JUN maj, tqʼama Jesús jlu: «Mas at tzalajbʼil kyeye qa at chʼin ma txi kyqʼoʼne te juntl, ex mya aqeye tuʼn kykʼmonteye chʼin ktzajel qʼoʼn kyeye tuʼn juntl» (Hech. 20:35). Ikju, in japun kywi yol lu toj qajbʼebʼil te Jehová. ¿Tiquʼn in xi qqʼamaʼn jlu? Tuʼnju o tzaj tqʼoʼn Jehová nim tiʼchaq qe ex in qo tzalaj kyuʼn, noqtzun tuʼnj, mas jaku qo tzalaj qa aqoʼ in qox qʼonte jun oyaj te. ¿Tiʼ jaku txi qqʼoʼn te Jehová? In tzaj tqʼamaʼn Proverbios 3:9 jlu: «Qʼonxa nimbʼil te Qman ex qʼonxa jun oyaj te tiʼj tqʼinumabʼla». Kyxol qeju «oyaj» lu, jaku txi qqʼoʼn ambʼil, qe tiʼchaq in bʼant quʼn, qipumal ex aju qqʼinumabʼil te Jehová. Aj kyajbʼen qe tiʼchaq at qe tuʼn qonin tiʼj kʼulbʼil axix tok, in xi qqʼoʼn jlu te Jehová ex tuʼn jlu in kubʼ qnaʼn tzalajbʼil.

¿Tiʼ kʼonil qiʼj tuʼn miʼn tikʼ tnaʼl quʼn tuʼn t-xi qqʼoʼn jun oyaj te Jehová? Xi tqʼamaʼn apóstol Pablo kye okslal te Corinto tuʼn tel kypaʼn chʼin tiʼjju at kye tuʼn t-xi kyqʼoʼn te oyaj (1 Cor. 16:2). Qa taja tuʼn tok tbʼiʼna tqanil kyiʼj tumel at tuʼn t-xi qʼet jun oyaj jatumel in nanqʼina, bʼaʼn tuʼn tok tqʼoʼna twitza tiʼj recuadro tkubʼ kubʼni.

At junjun tnam mintiʼ in tzaj qʼoʼn ambʼil tuʼn t-xi qʼet jun oyaj toj Internet, noqtzun tuʼnj, aju tembʼil donate.pr418.com in tzaj tqʼoʼn mas tqanil tiʼj alkyeqe tumel at tuʼn t-xi qʼet jun oyaj. Toj junjun tnam, in kubʼ qʼoʼn jun uʼj toj tembʼil donate.pr418.com jatumel in tzaj tqʼamaʼn alkye tten in xi qʼet jun oyaj.