စိတ်ရှည်ခြင်း—မျှော်လင့်ချက်ဖြင့် ခံနိုင်ရည် တင်ပြခြင်း
နောက်ဆုံးကာလမှာ ဖိစီးမှု ပိုများလာတဲ့အတွက် ယေဟောဝါရဲ့ လူမျိုးဟာ အရင်ကထက် စိတ်ရှည်ဖို့လိုအပ်တယ်။ (၂ တိ. ၃:၁-၅) စိတ်မရှည်တဲ့သူ၊ ကိုယ့်ကိုယ်ကိုယ်ချစ်တဲ့သူ၊ ညှိနှိုင်းလို့မရတဲ့သူ၊ ချုပ်တည်းခြင်းမရှိသူတွေအလယ်မှာ ကျွန်တော်တို့ အသက်ရှင်နေကြတယ်။ ဒါကြောင့် ‘ငါလည်း စိတ်မရှည်တဲ့သူ ဖြစ်နေပြီလား။ လောကရဲ့ စိတ်မရှည်တဲ့သဘောထား ငါ့ကို ကူးစက်နေပြီလား။ စစ်မှန်တဲ့ စိတ်ရှည်ခြင်းဆိုတာ ဘာလဲ။ ဒီအရေးကြီးတဲ့ အရည်အသွေး အမြဲရှိနိုင်ဖို့ ဘာလုပ်ရမလဲ’ လို့ ခရစ်ယာန်တိုင်း ကိုယ့်ကိုယ်ကိုယ် မေးသင့်တယ်။
စိတ်ရှည်ခြင်းဆိုတာ ဘာလဲ
ကျမ်းစာအရ စိတ်ရှည်ခြင်းဆိုတာ အခြေအနေတစ်ခုကို သည်းခံနေခြင်းထက်မက ပါဝင်တယ်။ စိတ်ရှည်တဲ့သူဟာ အခြေအနေကောင်းလာမယ်လို့ မျှော်လင့်ရင်း ခံနိုင်ရည် တင်ပြတယ်။ ကိုယ့်အတွက်ပဲ မစဉ်းစားဘူး။ တခြားသူတွေ၊ ကိုယ့်ကို မတရားဆက်ဆံသူတွေ၊ စိတ်ဆိုးအောင်လုပ်သူတွေအတွက်တောင် ထည့်စဉ်းစားပေးတယ်။ သူတို့နဲ့ ဆက်ဆံရေး ပြန်ကောင်းလာမယ်လို့ မျှော်လင့်တယ်။ ဒါကြောင့် “စိတ်ရှည်ခြင်း” ကို မေတ္တာကနေ ပေါက်ဖွားလာတဲ့ ဦးဆုံးအရည်အသွေးအဖြစ် ကျမ်းစာမှာ ဖော်ပြတယ်။ * (၁ ကော. ၁၃:၄) “စိတ်ရှည်ခြင်း” ဟာ “စွမ်းအားတော်ကြောင့် ဖြစ်ပေါ်လာတဲ့ အရည်အသွေးတွေ” မှာလည်း ပါတယ်။ (ဂလ. ၅:၂၂၊ ၂၃) ဒီအရည်အသွေးကို မွေးမြူဖို့ ဘာလိုအပ်သလဲ။
စိတ်ရှည်ခြင်း မွေးမြူနိုင်ပုံ
စိတ်ရှည်ခြင်း အရည်အသွေးကို မွေးမြူဖို့ ယေဟောဝါရဲ့ စွမ်းအားတော် အကူအညီ တောင်းခံရမယ်။ ဘုရားက ယုံကြည်ကိုးစားတဲ့သူတွေကို စွမ်းအားတော် ပေးတယ်။ (လု. ၁၁:၁၃) စွမ်းအားတော်က အစွမ်းထက်ပေမဲ့ ကိုယ့်ဘက်က ဆုတောင်းချက်တွေနဲ့အညီ လုပ်ဆောင်ဖို့ လိုတယ်။ (ဆာ. ၈၆:၁၀၊ ၁၁) နေ့တိုင်း စိတ်ရှည်ခြင်းအားဖြင့် စိတ်ထဲ ဒီသဘောထား အမြစ်စွဲနေဖို့ အတတ်နိုင်ဆုံး ကြိုးစားရမယ်။ အမြဲတော့ မအောင်မြင်နိုင်ဘူး။ အောင်မြင်ဖို့ ဘာက ကူညီပေးမလဲ။
