JESU wakati: “Kupa kulakkomanisya kapati kwiinda kupegwa.” (Inc. 20:35, NW) Kasimpe aaka kaliswaanizidwe mubweenzuma mbutuli aabo aJehova. Nkamboonzi nikuli boobo? Nkaambo Jehova utupede zipo zyiingi zipa kuti tubotelwe pesi tulakonzya kujana kubotelwa kwiingi kuti Jehova twamupa chipo. Nchiichili chipo nchitukonzya kupa Jehova? Muli Tusimpi 3:9, Bbayibbele lyaamba kuti: “Lemeka Jehova ambono zyako.” ‘Mbono zyesu’ ziswaanizya chiindi chesu, zipo, manguzu azintu nzitulaazyo. Chiindi nitubelesya lubono lwesu kuti tusumpule bukombi bwakasimpe, ngatulikupa Jehova chipo alubo kuchita oobo kupa kuti tujane kubotelwa kwiingi.

Niinzi chiyootugwasya kuti tupe Jehova chipo, kuzintu nzituli aazyo? Mwaapostolo Pawulu wakabuzya maKristu bakuKkorinto kuti ‘babikke chimwi chintu aambali’ kuti chibe chipo. (1 Kor. 16:2, NW) Kujana wachita biyeni kuti kuyanda kuziba zyiingi atala anzila zyakusanga zibelesegwa kubusena nkukkala? Tukumbila ulange kabbokesi kali munsi.

Kuli amwi manyika, takukonzeki pe kusanga kubelesya Intaneti. Nikuba boobo, amwi makani aatondeezya zimwi nzila zyakusanga alajanika aawebbusayiti yesu apeji yaambuula atala akusanga. Kuli amwi manyika, apeji eeyi, kuli makani asandula mibuzyo iisiyene-siyene iili atala akusanga.