleng ya go loka.” Le Pawulo o butsiye Thimothi gore a sa sole mokgalabye ka go mo kgwasolanya, mara a tseye gore mogageru yenene wa gore o šele ke papage. (1 Thim. 5:1, 2) Thimothi ke mo a le ka gedimo ga magageru yane ya gore ma šele ma gudiye, mara ke mo di nyaka a ba tshware di šupetsa gore o ba kwela go baba fote wa ba hlompa.

14. Go ko ba go rorebeng mo di šinya di nyaka gore re wolole kela re yeletse motho wa gore ke ye mogolo ho ga rune?

¹⁴ Mara taba yone re nyoko yi tseyela gedimo go segela kaye? Mo re beyisa, ayitsano tsotsone di ra gore mo motho wa gore o tsofele a sinyela Jehova ka bomu kela a tšhutisa taba ya gore a yi nnete, rune re fo mo lesetsa? Jehova aa yi ka gore motho o yemegiye byang fote a ka sa fo lesetsa motho a sinya ka bomu a re yene o šele a tsofele. Bona tšhiko yo yi leng howa ga Jesaya 65:20, ya gore: “Ye a sinyang o nyoko patela, le mo a ka fo ba a na le lekgolo la mengwaga.” Hezekiyele o yye a yi bona taba ya go tshwana le yonone. (Hezek. 9:5-7) Byalo, di nyaka re hlopege ka matla ka go hlompa Jehova Modimo, yene wa Botalatala. (Dan. 7:9, 10, 13, 14) Mo re ka fo maka ka mokgonone, re ka sa tšhabe go wolola motho mo a tšwa pateng, le mo go ka fo ba go le ye mokaye.—Magal. 6:1.

15. Pawulo wa lepostola o re tšhutisa ying ka taba ya go hlompa magageru bo ba gore ba sa gola?

¹⁵ Byalo magageru bo go leng mathari ba ka ho phutegong gee? O ba tseya byang? Nakwela Pawulo wa lepostola a ngwalela mosogana ye ba reng ke Thimothi borifi, o yitseri: “O sa lesetse motho a go tseyela fase ka taba la gore o sa le mosogana. Wene maka gore bo ba go tshepega ba tseyele gago ka mabolabolelo, maphelelo, lerato, tumelo le go yela gago.” (1 Thim. 4:12) Ho Pawulo a ngwala mantsu yawa, nkare Thimothi ke mo a le gana hala ga bo 30 ya mongwaga. Mara mmereko wo Pawulo ne a mo neyye wona ke mo go le wo mogolo ka matla. Le ho re sa nape re tšiba gabutši gore ke ntaba a mmutsiye tsotsone, tso a mmutsiyeng tsona di  kwala gabutši. Re ko ba re sa make tsona mo re fo kala magageru bo go sa leng mathari re lebelele gore ba na le mengwaga ka mekaye. Tla re sa lebaleneng gore le Morena wa rune Jeso o makiye mmereko wage wa go tšhomayela ho lefaseng a sa le gana hala ga bo 30 ya mongwaga.

16, 17. (a) Bagolo ba bona ka ying gore ngwaneru a ka ba lelata kela mogolo? (b) Ka mokgo motho a bonang dilo kela setšo o ka kraya go sa tšhayisane gabutši le Mangwalo mo go segela kaye?

¹⁶ Setšo sa rune go ka fo ba go le sela sa gore banna ba gore ba saa gola, ba tseyediwa fase. Mo nkare go ka mokgonone, o ka kraya bagolo ka ho phutegong ba jikajika go bolabolela ngwaneru gore a be lelata kela mogolo. Di nyaka bagolo ka mokana ga bona ba di tšibe tsa gore ka ho phutegong, a go na mo Mangwalo ma hlayang gore motho a be mogolo kela lelata mo a le ye mokaye ka bogolo. (1 Thim. 3:1-10, 12, 13; Tito 1:5-9) Mo mogolo a tseya motho go le ye mogolo a lebelele setšo, aa make dilo go ya ka Mangwalo. A re yi ka gore mang o re king kela setšo se re king mo re kgeta banna mo ba kene ba gola ho phutegong, re ba kala ka Lentsu la Modimo.—2 Thim. 3:16, 17.

¹⁷ Bona gore go kala banna ba gore baa tshwanelega ka setšo sa gore a se yelane le Mangwalo go ka ba tshwarelela go segela kaye. Ga naga ye nngwana, lelata ka ho phutegong ke mo le maka dilo gabutši fote ba le neyye mmereko wa go tlala. Bagolo ba phutego yone ke mo ba dumela gore ngwaneru yewa o di maka gabutši tso Mangwalo ma di bolabolang fote go ka ba mogolo, mara ke mo ba sa mmolabolele gore a hlawodiwe. Bagolo ba bangwana ba gore bona ba šele ba kgalabyele, ke mo ba ngangarele ga taba ya gore mogageru yewa ke ye monyana mo o mo lebelele, le mo a ka kgetiwa, o ka sa nape o tshepa gore ke mogolo. Sa go baba ka matla ke gore ngwaneru yewa a baa mo kgeta gore go be mogolo ka taba la gore mo o mo lebelele wa solega. Le mo re tšiba taba yonowa fela, di tlele tso re di kwelelang lefaseng ka mokana ga lona tsa go yelana le tsotso. Re ko ba re maka gabutši ka matla mo re maka tso di hlayang ke Mangwalo, re sa make dilo re lawola ke setšo kela gore rune re di bona byang! Yonone ke yona fela tsela ya go šupetsa gore re theetsela Jeso fote a re kale motho ka go fo mo lebelela ka tawong ra ba re šele re fetsiye ka yene.

18, 19. Di nyaka re make ying gore re thogo tseya batho ka mokg’o Jehova a ba tseyang ka gona?

¹⁸ Le mo re sa yenela gabutši mmeleng, re ka di kgona go yekisela Jehova, re sa hlawole batho ba bangwana. (Meber. 10:34, 35) Mara di nyaka re karakara le go tigopotsa tso di bolabolang ke Lentsu la Modimo. Mo re ka berekisa dilo tsowa re gopotsiwweng tsona, re nyoko šupetsa gore re gatela mahlong mo re kene re theetsela Jeso mo a re re sa fo lebelela motho ka tawong ra ba re šele re fetsiye ka yene.—Joh. 7:24.

¹⁹ Go se botala, Kgoši ya rune, Jeso Kreste, o nyoko yahlola batho ka mokana ga bona, a ka sa ye ka gore motho o byang ka ho tawong kela a ya ka tso a di kweleleng, o nyoko yahlola ka go loka. (Jes. 11:3, 4) Tsotsone a yi go jabodisa ga tsona wa tšiba!