喺​哥林多后书​12:2,3，保罗​话​某​个​人“被​接​到​三重天”。呢个​人​系​边个？保罗​喺​写​俾​哥林多​会众​嘅​信​入面​强调，上帝​正​任用​佢​做​使徒。（哥林多后书​11:5,23）接住，佢​就​提​到“主​所​赐​嘅​异象​同​启示”。因为​保罗​喺​上下文​并​冇​提及​到​其他​弟兄，按理​嚟​讲，佢​系​得到​异象​同​启示​嘅​人。（哥林多后书​12:1,5）

所以，好​可能​保罗​就系​嗰个“被​接​到​三重天”同埋“被​接​到​乐园”嘅​人。（哥林多后书​12:2-4）佢​用“启示”呢个​词，表明​上帝​透露​咗​将来​会​发生​嘅​事。

保罗​所​讲​嘅“三重天”系​指​乜嘢？

喺​圣经​入面，“天”可以​指​实际​嘅​天空。（创世记​11:4；27:28；马太福音​6:26）但系“天”亦​都​有​其他​意思。有时​可以​指​人类​嘅​统治权。（但以理书​4:20-22）有时​亦​都​可以​指​上帝​嘅​统治权，例如​上帝​通过​佢​嘅​王国​所​施行​嘅​统治。（启示录​21:1）

保罗​睇见​嘅“三重天”，系​乜嘢​意思​呢？喺​圣经​入面，某​啲​说话​或​字眼​重复​三​次​系​表示​深度​或​强​度，目的​系​要​达到​强调​嘅​效果。（以赛亚书​6:3；以西结书​21:27；启示录​4:8）所以，睇嚟​保罗​系​用“三重天”嚟​强调​一​种​至高无上​嘅​统治​形式，就系​耶稣​基督​同​14万4000​个​受膏君​王​一齐​统治​嘅​弥赛亚​王国。（请​睇《洞悉​圣经》下册​390,396​页）正如​使徒​彼得​所​写​嘅，我哋​正​按照​上帝​嘅​应许​等待“新天”。（彼得后书​3:13）

保罗​所​讲​嘅“乐园”又​系​指​乜嘢​呢？

“乐园”呢个​词​同样​有​唔同​嘅​意思：（1）从​人类​最初​嘅​家园​嚟​睇，“乐园”可以​指​将来​喺​地上​嘅​实际​乐园。（2）“乐园”亦​都​可以​指​上帝​嘅​子民​将来​喺​新世界​享有​嘅​属灵​情况。（3）“乐园”仲​可以​指​天上​嘅​美好​情况，即​系​启示录​2:7​所​讲​嘅“上帝​乐园”。——请​睇《守望台》2015​年​7​月​15​日​刊​8​页​8​段。

保罗​喺​哥林多后书​12:4​讲​自己​嘅​经历​嗰时​所​指​嘅，可能​都​包含​以上​三​方面​嘅​意思。

总结：

哥林多后书​12:2​提​到​嘅“三重天”，睇嚟​系​指​耶稣​基督​同​14万4000​人​统治​嘅​弥赛亚​王国，即​系“新天”。（彼得后书​3:13）

上帝​王国​称​为“三重天”，系​要​强调​王国​系​一​种​至高无上​嘅​统治​形式。

保罗​喺​异象​入面“被​接​到​乐园”。呢个“乐园”睇嚟​系​指（1）将来​喺​地上​嘅​实际​乐园；（2）即将​到来​而​又​更加​广阔​嘅​属灵​乐园；（3）同​新世界​同时​存在​嘅​天上​嘅“上帝​乐园”。

所以，新世界​系​新天​同​新地​嘅​结合。呢个​会​系​一​个​新​安排，包括​天上​嘅​王国​政府​同埋​喺​地上​乐园​事奉​耶和华​嘅​人类。