ယေရှုရဲ့ ပြည့်ဝစုံလင်တဲ့ ပုံသက်သေကို ဆန်းစစ် တုပခြင်းအားဖြင့် စိတ်ရှည်သူတွေ ဖြစ်လာနိုင်ပါတယ်။ တမန်တော် ပေါလုက “စိတ်ရှည်ခြင်း” ပါဝင်တဲ့ “စရိုက်သစ်” အကြောင်း ရေးပြီး “ခင်ဗျားတို့ရင်ထဲမှာ ခရစ်တော်ရဲ့ ငြိမ်သက်ခြင်း စိုးမိုးပါစေ” လို့ ပြောတယ်။ (ကော. ၃:၁၀၊ ၁၂၊ ၁၅) အဲဒီငြိမ်သက်ခြင်း “စိုးမိုး” နိုင်ဖို့ ယေရှုရဲ့ ပုံသက်သေကို တုပပါ။ ဘုရားသခင်က ကျွန်တော်တို့ စိုးရိမ်နေတဲ့ ကိစ္စတွေကို သတ်မှတ်ထားတဲ့အချိန်မှာ တည့်မတ်ပေးမယ်ဆိုတာ အပြည့်အဝ ယုံကြည်ပါ။ ဒါဆိုရင် ပတ်ဝန်းကျင်မှာ ဘာတွေပဲဖြစ်နေပါစေ အမြဲစိတ်ရှည်တဲ့သူ ဖြစ်နိုင်ပါလိမ့်မယ်။—ယော. ၁၄:၂၇။ ၁၆:၃၃။
၂ ပေ. ၃:၉) ယေဟောဝါရဲ့ စိတ်ရှည်ခြင်းအကြောင်း စဉ်းစားမယ်ဆိုရင် တခြားသူတွေအပေါ် ပိုစိတ်ရှည်ဖို့ လှုံ့ဆော်ခံရပါမယ်။ (ရော. ၂:၄) စိတ်ရှည်ဖို့ လိုအပ်တဲ့ အခြေအနေတချို့က ဘာတွေလဲ။
ဘုရား ကတိပြုထားတဲ့ ကမ္ဘာသစ်ကို အမြန်ရောက်စေချင်ပေမဲ့ ယေဟောဝါရဲ့ စိတ်ရှည်ခြင်းအကြောင်း တွေးတောဆင်ခြင်ခြင်းအားဖြင့် ပိုစိတ်ရှည်တတ်လာမယ်။ “နှောင့်နှေးတယ်လို့ လူတချို့ ထင်ပေမဲ့ တကယ်တော့ ယေဟောဝါဟာ မိမိကတိနဲ့ပတ်သက်လာရင် မနှောင့်နှေးပါဘူး။ ဘုရားသခင် စိတ်ရှည်ရတဲ့ အကြောင်းရင်းက ဘယ်သူ့ကိုမှ မပျက်စီးစေချင်လို့၊ လူအားလုံးကို နောင်တရစေချင်လို့ပါ” ဆိုပြီး ကျမ်းစာမှာ ပြောတယ်။ (စိတ်ရှည်ဖို့ လိုအပ်တဲ့ အခြေအနေများ
