JESUSEʼ tu yaʼalaj: «Maas ku taasik kiʼimak óolal u tsʼaʼabal wa baʼax ke u kʼaʼamal wa baʼax» (Bax. 20:35). Le baʼax tu yaʼaloʼ jach chíikaʼan u yilaʼal yoʼolal bix k-bisikba yéetel Jéeoba. ¿Baʼaxten k-aʼalik lelaʼ? Tumen letiʼeʼ ku tsʼáaiktoʼon yaʼab baʼaloʼob utiaʼal u kiʼimaktal k-óol, baʼaleʼ jeʼel u maas kiʼimaktal k-óol wa toʼon síik wa baʼax tiʼ letiʼeʼ. Baʼaleʼ ¿baʼax jeʼel u páajtal k-síik tiʼeʼ? Proverbios 3:9, ku yaʼalik: «Tsʼáa a tsiikil tiʼ Yuumtsil yéetel a ayikʼaliloʼob». Le «ayikʼaliloʼob» ku yaʼalikoʼ táakaʼan k-tiempo, baʼaxoʼob k-ojel k-beete, k-muukʼ yéetel k-taakʼin. Kéen meyajnaktoʼon le baʼaxoʼob yaantoʼon utiaʼal k-tsʼáaik táanil k-adorartik Jéeobaeʼ, táan k-síiktiʼ le baʼaxoʼob yaantoʼonoʼ, leloʼ jach ku kiʼimakkúuntik k-óol.

¿Baʼax jeʼel u yáantkoʼon utiaʼal maʼ u tuʼubultoʼon k-tsʼáaik tiʼ Jéeoba le baʼaxoʼob yaantoʼonoʼ? Apóstol Pabloeʼ tu yaʼalaj tiʼ le corintoiloʼob ka u jóoʼsoʼob junpáayil le bukaʼaj ku páajtal u síikoʼoboʼ (1 Cor. 16:2). Wa taak a wojéeltik bix jeʼel u páajtal a síik baʼax yaantecheʼ, ilawil le cuadro yaan kabaloʼ.

Yaan luʼumiloʼobeʼ maʼ tu páajtal u tsʼáaik u donación máak ich Internet. Baʼaleʼ le sitio donate.pr418.com, ku tsolik le jejeláas bix jeʼel u páajtal u tsʼáaik u donación máakoʼ. Yaan jujunpʼéel luʼumiloʼobeʼ tsʼaʼan teʼ sitio junpʼéel jaats tuʼux ku núukaʼal le kʼáatchiʼob ku beetaʼal yoʼolal le donacionoʼob ku tsʼaʼabaloʼ.