Sama a Gadu?
Omen sama e taki den e biibi taki Gadu de, ma te yu akisi den sama a Gadu, a omen sowtu sani den e taki. Son sama e denki taki Gadu abi ogii-ati. Den e taki ai sitaafu sama a wan ogii-ati fasi fu den sani di den du. Taawan e taki Gadu lobi sama, winsi san wan sama du, ai gi en paadon. Son sama e biibi tu taki libisama á poi toon Gadu mati. A nai booko en ede anga u tu. Fu di sama e denki omen sani fu Gadu, meke son sama e si enke wi á poi sabi Gadu tuutuu.
A de fanowdu fu sabi sama a Gadu tuutuu? Eeye, a sani ya de fanowdu. A sabi di wi o sabi Gadu, o yeepi u fu si a libi enke wan pelensipali sani (Toli 17:26-28). Moo yu e kon koosube a Gadu, moo Gadu o lobi i. A o yeepi i tu (Yakowbesi 4:8). A sabi di wi o sabi Gadu o yeepi u fu fende teego libi.—Yohanisi 17:3.
Fa yu o du sabi Gadu? Pakisei wan sama di i sabi bun, wan bun mati fi i. Fa yu anga en du toon mati? I be kon sabi a sama nen, en manii, san a lobi anga san a á lobi. I sabi den sani di a du anga san a wani du ete, anga wantu taa sani. A den sani ya meke yu anga en toon mati. Dati wani taki i leli sabi a sama.
Na aseefi fasi u sa sabi Gadu tu te u poti pakisei a den sani ya:
A Wakititolen ya o piki den akisi ya. Den artikel fu A Wakititolen ya o soi i sama a Gadu, boiti dati den o soi i sowtu wini yu o fende te i toon Gadu mati.