စိတ်ရှည်ဖို့ လိုအပ်တဲ့ အခြေအနေတွေ နေ့တိုင်း ကြုံရတတ်တယ်။ ဥပမာ၊ ကိုယ့်မှာ အရေးတကြီး ပြောချင်တာရှိပေမဲ့ တခြားသူတွေကို ကြားဖြတ်မပြောမိအောင် စိတ်ရှည်ဖို့ လိုတယ်။ (ယာ. ၁:၁၉) ယုံကြည်သူချင်းတွေရဲ့ စိတ်ကသိကအောက် ဖြစ်စရာ အကျင့်တချို့ကို သည်းခံပေးဖို့ လိုအပ်နိုင်တယ်။ အကဲဆတ်လွန်းမယ့်အစား ကျွန်တော်တို့ရဲ့ အားနည်းချက်တွေကို ယေဟောဝါနဲ့ ယေရှု ဘယ်လို တုံ့ပြန်တယ်ဆိုတာ စဉ်းစားသင့်တယ်။ ကျွန်တော်တို့ရဲ့ အသေးအဖွဲ ချို့ယွင်းချက်တွေကို ပုံကြီးမချဲ့ဘူး။ အဲဒီအစား အရည်အသွေးကောင်းတွေကို အာရုံစိုက်ပြီး တိုးတက်ဖို့ ကြိုးစားတာကို စိတ်ရှည်ရှည် စောင့်ပေးတယ်။—၁ တိ. ၁:၁၆။ ၁ ပေ. ၃:၁၂။
စိတ်ရှည်ခြင်းကို စမ်းသပ်မှုဖြစ်စေတဲ့ နောက်အခြေအနေတစ်ခုကတော့ ကိုယ့်အမှားကို တစ်ယောက်ယောက်က ထောက်ပြတဲ့အခါမျိုးမှာ ဖြစ်နိုင်တယ်။ ချက်ချင်း စိတ်ဆိုးပြီး ဆင်ခြေပေးမိနိုင်တယ်။ ဒါပေမဲ့ ကျမ်းစာမှာ “စိတ်ရှည်တာက စိတ်မောက်မာတာထက် ပိုကောင်းတယ်။ ထစ်ခနဲဆို မကျေမချမ်း မဖြစ်နဲ့။ မကျေမချမ်း ဖြစ်တာဟာ ဉာဏ်တိမ်သူတွေရဲ့ ရင်ထဲမှာ ကိန်းအောင်းနေတတ်တယ်” လို့ ပြောတယ်။ (ဒေ. ၇:၈၊ ၉) စွပ်စွဲချက်က လုံးဝ မှားနေတယ်ဆိုရင်တောင် တစ်ခုခု မတုံ့ပြန်ခင် စိတ်ရှည်ရှည်ထားပြီး စဉ်းစားပါ။ ယေရှုလည်း ကဲ့ရဲ့ခံရတဲ့အခါ အဲဒီလို စိတ်ရှည်ခဲ့တယ်။—မ. ၁၁:၁၉။
အထူးသဖြင့် မိဘတွေဟာ သားသမီးတွေရဲ့ ဉာဉ်ဆိုးတွေကို ကိုင်တွယ်တဲ့အခါ စိတ်ရှည်ရမယ်။ စကင်ဒီနေးဗီးယားဗေသလမှာ အမှုဆောင်နေတဲ့ မက်သီးယပ်အကြောင်း စဉ်းစားကြည့်ပါ။ ယုံကြည်ချက်ကြောင့် ကျောင်းမှာ သူကဲ့ရဲ့ခံခဲ့ရတယ်။ အစပိုင်းတော့ မိဘတွေ မသိကြဘူး။ ဒါပေမဲ့ အမှန်တရားအပေါ် သံသယဝင်လာတာကိုတော့ သတိထားမိတယ်။ အတော်စိတ်ရှည်ဖို့ လိုတယ်လို့ ဖခင်ဖြစ်သူ ယီလစ်ပြောတယ်။ “ဘုရားက ဘယ်သူလဲ။ ကျမ်းစာဟာ တကယ်ပဲ ဘုရားရဲ့ စကားလား။ ကျမ်းစာမှာပါတာတွေက တကယ်ပဲ ဘုရား တောင်းဆိုထားတာလား။ အဖေတို့လို မယုံကြည်ရင်ကော ဘာလို့ အပြစ်တင်ခံရမှာလဲ” လို့ မက်သီးယပ် မေးလေ့ရှိတယ်။
