ON JOU, Jézi di : « On moun ka pli kontan lè i ka bay ki lè i ka rèsèvwa » (Akt 20:35). Vérité-lasa ka konsèwné lanmityé an nou èvè Jéova. Poukisa ? Jéova fè-nou onlo kado ki ka ban-nou tchè-kontan, men tchè an nou ké pli kontan ankò siwvwè nou ka fè Jéova on kado. Alò ka nou pé ba Jéova ? Pwovèb 3:9 ka di : « Ba Jéova glwa èvè sa ou ni dè méyè. » Tan an nou, sa nou kapab fè, fòs an nou é lajan an nou, sé sa nou ni « dè méyè ». Lè nou ka itilizé sé biten-lasa pou nou soutyenn vré adorasyon-la, sé on kado nou ka ba Jéova, é sa ka fè tchè an nou kontan toubònman.

Lè sé pou ba Jéova adan byen matéryèl an nou, ka ki ké édé-nou pa oubliyé pòté kado an nou ba-y ? Lapòt Pòl di sé Korentyen-la « mèt on ti dèkwa a koté » pou fè on don (1 Kor. 16:2). La ou ka rété la, ni plizyè mannyè ou pé fè on don. Ès ou té’é enmé konnèt plis asi sa ?

A pa adan tout sé péyi-la ou ké pé fè don asi entèwnèt. Pawkont si ou vé enfòwmasyon asi dòt mannyè dè fè on don ou ké touvé-yo asi paj a sit-la ki ka èspliké kijan pou fè. Pou déotwa péyi, ni on dokiman asi paj-lasa ki ka ba-w répons a kèsyon onlo moun ka pozé-yo asi sé don-la.