სტეფანე მუშ მოწინააღმდგეეფიშ წოხოლე გერე. თინეფ ისრაელიშ უმაღლეს სასამართლოშ, სინედრიონიშ წევრეფ რენა, ნამუთ 71 მოსამართლეშე შითმოდირთუ. თინეფს არძაშ უმოს დიდ ძალაუფლება უღნა ებრაელეფ შქას. თე მოსამართლეეფ აკოშაყარუ მღვდელმთავარ კაიაფაქ, ნამუთ სასამართლოს ხემძღვანელენდჷ თიმწკუმა ხოლო, მუჟამსით მუსხირენ თუთათ ადრე იესოს ღურაშ განაჩენ გიშუღეს (მათ. 26:57, 59; საქ. 6:8—12). მუჟამსით სტეფანეს ტყურა ბრალდებეფს ეკაბრალენდეს, ართ მუდგარენ შეამჩნის, მუდგაქ მანგარო გუკვირდეს — თის „სახე ანგელოზიშ სახეშა მეუგუდ“ (საქ. 6:13—15).

მუქ მეხვარ სტეფანეს ვა უდინუაფუდკო სიმშვიდე თეცალ რთულ სიტუაციაშ დროს? სოიშახ სინედრიონშა იჸონანდესკო, თინა მთლიანო ქადაქებაშ საქმეს რდუ ჩართულ დო თიწკუმა ღორონთიშ წმინდა შურ მოქმედენდჷ (საქ. 6:3—7). სასამართლოს ხოლო სტეფანეს ღორონთიშ წმინდა შურ ამანგარენდჷ დო საჭირო სიტყვეფს გაშინანდჷ (იოან. 14:16). მუჭოთ საქმეეფიშ მა-7 დუდშე იძირე, სტეფანე გაბედულო იცვენდჷ ჭეშმარიტებას; თე დროს წმინდა შურქ თის 20-შე მეტ მონაკვეთ ქუგაშინ ებრაულ წერილეფშე (იოან. 14:26). მარა სტეფანეშ რწმენაქ უმოსო გემანგარ, მუჟამსით ხილუას ღორონთიშ მარძგვანშე გერდუნფერ იესო ძირჷ (საქ. 7:54—56, 59, 60).

შილებე ჩქი ხოლო შეფხვადათ თხოზინს დო ოშქურანჯ სიტუაციას (იოან. 15:20). ღორონთიშ სიტყვაშ რეგულარულ კითხირით დო ქადაქებაშ საქმეს სრულ მონაწილებათ, წმინდა შურს ქიმეფჩანთ თიშ საშვალებას ქიმოქმედას ჩქინწკუმა. თეს გეძინელ, თხოზინიშ დროს ძალა მუმაჩამნა დო შემალებენა ვა ვოდინუათ სიმშვიდე (1 პეტ. 4:12—14).