“တစ်ခါတလေ မက်သီးယပ်က မိဘကို အာခံတာ မဟုတ်ပေမဲ့ သူလိုက်နာရခက်တယ်လို့ ယူဆတဲ့ အမှန်တရားတွေကို မေးခွန်းထုတ်လေ့ရှိတယ်” လို့ ယီလစ်
ပြောတယ်။ ယီလစ် ဘာလုပ်ခဲ့သလဲ။ “သားအဖနှစ်ယောက် အတူထိုင်ပြီး အကြာကြီး စကားပြောကြတယ်။ သူ့ရဲ့ခံစားချက်နဲ့ ရှုမြင်ပုံတွေကို သိလာအောင် နားထောင်ပေးပြီး တစ်ခါတလေ မေးခွန်းတွေ မေးတယ်။ အကြောင်းအရာကို ပြန်မဆွေးနွေးခင် အချိန်ယူ စဉ်းစားခိုင်းတယ်။ သူ့မေးခွန်းတွေကို ပြန်ဖြေနိုင်ဖို့ ကိုယ်တိုင် အချိန်ယူရတဲ့အခါတွေလည်း ရှိတယ်။ အဲဒီလို ပုံမှန်စကားပြောဖြစ်တဲ့အခါ ရွေးဖိုး၊ ဘုရားသခင့်အချုပ်အခြာ အာဏာ၊ ယေဟောဝါရဲ့ မေတ္တာစတဲ့ သွန်သင်ချက်တွေကို မက်သီးယပ် တဖြည်းဖြည်း နားလည်လက်ခံလာတယ်။ အချိန်ယူရပေမဲ့၊ ခက်ပေမဲ့ ယေဟောဝါကိုချစ်တဲ့ သူ့ရဲ့မေတ္တာ တိုးများလာတယ်။ လက်မလျှော့ဘဲ စိတ်ရှည်ရှည် ကူညီပေးခဲ့လို့ ကျွန်တော်တို့ သိပ်ပျော်တယ်” ဆိုပြီး ယီလစ်ပြောတယ်။သားဖြစ်သူကို စိတ်ရှည်ရှည် ကူညီပေးရင်း သူတို့ဇနီးမောင်နှံဟာ ယေဟောဝါကို ယုံကြည်ကိုးစားကြတယ်။ “သားကိုချစ်လွန်းလို့ ယေဟောဝါရဲ့ အကူအညီကို ခါတိုင်းထက် ပိုတောင်းခံတယ်” လို့ ယီလစ် ပြောတယ်။ အဲဒီလို စိတ်ရှည်ခဲ့ကြလို့ ကျေးဇူးတင်စရာပါပဲ။
ခရစ်ယာန်စစ်တွေဟာ ဘုရားရေးရာဘက် ကူညီပေးရာမှာသာမက ဖျားနာနေတဲ့ မိသားစုဝင်တွေ၊ မိတ်ဆွေတွေကို ပြုစုစောင့်ရှောက်ရာမှာလည်း စိတ်ရှည်မှု ပြရမယ်။ စကင်ဒီနေးဗီးယားမှာနေတဲ့ အယ်လင်ရဲ့အဖြစ်ကို သုံးသပ်ကြည့်ပါ။ *
