YESU wendekele ngwendi: “Muli kujolela kwakama manene mu kwana kutubakana ku kutambula.” (Vili 20:35) Eyi ñanda yakundama na ku busamba bwetu na Yehova. Mwafwa bika? Mwafwa Yehova natwana byuma byabingi bije bikatuzibisa kubwaha, oloni tubwahelela manene nga twana Yehova byuma bituli nabyo. Bika bitwasa kwana Yehova? Mukanda wa Visimo 3:9 ngwawo: ‘Singimikeni Shukulu Kalunga ha kumulambwila byuma byeni byabibwa.’ ‘Byuma byetu byabibwa’ binambateselela na simbu yetu, cashu cetu, nzili yetu, na bufuko bwetu. Nga tupangesa byoshe ebi mu kukundwiiya bulombelo bwa busunga, co tuli na kwana bwana bwetu kuli Yehova. Oku kutulingasa tupwe ba kubwaelela manene.

Bika bitunapande kulinga mangana kutupwile kwakwasi kwana Yehova byuma byetu? Kapositolo Paulu wasonekelele baka-Kolinte ngwendi bake ake “kumukulo bimbongo bimo” bya kulambula. (1 Koli 16:2) Bika bimunapande kulinga nga mushaka kuzibuka mwakwanena milambu mu citingitingi ceni? Kengeni ha cipalo cili mwisi.

Mu mafuti amo kukwasiwa kulambwila ha intaneti. Oloni mwasa kuwana biñanda bije bimwesa bingila byeka bya kulambwilamo ha donations web page. Mu mafuti amo kuli hamo habakasoneka bikumbululo bya baje bakehula mwa kulambwila.