DI NYAKA gore batho ba Jehova ba lefise dipelo ka matla ka taba la gore ba kgahleletsa ke dilo tsa go tlala tsa ‘dinako tso tsa mafelelo.’ (2 Thim. 3:1-5) Re dukulugele ke batho ba gore ba bangwana baa tipona, ba go fo phiga kwano ye nngwana le ye nngwana le ba go sa kgone go titshwara. Batho bo ba makang tsotsone, ga go tlala a ba lefisi pelo. Byalo Mokreste ye mongwana le ye mongwana o tshwanele a tiputsise gore: ‘Ayitsano ke na le moya wa bokokonono wa gore ke wo tsheletsiye ke lefase lo? Anthe gabutši go lefisa pelo king? Nka maka byang gore mokgwa wowa wa Sekreste go be selo sa gore ke ngangarele ga sona?’

Mo Baebele yi šala yi bolabola ka lentsu lowa la go lefisa pelo, a yi bolabole ka go fo tiyisela mo go thatafiye. Motho wa go lefisa pelo ga tsa Modimo o tiyisela a di tšiba gore o makela ying. Mo ba phiriketsana aa yi ka gore yene o tikwa byang, o naganela motho ye mongwana. Ka taba lone, mo motho yene ba mo lebela kela ba mo šuhlašuhla, aa lahle tewu a nagana gore go ka sa sa loka. A di makatse gore Baebele yi beyye “go lefisa pelo” ku mathomisong ga letheto la dilo tsa go tlala tsa gabutši tsa gore di tšwa ga lerato. * (1 Makor. 13:4) Fote Lentsu la Modimo le re “go lefisa pelo” ke se sengwana sa “diyengwa tsa moya.” (Magal. 5:22, 23) Mara byalo, di nyaka re make ying gore re thogo lefisa pelo?

Gore re thogo lefisa pelo, di nyaka re rapelele moya wa Jehova gore o re gelepe, o wo neya bo ba mo tshepang. (Luka 11:13) Moya wa Modimo wona wo na le matšhika, mara di nyaka re berekisana nawo le go maka dilo ka go yelana le so re se rapelelang. (Pis. 86:10, 11) Sosone se ra gore re karakare gore re tšhute go lefisa pelo, ke mokane re ko thogo maka gore di kikitelege ka ho dipelong tsa rune. Mara di nyaka re bereka ka matla gore ka moka matšatši re lefise pelo. Re ka gelepa king se sengwana?

Tsa go lefisa pelo re ka di kgona ho re ka fo kopisela ga tsa gabutši tso di makiyeng ke Jeso. Moya wo yye wa tšhofa Pawulo gore a bolabola ka tso Jeso a di makiyeng, o bolabodiye ka “motho wa nyuwane,” gana hone go kena le “go lefisa pelo,” ke mokane a re re ‘lesetse go beba ga Kreste go lawole dipelo tsa rune.’ (Makol. 3:10, 12, 15) Re ka maka gore go beba hone go “lawole” dipelo tsa rune mo re tshepa re sa thogathoge go tshwana le Jeso gore Modimo o nyoko tla a re lukisela dilo ka nako yage. Mo re kopisela ga Jeso, go ka sa be le so se re wokang, ra lesetsa go lefisa pelo, le mo go ka ba go makiye byang.—Joh. 14:27; 16:33.

Le mo lefase lo Modimo a re tshepisang lona re le yemele ka mahlo ya makhubedu, re tšhuta gore re fo ya mahlong re lefisiye pelo mo re kene re di bona gore Jehova le yene o re lefisela pelo. Mangwalo ma re tshepisa gore: “Jehova aa nanankele ga tso a di tshepisiyeng, go tshwana le ka mokg’o batho ba bangwana ba tseyang gore wa nanankela, mara o le lefisela  pelo ka taba la gore aa nyake go ba le ye a psyitlanyiwang, mara o nyaka gore batho ka mokana ga bona ba šinye ba sokologa.” (2 Pet. 3:9) Mo re kene re ghayela ka taba ya gore Jehova o re lefisela pelo, ayitsano a re kwe di re tšhofa gore le rune re lefisele batho ba bangwana pelo? (Maroma 2:4) Re sa le gana hone, go lefisa pelo go nyoko nyakega mo go nyarela tsa mohlobo mang?

