JESUS säd mol: “Jäwen es seelja aus nämen” (Apj. 20:35). Dis Gruntsauz es uk jeltich, wan wie Jehova waut jäwen. En waut fa Stekjen? Jehova haft ons väl jejäft, waut ons schaftich moakt, oba wie kjennen noch schaftja woaren, wan wie am waut jäwen. Waut kjenn wie Jehova jäwen? Spricha 3:9 sajcht: “Iea däm HARN met waut du hast.” Bie daut, waut wie haben, es onse Tiet met en un daut, waut wie jelieet haben, un onse Krauft un waut wie em tieteljen haben. Wan wie daut brucken toom de woare Aunbädunk unjastetten, dan jäw wie Jehova waut un daut woat ons sea schaftich moaken.

Waut kjenn wie doonen, daut wie nich vejäten, Jehova waut von onse tietelje Sachen to jäwen? De Apostel Paulus säd to de Korinta, see sullen “eene bestemde Somm auntsied lajen”, waut see Jehova jäwen wullen (1. Kor. 16:2). Wan du mea doaräwa weeten west, woo du en diene Jäajent Gowen jäwen kaust, waut kaust du dan doonen? Besee die dän Kausten hia unjen.

Eena kaun nich en jieda Launt Gowen em Internet jäwen. Oba opp de Websied toom Gowen jäwen woat daut utjelajcht, woo eena sest noch Gowen jäwen kaun. En eenje Lenda finjt eena opp dise Websied uk de Auntwuaten fa soone Froagen, waut de Menschen foaken haben, wan daut om Gowen jäwen jeit.