ESTEBANI, grupu ma relijioniri orhejtsïkuticheri orhepani jimbo jarhasti engaksï jindeka parti 71 juesicheri, sanedrini. Jindestiksï máru achaticha engaksï sánderu kʼéri ambeka imani nasionirhu. Saserdoti Kaifási tántaasti, ima mismu enga orhejtsïkupka juisiuni engaksï uándikutarakuarhipka Jesusini (Mat. 26:57, 59; Uku. 6:8-12). Máteru ka máteru testigunksï pérasïrendi paraksï chkuanderakua ambe uandani. Jiájkani, engaksï sanedriniri anapuecha eratipka Estebanini, ískuksï pakaraspti engaksï exepka eska imeri kánharhikua ísï xarharasïrenga komueska ánjiliri ma (Uku. 6:13-15).

¿Andisï Estebani no chéni japi imani ambe jimbo enga nitamakuarhini japka? Ante deksï afuersa páni sanedrini jingoni, Estebani Tata Diosïri espiritueri jarhuajperata jimbo kánikua okupadu jarhaspti kúnguarhikuarhu (Uku. 6:3-7). Enga juisiurhu japkia, ima mismu espiritu uinhaperantaspti ka miátantaspti máru ambe (Juanu 14:16). Asta enga balori jingoni kuájpikuarhini japka relijioniri orhejtsïkutichani japarini, ambe engachi kapitulu 7 de Ukuecha jimbo arhintajka, espiritu santu úspti eska ma beinte Karakata Ebreuecheri miáuantapiringa (Juanu 14:26). Peru bisioni ma jimbo, Estebaniri jakajkukua sánderu uinhapintaspti enga exepka Jesusini Tata Diosïri ma ladu jimbo jarhani (Uku. 7:54-56, 59, 60).

Jamberi niáraati jurhiatikua engachi juchajtu no sési kánhaaka (Juanu 15:20). Engachi seguirini jauaka jorhenguarhini Bibliaeri ambe ka okupaduchi jarhani eianhpikuarhu, uákachi eskajtsïni Jeobaeri espiritu jarhuataaka. Ístuchi intsïnhaaka uinhapikua para aguantarini engachi no sési kánhaaka ka seguirinchi jarhani sési pʼikuarherani (1 Ped. 4:12-14).