Ka moka matšatši go ka fo nyarela so se nyakang gore re lefise pelo. Mo re beyisa, mo o ka fo kwa nkare go na le taba ye kgolo yo o nyakang go yi bolabola, di ka fo nyaka gore o lefise pelo gore o sa tshware ba bangwana molomo. (Jak. 1:19) Fote di ka fo nyaka o lefisa pelo mo o gahlanne le magageru ya gore ma ka fo ba ma maka dilo tsa go go silikisa. O sa nape o fufulela o maka ke dilo tsone, o ko ba o šupetsa gore o hlalefiye mo o nagana gore Jehova le Jeso ba re tseya byang mo rune re maka tsa go kekema. Dilo tsone tse dinyana a ba fo dula ba di gorolele mahlo. Ba lebelela tse dibutši ho ga rune, ke mokane ba re lebelela ba kene ba lefisiye pelo gore re karakara go segela kaye.—1 Thim. 1:16; 1 Pet. 3:12.

Mo motho a re re bolabodiye matsaka kela a re a ra maka tsona, le gana hone re ka kwa di roba go lefisa pelo. Ga go tlala re ka yakgoswa re toba le go leketsa go tikemelela. Mara, Lentsu la Modimo le re re make sa go fapana le sosone. Le re: “Di kawone go lefisa pelo go feta go ba le magetla. O sa yakgoswele go kwata, ka taba la gore go kwatakwata go tlele sekgubeng sa ditlayela.” (Mmo. 7:8, 9) Byalo, le mo ba ka fo ba ka nnete ba re bolabolela matsaka, di nyaka re lefise pelo re kene re nagana ka so re nyoko se bolabolang. Jeso o berekisiye tšhiko yone nakwela batho ba mo tewolanya tsa go tšebisa.—Mat. 11:19.

Batswadi ka matlamatla di nyaka ba lefise pelo mo ba bona nkare bana ba bona ba kekemisiye ga tsa go tshwana le mekgwa ya gore a yi yona, dilo tso ba di nabelang kela dilo tso ba tlalelang ga tsona. Tla re bolaboleneng ka Mattias, wa gore o bereka Bethele ya ku Scandinavia. Mo Mattias go sa le lethari, ba mo lebele ga go tlala ku sekolong ka taba la so a se dumelang. Mathomisong, aa botsa batswadi bage ka taba yo. Mara, ba yye ba bona gore morwayi yewa wa bona o kwalele, ka gore o yye a thomisa go tiputsisa gore ayitsano ra resa mo re re re tshwere nnete. Papa wa Mattias ye ba reng ke Gillis o re: “Seyemo sone ke mo se nyaka ke lefise pelo.” Mattias ke mo a na le go butsisa gore: “Modimo ke mang? Byalo mo nkare Baebele a yi Lentsu la Modimo gee? Re tšiba ka ying gore nnete ke Modimo ye a nyakang sela le sela ho ga rune?” Ke mo a fela a botsa papage a re: “Ke ntaba o nsola mo ke sa bone dilo kela go dumela tso lune le di dumelang?”

Gillis o re: “Morwayi yewa wa rune ke mo a butsisa dilo tsone ka mokana ga tsona a kwatiye, mara a sa kwatisi ke nna kela mmane wage, ke mo a kwatisa ke nnete, ka taba la gore ke mo a bona nkare yi maka gore lephelo lage le babe.” Byalo Gillis o yye a maka byang ka taba yowa? O re: “Nna le morwayi waka re fela re dula fase re fetsa diawara re fo tipolabolela. Ga go tlala ke mo ke fo theetsela, le go fo lahlela putsiso hala le hala gore ke thogo bona ka mokgo a tikwang le go bona dilo. Go gongwana ne ke mo hlatollela taba ke mokane ke mmotsa gore a nagane ka yona ho letšatšing kela mo re soko tla re bolabola ka yona. Ka dinako tse  dingwana ke mo ke mmotsa gore ke kgopela a nneye matšatši gore ke thogo nagana ka taba yage. Mo re kene re bolabodisana gatleletlele le Mattias, ka gonyana ka gonyana a thomisa go kwisisa le go dumela ditaba tsa go tshwana le go lepolla, gore Modimo ke kgoši le gore Jehova o re nyaka ka matla. Go tsere nako, fote ga go tlala ke mo go yinugela, mara ka gonyana ka gonyana, go segele le ho a nyakang Jehova ka pelo yage ka mokana ga yona. Nna le mosadi waka re jabodiye ka matla gore mo re kene re lefisiye pelo re leketsa go gelepa morwayi yewa wa rune nakwela go sa le lethari, di segelele pelo yage.”