လွန်ခဲ့တဲ့ရှစ်နှစ်က အယ်လင်ရဲ့ခင်ပွန်းဟာ နှစ်ကြိမ် လေဖြတ်ပြီး ဦးနှောက်ထိသွားတဲ့အတွက် ဝမ်းသာတာ၊ ဝမ်းနည်းတာတွေ မသိတော့ဘူး။ အယ်လင်အတွက် သိပ်ခက်တယ်။ “အတော်စိတ်ရှည်ပြီး အကြိမ်ကြိမ် ဆုတောင်းခဲ့ရတယ်။ ‘အစွမ်းခွန်အားပေးတဲ့ ဘုရားသခင်ကြောင့် အရာရာကို စွမ်းဆောင်နိုင်တယ်’ ဆိုတဲ့ ဖိလိပ္ပိ ၄:၁၃ က ကျွန်မအကြိုက်ဆုံး ကျမ်းချက်ပဲ” လို့ အယ်လင် ပြောတယ်။ ယေဟောဝါပေးတဲ့ ခွန်အားနဲ့ အကူအညီကြောင့်သာ ခံနိုင်ရည်ရှိရှိ စိတ်ရှည်ခဲ့တာပါ။—ဆာ. ၆၂:၅၊ ၆။
ယေဟောဝါရဲ့ စိတ်ရှည်ခြင်းကို တုပပါ
စိတ်ရှည်ရာမှာ အကောင်းဆုံး ပုံသက်သေဟာ ယေဟောဝါပါပဲ။ (၂ ပေ. ၃:၁၅) ယေဟောဝါ စိတ်ရှည်ကြောင်း ဖော်ပြတဲ့ ကျမ်းစာမှတ်တမ်း များစွာရှိတယ်။ (နေ. ၉:၃၀။ ဟေရှာ. ၃၀:၁၈) ဥပမာ၊ သောဒုံမြို့ကို ဖျက်ဆီးဖို့ ဆုံးဖြတ်တာကို အာဗြဟံ မေးခွန်းထုတ်တဲ့အခါ ယေဟောဝါ ဘယ်လို တုံ့ပြန်သလဲ။ အာဗြဟံပြောတာကို ကြားမဖြတ်ဘဲ စိတ်ရှည်ရှည် နားထောင်ပေးတယ်။ အာဗြဟံ စိုးရိမ်နေတဲ့ကိစ္စကို ပြန်ပြောပြီး မြို့ထဲမှာ ဖြောင့်မတ်သူ ဆယ်ယောက်ရှိရင်တောင် မဖျက်ဆီးဘူးလို့ ကတိပေးတယ်။ (က. ၁၈:၂၂-၃၃) ယေဟောဝါဟာ အမြဲ စိတ်ရှည်ရှည် နားထောင်ပေးတယ်။ ဘယ်တော့မှ လွန်လွန်ကဲကဲ မတုံ့ပြန်ဘူး။
စိတ်ရှည်ခြင်းဟာ ခရစ်ယာန်တိုင်း ဝတ်ဆင်သင့်တဲ့ စရိုက်သစ်တစ်ခုပါပဲ။ စိတ်ရှည်ခြင်းကို ကြိုးစားမွေးမြူမယ်ဆိုရင် ဂရုစိုက်ပြီး စိတ်ရှည်တဲ့ ယေဟောဝါဘုရားကို ဂုဏ်တင်ရာရောက်သလို “ယုံကြည်ခြင်း၊ စိတ်ရှည်ခြင်းကြောင့် ကတိတော်ကို အမွေရခဲ့သူတွေ” ထဲမှာလည်း ပါဝင်ခွင့်ရပါလိမ့်မယ်။—ဟီ. ၆:၁၀-၁၂။
^ အပိုဒ်၊ 4 မေတ္တာအရည်အသွေးကို စွမ်းအားတော်ကြောင့် ဖြစ်ပေါ်လာတဲ့ အရည်အသွေး ကိုးခုအကြောင်း ဖော်ပြတဲ့ ဦးဆုံးဆောင်းပါးမှာ ဆွေးနွေးထားတယ်။
^ အပိုဒ်၊ 15 အမည်လွှဲ။