NGISE Yesu kaa ér: “U nan a na kwagh hembe saan iyol a u ngohol a ngohol kwagh.” (Aer. 20:35) Mkaanem ma mimi man gba zua vea mlu wase a Yehova. Er nan i lu nahana? Yehova na se uiyua kpishi mba ka ve na i saan se iyol yô; kpa aluer se kpa se na Yehova iyua yô, a hemba saan se iyol cii. Nahan ka nyi iyua se fatyô u nan Yehova? Anzaakaa 3:9 kaa ér: “Civir TER sha inyaregh yough.” “Inyaregh” yasegh yô, ka shighe wase man mfe wase man agee ase kua inyaregh shin akaa agen a se lu a mi la cii. Ka sea er tom a akaa ne u suen mcivir u mimi yô, se mba nan Yehova iyua; man kwagh ne ka a na se msaanyol kpishi je.

Nahan sha vegher u inyaregh yasegh shin akaa agen a se lu a mi la, ka nyi ia wase se ve se kem iyol u nan Yehova iyua ga? Apostoli Paulu yange kaa a Mbakorinte ér ve “ver kwagh” u vea er iyua a mi yô. (1 Kor. 16:⁠2) Aluer u soo u seer fan kwagh u igbenda i eren iyua hen ijiir you nahan, u er nena? Nenge ase shin inya heen.

Ka ken ityar cii u fatyô u eren iyua sha Intanet ga. Nahan kpa i nger igbenda igen i u fatyô u eren iyua yô, sha peeji u sha Intanet u eren iyua la. Ken ityar igen yô, i ver ngeren ugen sha peeji la u a ne mbamlumun sha mbampin mba ior ka ve pinen sha kwagh u iyua i eren la yô.