Gillis le mosadi wage ba yye ba mo tshepa ga Jehova, gore o nyoko ba nabo mo ba kene ba lefisiye pelo ba leketsa go gelepa morwayi wa bona. Mo Gillis a nagana tsa ku nthago o re: “Ke butsiye Mattias ga go tlala gore re mo nyaka ka matla nna le mmane wage, ra šinya re rapela re šwennye gore Jehova a mo gelepa go kwisisa.” Batswadi bone ba jabodiye ka matla gore ba yye ba lefisa pelo!

Mo Makreste ya mannete ma kene ma karakara ma gelepa ba mitšing ya bona ka tso tsa Modimo, di nyaka ma lefise pelo ho go na le ye mongwana wa lešaga kela monghana wa gore o kenne ke bolwele bya gore a bo fole. Nagana ka Ellen, * wa gore le yene o dula Scandinavia.

Monna wa Ellen o yye a teya ke setorowuku gabedi ga mabala (8) ya mengwaga ya go fela. Tsotsone di makiye gore a kwe nkare a go na ye a tihlopang ka yene, ye a mo jabolelang kela ye a mo kwelang go baba. Seyemo sone se baba ka matla ga Ellen. O re: “Ke yye ka lefisa pelo ka matla le go rapela ke sa fetse. Lengwalo lo le njabodisang ka matla la gore la nkgomoletsa ke la Mafilipi 4:13, ya gore: ‘Ga dilo ka mokana ga tsona ke na le matšhika ka taba la ye a nneyang matšhika.’” Ellen o gelepiye ke matšhika yane gore a thogo tshepa gore ka nnete Jehova o naye.—Pis. 62:5, 6.

Ke nnete gore mo re nyaka go tšhuta go lefisa pelo, re ka tšhuta ga ye mogolo wa gona ka matla, Jehova. (2 Pet. 3:15) Di tlele ka ho Baebeleng tso di šupetsang gore Jehova o yye a lefisa pelo ka matla. (Neh. 9:30; Jes. 30:18) O fo nagana ka mokg’o Jehova a yyeng a maka ka gona nakwela Abhrahama a mmutsisa ka so a nyoko se makang mo a psyitlanya Sodoma? Sa mathomo, Jehova aa mo tshwara molomo ga Abhrahama mo a kene a bolabola. Mara Jehova o yye a lefisa pelo a kene a theetsele putsiso ye nngwana le ye nngwana ya Abrahama le tso ne a šekela ka tsona. Byalo Jehova o yye a šupetsa gore ke mo a mo theetsele ga Abrahama mo a boyelela dilo tso ne di mo hlopa, a boya a mo tshepisa gore o nyoko yi lesetsa Sodoma mo a ka fo kraya go na le lesome la batho ba go loka ga mutši wonone. (Gen. 18:22-33) Yowa ke taba ye butši ya go tšhuta go lefisa pelo le go sa tabogele go maka dilo!

Ka nnete go lefisa pelo go tshwana le Modimo go šupetsa gore ke rune batho ba nyuwane fote di nyaka Makreste ka mokana ga wona ma be ka mokgonone. Mo re karakara gore re lefise pelo ka mokgonone, re thanakisa Papa wa rune wa legedimong wa gore wa re pasopa le wa gore o lefisiye pelo, fote re nyoko ba gare ga bo ‘ba yyeng ba segelela ke tso ba tshepisiwweng tsona ka taba la go dumela le go lefisa pelo.’—Maheb. 6:10-12.